華豐燒臘專家 (已搬遷) 新店位置

中午心血來潮好想食燒味，直奔上威靈頓街。平日中午一點黎到，都要排15-20分鐘。同同事都點了一樣的$68 set，選了例湯 (可選熱飲凍飲加$3)，燒味雙拼及蛋白薑粒炒飯。兩人都點了例湯，是西洋菜排骨湯。湯足料唔覺有味精，少有在外面飲到有媽媽的味道。同事點了叉燒燒排骨，我點了叉油雞。兩款份量都好足，唔會因為雙拼減份量。炒飯夠乾身但沒有預期的薑味，可能薑比較不辣。$68中環食晏有湯飲兩個餸又炒飯，算係咁！