好媽媽台灣館 (已結業)

好耐之前睇過有飲食節目介紹過哩間台灣餐廳一直都有興趣去試下，今日黎開太子就諗起黎試下。入到黎已經感受到一種家庭式經營餐廳既感覺，感到親切。叫左哩杯布丁奶茶，跟牛肉麵套餐加$12，幾抵！布丁好滑配埋奶茶好夾又好飲。黎到食台灣菜都會叫番碗牛肉麵！牛肉好林，湯底都幾鮮，麵條煮得彈身有咬感！炒米粉唔係間間有，哩度用左好幼既新竹米粉炒至干身，簡單既調味已經好好食，哩個表示有意外驚喜。哩碟鹽水雞雖然賣相普通，但一咬雞肉已經食到肉實少脂肪，有雞味，係連皮都可以食埋。特登要影蚵仔大特寫呀！因為真係幾大隻，而且好新鮮，一碟入面都有幾多既蚵仔，睇得出餐廳用心製作！台灣既腸仔真係幾好食，帶有少少甜又香口，喜歡食生蒜既人可以試下夾埋一齊食。