嘉頓餐廳 (裝修中)

真係一日唔死一日都有新鮮事。 遮住咗香港咁耐都以為自己好熟香港啲餐廳， 大概都知道邊度有邊條街有啲乜嘢食， 點估到 原來嘉頓麵包廠入面都有間鮮為人知嘅餐廳！ 話說有一次同個響深水埗住嘅朋友， 佢同我介紹話不如去嗰度食下午茶， 我起初以為呢一間普通嘅cafe， 嘩點知原來嘉頓嗰個餐廳咁鬼大， 仲要係非常之舒服同埋幽雅， 而且啲嘢食都唔係話好貴。 我食過煙三文魚潛艇， 嘩條魚幾新鮮， 薯條炸得好脆， 咁嘅質素都係50蚊咋喎。最大嘅重點就係， 餐廳環境又好又舒服又大， 最重要係唔迫， 一啲都唔逼人， 想坐邊就坐邊， 想坐幾耐就坐幾耐。 真係可以推介畀你嘅朋友一齊食。by the way如果你想買啲餅乾嘅話可以響嗰度買， 平過超級市場起碼四分一。