澳洲牛奶公司

營業中

休息中

澳牛一直都係我心目中最好食既茶記，見今日day off就同朋友去食下。 啲人成日話澳牛光速餐食完趕人走態度又差，但我一向少理呢啲因為質素先係最重要！ 可能因為今日係閒日，而且又撞唔中啲OL既放飯時間，我同朋友等左大約十分鐘就入到去！ 識食一定係嗌叉燒通，炒蛋多士同火腿，再加枝鮮奶或者熱奶茶！話到明係光速餐，上餐既速度當然係快，快快手影張相，就立即開大餐喇！ 澳牛既蛋永遠係皇牌，又香又滑，一啲都唔油。多士烘得岩岩好，又厚又鬆脆，配埋啲蛋食簡直係一流！火腿 就正正常常啦冇咩好講，嗰通粉啲湯好好飲，叉燒都幾好食！飲埋一啖涷鮮奶就無敵！ 澳牛簡直係食極都食唔厭，滿分！