影片
更多
2016-04-24
1365 瀏覽
因為貪小便宜關係揀左5:30-7:30pm時段食晚飯雖然早但都唔少人 餐廳漸漸坐滿不過兩個人仍然可以坐到卡位食放題多數坐得迫 人少更加與卡位無緣呢到坐得舒服 而且燈光無去開嗰啲放題餐廳咁暗感覺醒神好多餐廳用貌似錦鋰o既魚做主題 天花牆身周圍都有佢地o既存在首先出場係雞軟骨串燒可能因為第一碟 味覺未打開無乜特別要講 唔覺得好食但又唔會難食之後係日式蟹粥 餐單話呢個係必食本來味覺仲未開 但睇佢個樣唔方好食就醒左三分要試真啲粥好稀下 又無乜蟹味唔多知道自己食緊乜 邊忽稱得上必食呢佢又未至於難食 但知道得呢個水平就慳返個胃好過呢啲都算係飽肚野黎架嘛蟹子沙律實物如圖 除左蟹子係沙律醬上面仲可以清晰見到佢個醬係掩蓋左九成o既野.....包括味道個醬多到覺得自己淨係食梗沙律醬乜都食唔到駛唔駛咁重手 搞到啲野唔好食成本又高左對呢碟野無印象 唔知係自己無食到定係無特色到記唔起北海道帶子刺身唔錯雖然唔大粒 但至少嫩滑有鮮味先呢盤刺身等得我好苦 差唔多半粒鐘先黎因為習慣先隊刺身再食熱野 所以一日未見呢盤野都未發力叫熟食等左咁耐又唔見得特別好食千島玉子刺身即係甜蛋 鞋口又硬唔香唔鮮甜鱆紅魚同油甘魚刺身唔知係我
因為貪小便宜關係揀左5:30-7:30pm時段食晚飯雖然早但都唔少人 餐廳漸漸坐滿
不過兩個人仍然可以坐到卡位
食放題多數坐得迫 人少更加與卡位無緣
呢到坐得舒服 而且燈光無去開嗰啲放題餐廳咁暗
感覺醒神好多
餐廳用貌似錦鋰o既魚做主題 天花牆身周圍都有佢地o既存在
首先出場係雞軟骨串燒可能因為第一碟 味覺未打開
無乜特別要講 唔覺得好食但又唔會難食
之後係日式蟹粥 餐單話呢個係必食本來味覺仲未開 但睇佢個樣唔方好食就醒左三分要試真啲
粥好稀下 又無乜蟹味
唔多知道自己食緊乜 邊忽稱得上必食呢
佢又未至於難食 但知道得呢個水平就慳返個胃好過
呢啲都算係飽肚野黎架嘛
蟹子沙律實物如圖 除左蟹子係沙律醬上面仲可以清晰見到佢個醬係掩蓋左九成o既野.....包括味道
個醬多到覺得自己淨係食梗沙律醬乜都食唔到
駛唔駛咁重手 搞到啲野唔好食成本又高左
對呢碟野無印象 唔知係自己無食到定係無特色到記唔起
北海道帶子刺身唔錯雖然唔大粒 但至少嫩滑有鮮味先
呢盤刺身等得我好苦 差唔多半粒鐘先黎因為習慣先隊刺身再食熱野 所以一日未見呢盤野都未發力叫熟食
等左咁耐又唔見得特別好食
千島玉子刺身即係甜蛋 鞋口又硬唔香唔鮮甜
鱆紅魚同油甘魚刺身唔知係我叫兩樣佢淨係出一樣 定係我唔識分
Anyway總之切得太薄 就算新鮮度唔差都好影響口感
三文魚厚返少少 但肉質淋左啲 少左柔韌o既口感
大甜蝦刺身唔大 但真係好鮮甜 最好食係佢
劍魚腩刺身
16 瀏覽
0 讚好
0 留言
見到呢到有即刻衝埋去
但係好失望 唔好同我講呢舊野係劍魚腩
無哂口感就黎梅咁濟 難得係影相遮到醜
實情好似唔知係邊忽邊位切出黎頭頭尾尾o既碎咁
衰到呢......
