牧羊少年咖啡館 (香港文化博物館)

營業中

休息中

位於博物館裏邊，有間牧羊少年餐廳。牧羊少年餐廳有多間分店，但呢間餐廳開喺博物館裏邊，多一份悠閒同埋寧靜感。平日去嘅話人唔多，下午茶嘅話價錢亦都算合理。包一份小食同埋飲品。下午茶餐可選擇是日蛋糕， 是日蛋糕有三款可以選擇，當日選擇咗芝士蛋糕，芝士蛋糕唔會太甜，口感適中唔會過硬。另外一份下午茶就點咗雞翼同埋薯條，雞翼嘅份量比想像中多，而且炸得鬆脆熱辣辣，非常推介。下午茶餐包餐飲，有多款選擇，冷熱皆可。而且用餐時間有1小時45分鐘，比起一般餐廳長，適合慢慢同朋友坐下聊天。