上海婆婆336 (已結業)

在東港城經過上海婆婆336，同以往一樣，入去幫襯之前都諗住打開OpenRice 望下食評參考下，竟然發現寫住已結業字樣...心諗一定系網站搞錯了，店鋪正在營業中吖！中午時間推出午市套餐，超抵食，幾十蚊可以小菜套餐又可以麵點套餐。包埋酸辣湯，上海風味不容錯過，而豆漿就加6蚊，豆味十足。松子大黃魚套餐價比單點平好多，抵食！魚肉質鮮嫩，晤厚炸粉，好易入口，啖啖都是肉的感覺很令人滿足，上海口味酸酸咪咪又勁開胃，跟左一碗白飯，很好送飯。一場來到又想試下上海小吃，我地揀左桂花糖蓮藕，桂花味好出眾，甜絲絲甜而不膩的感覺要比佢一個贊。小食拼盤可以試多幾款上海菜，質素不俗。叧外值得一贊的系羽衣甘藍春卷，外脆內嫩，估唔到佢個餡系紫紫地色，好特別，菜絲入味散發咸香味。