雅天妮餐廳 (已結業)

食物方面：生蠔：小弟人生第一次一日內食四個國家既生蠔，包括蘇格蘭、美國、法國、南非。老實講，法國既海水味較重，南非較腥(可能係批次問題)，但其實四種既味道又唔係話差太遠。味道還好吧，但係排隊雖時。刺身：三文魚冇味，出得算慢，唔合格。熟食：有我最中意既燒蠔，但係粒肉真係超細。串燒係即場燒，所以熱呼呼，都食得過。special order:我唔知點稱呼好，所以我叫佢S.O.，有得揀雞扒、魚柳、西冷、黑毛豬同唔記得咩骨，我全都試過。雞扒，係最穩陣、最易處理既食材，所以冇咩特別好講；西冷，其實我覺得個廚師煎得唔錯，但可惜塊扒既質素本身唔高；黑毛豬，我覺得係最好食；魚柳，全名好似係「煎魚柳配黑松露白汁」，黑松露味唔太出，但係作為配菜既煙肉為成碟菜添色不少。食物總結：5分都值3分，可惜食物種類少得太可憐，仲少過一百幾蚊既酒店lunch buffet，同行友人大讚長腳蟹同小龍蟹，但我冇食，所以比唔到我既個人意見。環境：坐位極為寬敞，坐得好舒適，舒適度可以與5星級酒店既餐廳相提並論。但餐廳格局似乎差d。地點：地點係工廠區，話遠唔遠，話近唔近。但係就較難搵間餐廳既位置。