再叫甜蛋純粹係其他人未食鮑魚片刺身有食但無感覺
白海螺刺身同珍珠黑鳥貝刺身食左但唔記得邊樣打邊樣
不過肯定係呢兩樣之中有一樣好爽脆
雖然唔夠鮮甜 但單憑呢種口感值得一食
芝麻雞翼炸得幾好 外脆內嫩好香係咁多野食之中數一數二好
吉列蠔比較瘦 唔Creamy 無乜蠔味
但係熱辣辣炸出黎o既野唔會難食
對呢碟上面o既火焰鰻魚壽司終於有返記憶但係記得食左同無食都無分別
個味真係太平淡 對味覺毫無刺激
火焰虎蝦同火焰蟹棒壽司比較好
輕微燒焦令條脷都感受到香味
不過呢啲都係火焰壽司基本野黎
至於件蝦同蟹質素OK
鐵板什菌炒野菜幾好食 甜甜地加埋上面o既柴魚夾雜左少少香口o既味
要知道平時食菜係偏淡 所以呢個咁有味就有亮點
但係頂 黎呢啲地方唔係食菜
所以所謂好食都只係食左兩三啖
我懷疑呢到啲壽司係有麻痺條脷o既作用食邊種都係無乜味o既感覺
呢個海膽親子卷又係食完覺得無味留低
講到尾就係啲野唔夠鮮甜 麻痺講笑咩
鐵板辛味魷魚鬚甜到呢 黎到我食先啃左兩條就放棄之後朋友食話好辣下 我就奇怪明明我食好甜點解人地食係辣
再試就知原來我食面嗰啲好甜 到佢食底嗰啲就好辣
哥仔炒得混啲得唔得
仲有呢到啲員工應該係食鐵板大 樣樣鐵板野都無鐵板 哈哈
呢個紫芋波波係咱一有翻單咬落去煙煙韌韌甜甜 好似食糯米糍
但無糯米糍咁淋 所以口感仲正
配合紫芋o既清甜 又唔會好似甜品咁甜
食一粒真係唔夠喉
一向對熟左o既魚無咩感想食左少少覺得佢無問題就夠
燒羊架
21 瀏覽
0 讚好
0 留言
因為係其他餐廳食好貴 就算叫都只係分到一兩件
所以放題必定喪食 但係呢間啲羊差到喊
我一件大一件細都食唔哂
原因係你根本食唔到
多根肉鞋咬唔爛
咬到牙關都攰 放棄吐返一半出黎
唔駛差到咁嘛.........
帆立貝北海燒醬多肉細似飲汁不過中肯啲講呢件野其他放題都係做得咁上下水平
並唔係呢到特別差
天婦羅: 海蝦 南瓜 有機蕃薯
14 瀏覽
0 讚好
0 留言
海蝦、南瓜都唔駛講個料好唔好味
因為佢啲天婦羅全部淋哂
當你食一啲完全無炸脆口感 就咁一塊淋皮包住o既野
裡面係點你已經唔想理
除非真係好突出 就好似有機蕃薯天婦羅
因為粒蕃薯煙韌又清甜
本身煙韌o既野就有少少淋o既質感
所以無畀天婦羅個衰皮影響太多
熱烏冬係平時超市一餅長方型結左冰嗰種烏冬難o既烏冬呢種烏冬嚼頭比較好 不過係家常便飯野
蒜片牛柳粒應該用鏹水級生粉拿過啲肉淋到已經唔似牛肉又太甜
其實要炒o既熟食佢都係用同一隻醬
最終碟碟都係差唔多味 好hea
呢粒朱古力布朗尼黎得到食唔到 因為根本無時間食就要走平心而論 放題黎講佢環境好好 座位寬敞舒服
價錢同其他放題差唔多 埋單平啲純粹因為今次早食
等同其他放題都有早食遲食優惠
最大問題係食物方面真係唔多掂
當然我唔覺得有邊一樣去到難食
但劍魚腩刺身 燒羊架 天婦羅係堅失望
真係算得上好食得兩三成 其餘六成都係普普通通
野飲選擇我覺得以放題黎講算少同款式普通
最終只係飲左可樂同橙汁
食物唔算好又上得唔快 追左兩次單
最尾嗰半個鐘先狂出 我估佢都知你無時間食
所以最後半個鐘出o既野有啲會少過叫o既數量
牛柳粒7:24pm先出 一到7:30pm即叫你走
食風咩 都未講之前廿分鐘喪掟出黎嗰啲未食夠
當然佢唔係好無禮貌咁趕你走
我亦都明白遊戲規則係食兩個鐘
但係如果佢用叫我幫個忙讓個位出黎
Give a help o既講法感覺會正面好多
而唔係而家咁 強調我地阻住佢好多客人咁令人反感
當佢苦住塊面舉起手指住出面好多客人嗰下
同話我阻住地球轉有乜分別
又唔諗下你頭一個鐘啲野上得咁慢阻住我地球轉
問心呢間野不至於劣評 至少佢環境好又唔難食
但係中評都算勉強 又唔係平好多但又無乜邊樣好食
所以佢處於中評與劣評之間
當一定要揀一樣 我最終會因為佢點樣"驅逐"客人而選擇劣評
byebye你條尾囉~
張貼
