阿土伯鹽水雞 (已結業)

此店開業了一段日子，但見openrice上的評語頗為參差，所以我雖有興趣，卻一直沒敢嘗試。直到這幾天見某外賣app有優惠，自取有八折再另減$25，即二人餐只需$78左右，好抵食，所以就初次幫襯。二人餐有拌麪、半隻雞、自選五款配菜。配菜我選了雞腳筋、木耳絲、秋葵、菠蘿、皮蛋，醬料則是原味微辣。麪底分量比預計少，但餸量頗多，女仔一定夠飽，男仔就可能爭少少。雞肉夠滑，配菜能帶出不同口感，其中木耳好夾，雞腳筋有特色又好味，菠蘿酸酸甜甜，配重口味嘅拌麪啱哂！醬料雖然揀咗微辣但都真係幾辣下，味道幾重，不過食得過癮。下次會再幫襯，想試埋個阿土醬。