金苑粉麵

營業中

休息中

關於粉麵店，自己一向中意廣東式，貪佢夠濃味，而另一種係潮州式，湯底又淡D，又落D我唔中意嘅唐芹，牛腩味道更淡，唔夾自己口味.所以，係屋企隔離街哩間金苑粉麵檔，係潮州式粉麵店，從未幫襯過，今次幫襯只因為佢地有鮮魷魚鬚，而我又突然想食.另外哩間潮州粉麵店又有D奇特，除咗有魷魚鬚之外，又有泡飯，魚麵，豬油渣，奇奇怪怪又有生炸豬扒，炸豬頸肉同香茅雞翼，當然.... 多D選擇係好事.再留意環境，感覺係好亂..... 同埋唔多乾淨.....女友小熊點咗碗水餃魚蛋河扣底，我叫咗個淨紫菜四寶，重點當然係鮮魷魚鬚啦!希望愈大失望愈大! 鮮魷魚鬚就只有彈牙，完全無鮮甜味! 好似食擦膠！但擦膠都起碼有膠味！份量又少，偷工減料！水餃魚蛋河扣底都重有好多河粉，好明顯無扣底，水餃有原隻彈牙鮮蝦，而潮州魚蛋超彈牙，湯底就唔好提了....我果碗淨紫菜四寶，人地通常落魚扎佢地就落扎肉，另外有魚皮餃，貢丸同豬肉丸，落單時要求多腩汁，但湯底仍然偏淡，魚皮餃餡料又實皮又實，食一粒已經一半飽肚，相信食一打再加半個光酥餅已經可以行走天下!其他丸都係一貫水準之作.服務就超頂引，叫佢扣底無扣底，都算，小熊點汽水侍應問小熊罐裝定支裝，