沙嗲王 (已結業)

夜晚時分一支公係銅鑼灣要解決晚飯問題，都幾頭痛，周圍行左陣，決定去沙嗲王，原因係好耐無去，加上一個人食都幾方便快捷。中學時期經常去食沙嗲王，次次都會叫白咖哩豬扒飯，所以基本上去沙嗲王都唔洗煩食咩，今次都唔例外，直接叫左一個白咖哩豬扒飯。等左一陣已經黎到，一黎到個香味已經令我急不及待想食哂去，咁多年黎個水準都係保持不變，白咖哩真係十分出色，香料既比例岩岩好，少少甜少少椰香唔太稀唔太竭，送飯一流，而炸豬扒既香矛味十分入味，豬扒數量亦都十分多，夠送兩碗飯，所以正常係要加多一個飯先對得住佢。一邊食中學既回憶就慢慢湧出，係開心既，得閒回味下係唔錯，仔細咁睇下餐牌，內容都變得幾多，有好多唔見左，亦都有好多新既菜色，下次約中學同學食晚飯再一戰試下有咩大改變。