麻布茶房 (已結業)

一路都唔知原來淘大有間麻布...星期五o既晚上周圍都要等位,我又對於軟雪糕好冇抵抗力,所以就o係度痴痴的等...真係企到腰酸,終於有位,大家都好有恒心咁等menu同以前認識o既麻布好唔同,少左好多野是但揀左個咖哩飯,幾乎完全唔辣,所以食得好輕鬆,同埋因為等位咁耐好餓o既關係,轉頭就食完~大人要左個牛柳定食其實牛肉係咪真係好難煮得好,點解又係咁難咬o既最欣賞就係d前菜,酸酸地好開胃揀左配梅子飯,係好淡o既梅味,食耐左係唔覺o既添就o係差唔多食完兩個飯,諗緊叫咩軟雪糕甜品o既時候...聽到侍應同隔離枱講個雪糕機壞左!!!呀!!!!我到底係為左乜野等位等咁耐,錯哂呀....如果淨係為左食飯,我真係唔會入黎呢度呀咁貴,冇得食軟雪糕,所以極速埋單走人喇