花千樹 (已結業)

爸爸生日，食放題慶祝，原本打算係tablemap訂位，發現花千樹原來有promote生日優惠，只要其中有一個人7月生日，就享有全單七折優惠，仲可以全月無限次使用，幾抵食每次食放題必叫清酒或者梅酒，但花千樹就只係提供清酒，價錢都合理。清酒嘅味道比之前試過嘅純，咁耐以來飲過最好飲嘅一隻燒物方面，都算不過不失，一向鍾意食燒菠蘿嘅我，今次就有點失望，因為黎嘅菠蘿都比較酸，仲好多渣。驚喜嘅係兩款燒魚都好好食，多春魚食落去啖啖魚春，鯖魚亦好入味。刺身方面，冇咩特別，好普通，刺身口感比起其他同等級嘅放題店稍為遜色，而且刺身用碟上，冇用冰盤，感覺上冇咁新鮮。原本以為叫炒飯會比好多，原來只係一細碗，黎到都安心D，雖然只係普通一個炒飯，但覺得幾好食，辣辣地，值得一試。講完食物，就講下服務，花千樹嘅員工態度都好好，可惜上菜上得十分慢，而且成日漏單，我地好想試個薄燒牛肉，但落左兩次單都無聲無色。總括黎睇，如果有優惠嘅不妨一試，但如果原價嘅話就真係唔值喇。