更多
2012-06-29
19 瀏覽
之前同友人試過佢鰂魚涌嘅小店,感覺唔錯。最近行過豚王附近,發現原來佢地喺中環開左分店,於是我就拉埋男友嚟食多次啦~中環分店比鰂魚涌大少少,鰂魚涌店開放式D、中環店就有餐廳Feel D,設有室內座位,夏天嚟食都唔怕會食到大汗疊細汗啦!外賣車嘅造型一樣同樣喺中環店出現,一樣的Sharp醒 不過我覺得如果佢地將個車頭「隊」出門口會更eye-catching不是嗎?上次同友人食過小食Taco,今次就Order套餐啦!自稱大食嘅男朋友試左佢地新出嘅Supreme Burrito,食左一啖就話佢地真係落足料,入面包住滿滿嘅墨西哥飯、清爽嘅洋蔥粒、Juciy嘅豬柳粒等等,奄尖嘅佢仲響落單時嗌走芫茜添!落單姐姐仲問佢想將D Salsa醬inside定outside,實在夠細心,值得一讚!而我就叫左Swiss Enchilada with Chicken Combo,個餐一嚟到男友就話我果個餐好吸引!(因為佢個Burrito用錫紙包住,冇乜賣相可言XD)喱碟焗芝士卷D芝士溶哂喺上面,入面D雞肉一絲絲,加埋外層嘅醬汁,你話點會唔好味?!至於配菜方面,班豆蓉同墨西哥飯味道相比下就顯得冇咁突出,亦可以轉沙律;
之前同友人試過佢鰂魚涌嘅小店,感覺唔錯。最近行過豚王附近,發現原來佢地喺中環開左分店,於是我就拉埋男友嚟食多次啦~
中環分店比鰂魚涌大少少,鰂魚涌店開放式D、中環店就有餐廳Feel D,設有室內座位,夏天嚟食都唔怕會食到大汗疊細汗啦!
外賣車嘅造型一樣同樣喺中環店出現,一樣的Sharp醒
不過我覺得如果佢地將個車頭「隊」出門口會更eye-catching不是嗎? 上次同友人食過小食Taco,今次就Order套餐啦!自稱大食嘅男朋友試左佢地新出嘅Supreme Burrito,食左一啖就話佢地真係落足料,入面包住滿滿嘅墨西哥飯、清爽嘅洋蔥粒、Juciy嘅豬柳粒等等,奄尖嘅佢仲響落單時嗌走芫茜添!落單姐姐仲問佢想將D Salsa醬inside定outside,實在夠細心,值得一讚! 而我就叫左Swiss Enchilada with Chicken Combo,個餐一嚟到男友就話我果個餐好吸引! (因為佢個Burrito用錫紙包住,冇乜賣相可言XD)喱碟焗芝士卷D芝士溶哂喺上面,入面D雞肉一絲絲,加埋外層嘅醬汁,你話點會唔好味?! 至於配菜方面,班豆蓉同墨西哥飯味道相比下就顯得冇咁突出,亦可以轉沙律;果飯其實似淡淡地嘅西炒飯,同Burrito入面果D味完全唔同,雖然淡,但作為套餐入面嘅配搭其實幾好。另外不得不提嘅係旁邊果幾塊Nachos,點埋佢地D Homemade Salsa,真係又脆又好味,可惜份量實在太少(或者係我太貪心)!我見到其他外國人都order左額外一碟Nachos嚟食!
可能店長見我嚟過幾次,佢好好人咁比左成4款Salsa醬比我慢慢試,好感動!(店長!你應該比埋Nachos我慢慢點呀!哈哈) 飲品方面,以我食過幾次嘅經驗就覺得點Jamaica就最夾啦,即係洛神花茶,酸酸尾尾,開胃又消滯!
同場加映~我地差不多走果時見到TVB嚟拍攝呀!陳亭欣同GARY(我唔記得佢真名)rehearsal緊。雖然唔好意思留太耐,但都要很港女地影返將相留念!
張貼