尚興潮州海鮮飯店

營業中

休息中

適逄一位外國訪港既朋友生日，所以帶左佢黎我最鍾意而且一間美國食唔到既潮州飯店＂尚興＂慶祝今次特別帶埋相機影左D相，希望大家可以欣賞到上次介紹比大家既食既菜色。尚興食物保持水準。滷水鵝腸鵝腎夠爽，味道正到暈。因為飲酒，所以就叫左兩個香口D既餸：煎荀果同川椒雞。兩個都唔油，我朋友好鍾意個煎荀果蠔仔粥係我既favourite (其實所有都係我既favourite) ，我每次幾飽都一定會叫，因為D蠔仔真係好新鮮好肥好甜，而且永遠唔會令你失望。其實我地重叫左韮菜鵝紅同滷水鵝片，不過掛住食野唔記得影相。