影片
更多
2010-03-13
6 瀏覽
每次朋友問師傅守邊個環頭, 當師傅講完之後, 第二句就一定會問師傅有冇黎過呢度食野, 師傅當然未黎過啦, 咁佢地就話一定要試, 於是師傅就銘記於心, 一定會搵日黎會一會佢, 睇下係咪咁勁先! 前前後後都經過左好幾次都冇入過去, 皆因次次都幾鬼多人, 所以都遲遲都未試過! 終於喺上個禮拜, 師傅一兜友經過呢頭, 加上又唔知食咩好, 仲要見到呢度冇人排隊, 喺無心插柳下, 就決定入去呢度一試; 去到門口, 師傅以為冇人排隊唔使等啦, 點知都要喺門口企一陣等一陣!入到食店, 一條友嘅師傅當然要撘枱啦; 坐底當然係第一時間睇下有咩好食啦, 左睇右睇師傅就覺得選擇好少, 加上價錢唔平, 真係幾難揀得落手; 但既然坐底左師傅唯有硬著頭皮落單, 於是就柯打左一碗辣味麵豉拉麵, 其他咩都冇叫喇!等左一陣碗辣味麵豉拉麵就登場, 而同時間侍應亦奉上一隻雞蛋, 但師傅明明冇叫, 唔通送嘅? 唔好理咁多, 食左先講; 第一眼望埋去發覺碗拉麵好細, 再睇真d真係好細碗, 對師傅黎講呢碗野一定唔飽, 不過都要食架啦; 第一啖當然係試下個湯底啦, 湯底濃濃的辣辣的, 幾惹味; 再試下個拉麵, 麵身煙煙韌韌, 煙韌得
終於喺上個禮拜, 師傅一兜友經過呢頭, 加上又唔知食咩好, 仲要見到呢度冇人排隊, 喺無心插柳下, 就決定入去呢度一試; 去到門口, 師傅以為冇人排隊唔使等啦, 點知都要喺門口企一陣等一陣!
入到食店, 一條友嘅師傅當然要撘枱啦; 坐底當然係第一時間睇下有咩好食啦, 左睇右睇師傅就覺得選擇好少, 加上價錢唔平, 真係幾難揀得落手; 但既然坐底左師傅唯有硬著頭皮落單, 於是就柯打左一碗辣味麵豉拉麵, 其他咩都冇叫喇!
等左一陣碗辣味麵豉拉麵就登場, 而同時間侍應亦奉上一隻雞蛋, 但師傅明明冇叫, 唔通送嘅? 唔好理咁多, 食左先講; 第一眼望埋去發覺碗拉麵好細, 再睇真d真係好細碗, 對師傅黎講呢碗野一定唔飽, 不過都要食架啦; 第一啖當然係試下個湯底啦, 湯底濃濃的辣辣的, 幾惹味; 再試下個拉麵, 麵身煙煙韌韌, 煙韌得黎都算爽口, 可以; 而附上叉燒兩大塊, 冇錯真係兩大塊, 少得真係可憐, 喺嗰一刻師傅覺得好似去左乞咁, 感覺難受; 再講兩塊叉燒並唔係特別出色, 肉身頗瘦仲帶少少硬, 加上乾身唔腍, 唔掂噃!
再試埋隻雞蛋, 以師傅估計, 呢隻應該係半熟嘅糖心蛋, 咬一啖發覺隻蛋好滑, 而內裡嘅蛋黃係半溶, 蛋黃汁不斷外流, 幾好味; 食到咁上下師傅都知唔飽於是就柯打定煎餃子, 煎餃子一客有五隻, 真係即叫即煎, 等左一陣熱辣辣咁放左喺師傅面前, 於是師傅急不及待就食左一隻, 發覺餃子好得, 皮薄餡靚, 個皮係唔會煎到硬晒, 但係就煎到有少少燶, 香得黎亦唔硬, 好好味, 值得一讚! 前後食左三樣野, 師傅先至食飽!
總括黎講食物質素可以, 環境地方好細, 服務態度亦算友善, 價錢就偏貴, 五十八碗拉麵仔, 八蚊隻蛋, 煎餃子就三十八, 百幾蚊食個晏仔似乎貴左D喎! 但師傅最唔明係冇叫到隻蛋, 但竟然計左落張單度, 雖然係好味, 但好似有少少屈機! 師傅好肯定咁講呢間食店一定唔會再黎, 並唔係食物唔得, 只不過覺得不外如是, 冇咩咁有吸引力, 加上太貴唔化算; 如果要食拉麵, 師傅首選還是八王子, 但平心而論, 呢間第一次亦係最後一次黎嘅食店, 笑臉仍然值得一比!
張貼
