八方雲集鍋貼水餃專門店 (已結業)

今日嘅中午就同朋友黎到都會呢度食飯。始終呢度係一個飯堂咁嘅模式，有唔同嘅店可供選擇，服務同環境方面就一般嘅姐，有時候可以就嘈啲嘅。咁我今次就想食下鍋貼就叫左個麵線餐食。其實我都唔係第一次食八方架啦，啲麵線係有啲似粉絲，好幼好短，我覺得有啲難夾嘅，但係入口呢味道唔錯嘅，一定唔會係難食先架啦，但根本唔會預好食嘅。反而啲鍋貼我覺得幾好，唔會有好多煎過火，冇咩煎黑左嘅地方。而餡嘅肉嘅份量都幾足。杯豆漿珍珠我覺得加四蚊加珍珠有少少唔值，但係珍珠口感好好，分得開一粒粒，唔會痴埋一舊，而且又唔係粉狀，咬落好有口感。杯豆漿都幾滑，整體杯野飲係可以嘅。上得都會食都係為聚為快，都食物同服務要求上都低啲架啦，所以呢一餐午餐都唔錯架，夠飽肚。