金羅道韓國餐廳 (已結業)

今日約左個朋友食晚飯，我就帶佢去公司附近間韓國餐廳“金羅道”！呢間餐廳是我同成班同事最愛的飯堂，雖然偏僻左D，勝在食物質素有水準，而且間餐廳標榜唔用味精調味，感覺比較健康！ 坐底後店員奉上棗茶及三款前菜，芽菜、泡菜、甜薯仔，每款皆好味。有美容養顏功效的自家制棗茶，少少甜，味道可口，而且無限添飲😄！燒牛肋骨， 一上枱香氣撲鼻，燒完切定一件件的牛肉，醮上秘製醬汁，放生菜裡，再加蒜片、尖椒包住食，生菜爽脆牛肉香甜，滋味無窮😉！部隊鍋，(落單時向店員說明要最小辣)， 好足料 ，有蝦、青口、八爪鱼仔，韓國午餐肉、年糕等！其他餐廳的部隊鍋好少有海鮮。擺設精緻，食落微辣，湯底好正👍 韓國 原裝直送醬油蟹經秘製醬汁生醃的醬油蟹，蟹肉鮮味黏糯，蟹蓋好多膏，但就咁食味道有些少鹹，配上白飯紫菜撈埋一齊食就更好味，因為白飯可以襯托出蟹膏的鮮香，令人回味無窮，唔錯😀每次黎食，無論食物喺質素或味道上皆有保證，服務方面也周到，金羅道不愧為我地班同事最愛的食堂！