TERA (寶發大廈)

營業中

休息中

煙三文魚菠菜意粉🐟 $108意粉軟硬適中食落幾彈牙，除咗上面一大塊煙三文魚之外，裏面有切碎咗嘅煙三文魚，仲有菠菜同菇，意粉好creamy，如果個意粉多啲醬汁就更好。明太子蟹肉意粉🍝 $138一聽到有明太子即刻心心眼😍，裏面好多蟹肉碎，個意粉好濃郁，再配埋飛魚籽、洋蔥、菇，口感好豐富。oreo奶油曲奇窩夫🧇 $108(忌廉+自家製朱古力醬 + Oreo）個窩夫好吸引😋，朱古力醬唔會太苦，而個窩夫整得外脆內軟，再配埋忌廉同Oreo一齊食勁邪惡🙈。蘋果汁( +$18) 蜜桃柚子茉莉綠茶 $48底層有啲柚子肉要溝勻咗先嚟飲就唔會太甜，而上面放咗一舊蜜桃🍑，飲落都幾fresh。