串酒里 (已結業)

今日去完南豐紗廠之後，夜晚黎到串酒里食串燒。川式脆燒雞軟骨卜卜脆，好好咬。鹽燒厚切牛舌唔韌，好惹味。川式麻辣香燒餃子雞翼有兩隻，入面包住明太子同雞肉，辣度適中。燒玉子係甜既，面同底都搽左蜜糖黎燒。自家製惹味雞肉串有兩串，雞肉好大舊，啖啖肉。麻吉燒幾特別，魚糕包住年糕，煙煙韌韌。黄金蒜蓉燒扇貝有三隻，勁多蒜，亦好夠熱。煙肉荔枝串有兩串，估唔到係甘夾架，清甜既荔枝中和左鹹既煙肉，美味。黃金魷魚係鹹蛋黃味，熱辣辣，好邪惡。蒜蓉牛油焗蔬菜幾香牛油味，西蘭花份量幾多。