永樂園餐廳

營業中

休息中

同老友專程黎中環波街神店買鞋，難得平日黎中環，梗係去食假日唔開門嘅永樂園。店舖裝修十年如一日，令人懷念。1:45差唔多過食飯時間，但呢度人客依舊唔少。 午餐D : 香茅雞扒+忌廉湯+凍奶茶 ($56) - 忌廉湯杰身，味道幾濃，唔似出面個D溝好多水。香茅雞扒幾大件，有淡淡香茅香味，雞扒表皮煎到脆脆地，咬落裏面有肉汁。飯份量正常，略嫌飯硬左少少。窩蛋免牛飯 + 凍奶茶 ($65) - 窩蛋免牛同白飯分開上，免牛差唔多裝滿成個鐵碗，份量十分多，再加入生雞蛋，令鮮味提升，最啱鐘意撈飯食嘅朋友。