北京人家 (已結業)

今晚同朋友5個人，叫了一個4人餐特價$968，再加多一籠小龍包，豆沙鍋短，炸銀絲卷， 訂了位都等了10分鐘，枱面有2小碟青瓜豆乾小食，辣辣地好味，先黎4人餐的2碟小食，醉雞同海淅，醉雞味道入味，海淅比較碎，像海淅頭粒粒禁，滑魚真係好滑，無雪味，配上大蔥雲耳都唔錯，宮爆蝦仁好熱，放入口咬唔到，應該炸得好耐再加醬汁爆，但可能炸得過火，因為外皮有點硬，唔係脆粉醬厚左，失望味道過甜無辣味……海皇羮比想像中好，最怕飲味精，佢清清地有粟米清甜，有些蝦，蟹肉同魚唇，ok的。主角片皮鴨，佢先原隻攞黎俾你睇，再去切片，顏色淡左少少，不過鴨皮都有香味，近pst pat位脂肪太多，我奇怪師傅為何片埋出黎？海參好厚，但醬汁有燶味，師傅火太猛失手左，可惜！，炸銀絲卷好吸引，炸得脆卜卜，配上煉奶，正 小龍包皮薄有湯汁，追加多一籠，甜品我們將南瓜耶汁小丸子轉做酒釀小丸子，真的很清甜桂花味濃，丸子有芝麻做餡，禁細丸子手功唔錯，甜品好好味，豆沙鍋餅熱辣夠脆，唔油膩推介！整體有好有壞，但個套餐禁多款係抵食概，可能新年失手都唔定。