一寿司 (已結業)

是晚同友人去ｉｓｑｕａｒｅ睇戲，　睇之前當然要去食晚餐啦。可能因為呢排成日睇電視台有關壽司的劇集，　搞到我都好想食壽司。坦白講，　我就唔想去Ｄ日本料理食壽司，　我反而想去＂打正旗號＂食壽司的地方，　上網ｓｅａｒｃｈ過，　又想搵Ｄ近番ｉｓｑｕａｒｅ，　所以就選擇呢間＂一壽司＂。我都係第一次去呢間一壽司，　ＭＫ／ＣＷＢ就成日去。位置都易搵　（原來呢條街都幾旺），　可能係星期五啦，　都好多人，　我７：３０去到，　已經有一堆人等位。攞咗飛，　等咗２０分鐘就有。叫咗好多壽司, 大部份都有水準, 不過個手卷就唔得, d紫菜好快就”林”..我個人就次次去一壽司都必食：玉子、蟹子沙律 (好大碗的, 可以2個人share)、帶子壽司。另外今次叫咗個蟹子海膽軍艦, 都好味, 海膽一d都唔腥。食物： 大部份都好食 ；Service： 門口派飛仔的女侍應勁好人, 其他侍應都ok ； 環境：坐得都舒服 ；價錢： ok。其實我咁耐都無食過佢地的”黑夜壽司”, 一來真的太夜、二來係勁多人排隊, 不過…如果有機會…我都想試試, 話哂抵咁多嘛。