影片
更多
2012-10-01
17 瀏覽
宅麵專門店 The Ramen 係一間日式拉麵店，總廚 Jack 曾經o係大阪著名拉麵店任職，能夠掌握正宗日本拉麵o既廚藝，去年中o係中環九如坊開設首間拉麵舖後，兩個月前再o係九龍灣淘大商場開設分店早前o係網站用每張$36 o既價錢買左兩張 coupon，每張 coupon 可以換到村一番辛味王拉麵 / 櫻花蝦味噌王拉麵 / 黑椒安格斯肥牛鍋飯 (原價$79)，呢個優惠適用於下午茶及晚餐時段，另外九龍灣淘大商場分店只供應兩款拉麵團購，若果想試黑椒安格斯肥牛鍋飯就一定要到中環分店由於我地間中都到中環，今次選左中環分店享用呢個團購優惠．我地當晚七點前黎到呢間位於九如坊o既分店，地點唔太難搵，不過的確係僻左少少．地方唔算大，有二十六個座位，呢度裝修,環境及擺設都充滿和風格調，店舖整齊乾凈女侍應先向我地送上清水，原來呢o的水係落左鮮檸檬，真係有o的出乎意料之外，通常只有高級西餐廳先會向客人提供呢o的水．另外每張枱都放左一樽水，客人可以自己斟，唔使勞煩侍應．之後我地落單，要左一碗櫻花蝦味噌王拉麵及一碟黑椒安格斯肥牛鍋飯食物係即叫即做，我地等左大約十分鐘，櫻花蝦味噌王拉麵及黑椒安格斯肥牛鍋飯就相繼
早前o係網站用每張$36 o既價錢買左兩張 coupon，每張 coupon 可以換到村一番辛味王拉麵 / 櫻花蝦味噌王拉麵 / 黑椒安格斯肥牛鍋飯 (原價$79)，呢個優惠適用於下午茶及晚餐時段，另外九龍灣淘大商場分店只供應兩款拉麵團購，若果想試黑椒安格斯肥牛鍋飯就一定要到中環分店
由於我地間中都到中環，今次選左中環分店享用呢個團購優惠．我地當晚七點前黎到呢間位於九如坊o既分店，地點唔太難搵，不過的確係僻左少少．地方唔算大，有二十六個座位，呢度裝修,環境及擺設都充滿和風格調，店舖整齊乾凈
女侍應先向我地送上清水，原來呢o的水係落左鮮檸檬，真係有o的出乎意料之外，通常只有高級西餐廳先會向客人提供呢o的水．另外每張枱都放左一樽水，客人可以自己斟，唔使勞煩侍應．之後我地落單，要左一碗櫻花蝦味噌王拉麵及一碟黑椒安格斯肥牛鍋飯
食物係即叫即做，我地等左大約十分鐘，櫻花蝦味噌王拉麵及黑椒安格斯肥牛鍋飯就相繼整好
我地發覺原來張枱太細，每人叫一個飯及麵後，張枱幾乎放唔落其他野，不過有樣野值得一讚，每張椅子下格有一塊板，客人可以張個袋或隨身物品放o係呢塊木板上，唔駛將o的野放o係地上整污糟 呢款椅子係本人首次見到
櫻花蝦味噌王拉麵個賣相幾好，用左一塊大約六,七吋高o既超大塊紫菜圍住個碗邊
半隻溏心蛋能夠做到半生熟，有好多隻櫻花蝦，不過日式叉燒只得一塊，配料有粟米粒、木耳、椰菜同埋芝麻，份量都算多，幾豐富，拉麵爽口彈牙，質地唔錯
味增湯底唔太鹹，濃得黎味道剛剛好，據說呢o的秘製豬骨濃湯係用左約 80 磅新鮮豬骨、雞骨、蔬菜等材料熬十幾個鐘製成，味道非常濃郁，相信呢碗都算係正宗日本風味o既拉麵
黑椒安格斯肥牛鍋飯送黎時係有吱吱聲響，o的飯同埋食物保持好熱o既狀態，真係熱辣辣
o的飯用左珍珠米黎整，面頭有香甜粟米，安格斯肥牛o的肉唔算肥，不過o的黑椒汁唔係咁多，所以食到尾o既時候好似唔係太夠汁，或者用左鐵板o既緣故，o的汁已經揮發左
埋單時我地每人要俾$3.6 加一服務費，值得一提係呢間拉麵舖唔會以四捨五入收整數o既服務費，佢地會找返毫子俾客人
今次呢個優惠算係價錢合理，$39.6 就食到日式拉麵或鍋飯，大家可以一試無妨， 不過若果要以原價七十幾蚊光顧，就唔係太值得喔！
張貼
