影片
更多
2009-08-20
156 瀏覽
本人第一次寫食評, 所以一定要把我的第一次獻給一間超凡食店, 相信這間是必然之選!! 其實今次已經是第二次幫襯這間熱狗店了.第一次大約在兩星期前, 看了openrice 80Vs1 的食評, 決定要來試試, 那次是外賣的, 要了香蔥豬柳腸熱狗+酸瓜汁+芥辣, 跟餐還有小食和罐裝飲品, 小食選了薯條, total $28. 由買完到番到屋企一共15分鐘, 途中不斷聞到陣陣熱狗香味, 真係超級香, 好想停低食埋先番屋企.. 不過都係堅決到番屋企. 好彩番到屋企條熱狗仲暖暖地, 一入口個下真係覺得好正, 啖啖肉, 而且條腸既肉汁keep 得好好, 非常之Juicy!!! 食熱狗既過程真係好enjoy!! 不過薯條就麻麻地, 比較硬身. 不過正如之前既食評所講, 呢個只係大配角, 影響唔到我對呢間熱狗店既好印象! 自從食完第一次, 我對呢度既熱狗就念念不忘, 兩星期後再同好友去食. 當時正是中午食飯時間, 所以好多人, 成間店迫爆, 好不容易先搵到兩個位縮埋, 今次叫了珍寶雞肉腸+沙律漿和家鄉白腸+酸瓜汁, 熱狗切開兩個人share, 可以試晒兩款!! 跟餐一個選了薯餅, 一個選車打芝士, 加
其實今次已經是第二次幫襯這間熱狗店了.
第一次大約在兩星期前, 看了openrice 80Vs1 的食評, 決定要來試試, 那次是外賣的, 要了香蔥豬柳腸熱狗+酸瓜汁+芥辣, 跟餐還有小食和罐裝飲品, 小食選了薯條, total $28. 由買完到番到屋企一共15分鐘, 途中不斷聞到陣陣熱狗香味, 真係超級香, 好想停低食埋先番屋企.. 不過都係堅決到番屋企. 好彩番到屋企條熱狗仲暖暖地, 一入口個下真係覺得好正, 啖啖肉, 而且條腸既肉汁keep 得好好, 非常之Juicy!!! 食熱狗既過程真係好enjoy!! 不過薯條就麻麻地, 比較硬身. 不過正如之前既食評所講, 呢個只係大配角, 影響唔到我對呢間熱狗店既好印象!
自從食完第一次, 我對呢度既熱狗就念念不忘, 兩星期後再同好友去食. 當時正是中午食飯時間, 所以好多人, 成間店迫爆, 好不容易先搵到兩個位縮埋, 今次叫了珍寶雞肉腸+沙律漿和家鄉白腸+酸瓜汁, 熱狗切開兩個人share, 可以試晒兩款!! 跟餐一個選了薯餅, 一個選車打芝士, 加左落家鄉白腸個度, 因為怕白腸唔知會唔會太寡, 哈哈哈!
兩個熱狗都非常之好味啊, 不過感覺白腸好食d, 可能因為佢加左車打芝士啦, d 芝士好煙un啊, 一咬落去再一拉, 芝士長長地拉開, 好似pizza hut 既廣告咁, 好正好正, 酸瓜汁同熱狗好match啊!! 個包外層有少少脆身, 整體感覺簡直係一流, 冇挑剔既地方. 友人都食到唔停得口, 仲話想加碼再買多一個share, 但係食完個餐之後已經飽飽喇, 所以冇加碼, 下次吧! 再講講薯餅, 一共有兩塊, 三角形的, 我同朋友share 剛剛好, 味道唔錯啊, 好過薯條, 不過如果一個人食兩塊可能會多左d, 下次如果我一個人黎食既話, 我會選擇跟配料. 配料除左車打芝士之外仲有其他野可以選的.
好彩呢間店唔係開o係旺位, 如果佢開o係登打士街, 我肯定佢日日都排晒長龍!!
張貼
