泰國翟道翟街頭粉仔 (已結業)

其實都食過兩次啦, 第一次就見佢係天后度新開, 所以就入去試下.第一次入去就覺得鋪頭好細間, 建議啲身型比較大份的朋友去果度叫外賣會好啲.睇餐牌啲價錢就覺得比出面啲泰國餐廳平, 但係野食來到就細份左少少, 果然一分錢一分貨.試左個撈粉仔同湯米粉, 再加埋個粉絲沙津.撈粉仔可以自己簡個辣度, 咁我自己就簡左中辣, 都接受到, 啲粉好彈牙, 新鮮感十足, 撈埋啲配料好match. 但係份量對我來講就真係唔夠了.湯粉啲魚旦細細粒, 幾好食, 不過個份量就非常之細, 可能是小朋友的份量.我看見餐牌上說可以加底, 不過價錢就有點兒貴, 要十幾蚊, 所以我寧願叫多一個小食, 粉絲沙津, 出到來的溫度是暖暖的, 不過材料充足, 一啖粉絲一啖材料, 味道對比起撈粉仔來說有點淡, 不過十分開胃.這間店其實可以再來的, 不過份量方面就希望可以改善少少, 值得讚賞是店員很有禮, 店內的氣氛十分好, 充滿異國風情.