金牌小龍 (已結業)

老豆不嬲幾鍾意食上海野, 聽講金牌小籠既小籠包都好食既, 就過來過一過父親節甘. 黎到都係喊左兩籠小籠包啦, 一碟炒菜心啦, 一個醉雞, 一個排骨拉麵, 同埋一個肉絲蛋炒飯. 小籠包係依度既招牌, 要我比分, 十分滿分可以比到七分. 我覺得佢有少少唔夠熱. 但皮薄, 湯汁也很多, 是水准以上. 其他既餸菜方面, 醉雞是最出事的, 皮腍, 肉嚡, 酒香都唔夠, 總之好難食. 肉絲蛋炒飯就一般水准, 我記得上次黎食過佢既炒飯係炒得幾分明下, 但今次就差左, 有少少痴. 最後既排骨拉麵, 排骨係出事位, 唔脆, 有粉, 亦都唔熱, 所以真係唔得, 但係個拉麵相較之下就好好多, 湯底稍淡, 但係麵就幾爽彈, 咬個下感受到麵條綻開, 個人幾鍾意. 但作為一餐飯整體黎講, 並唔算特別出彩, 而且個價錢都幾貴下.