影片
更多
2023-05-01
812 瀏覽
平時Omakase和鐵板燒就食得多，但係真係第一次食席前天婦羅，但估唔到有驚喜咁依間「Ikigai Concepts」除咗有鐵板燒、Omakase之外，仲有席前天婦羅，串燒和意大利菜這些，咁未試過席前天婦羅，咁今次咁難得梗係要去試吓咁我和同行人士分別叫咗一個赤（天婦羅8貫$380）和一個椈（天婦羅10貫$480），師傅會先準備好食材比我哋打完卡先開始烹製，好多都係平時去食普通天婦羅唔會見到嘅食材，真係未食已經先興奮😆天婦羅蝦 咁一開始會比咗個沙律，他們的沙律放醋汁，令你更加開胃；咁第一款出場嘅就係平時都會見到的天婦羅蝦，他們的炸皮唔會好厚，唔會食一啖就覺得好油膩，不過蝦本身冇咩味，所以師傅會提議點少許岩鹽，而且也食到蝦本身嘅彈牙爽口，整體來講都唔錯另外蝦頭炸到好脆，而且師傅落咗鹽，唔需要再自己調味，好似食緊薯片咁沙咀魚本身依隻魚就冇咩魚味，唔擔心會腥，而且可以配咖喱鹽一齊食，有少少似食咖哩魚仔嘅感覺，而且肉質好鮮嫩，冇骨，啖啖肉，好適合我依啲懶人食意大利翠玉瓜比平時嘅翠玉瓜更加juice 就算炸完都係好多汁，所以食嘅時候師傅都會提你小心熱，因為真係好juice，完全係咬落去爆汁嘅程度冬
咁依間「Ikigai Concepts」除咗有鐵板燒、Omakase之外，仲有席前天婦羅，串燒和意大利菜這些，咁未試過席前天婦羅，咁今次咁難得梗係要去試吓
咁我和同行人士分別叫咗一個赤（天婦羅8貫$380）和一個椈（天婦羅10貫$480），師傅會先準備好食材比我哋打完卡先開始烹製，好多都係平時去食普通天婦羅唔會見到嘅食材，真係未食已經先興奮😆
天婦羅蝦
咁一開始會比咗個沙律，他們的沙律放醋汁，令你更加開胃；咁第一款出場嘅就係平時都會見到的天婦羅蝦，他們的炸皮唔會好厚，唔會食一啖就覺得好油膩，不過蝦本身冇咩味，所以師傅會提議點少許岩鹽，而且也食到蝦本身嘅彈牙爽口，整體來講都唔錯
另外蝦頭炸到好脆，而且師傅落咗鹽，唔需要再自己調味，好似食緊薯片咁
沙咀魚
本身依隻魚就冇咩魚味，唔擔心會腥，而且可以配咖喱鹽一齊食，有少少似食咖哩魚仔嘅感覺，而且肉質好鮮嫩，冇骨，啖啖肉，好適合我依啲懶人食
意大利翠玉瓜
比平時嘅翠玉瓜更加juice 就算炸完都係好多汁，所以食嘅時候師傅都會提你小心熱，因為真係好juice，完全係咬落去爆汁嘅程度
冬菇釀蝦滑
配上紫蘇葉和酸汁，可以中和小小油膩感，而且蝦滑唔少，而且好彈牙，同冬菇都幾配
大葉包蝦肉和鯊魚軟骨（梅水晶）
食落味道比較濃，鯊魚軟骨有少少似雞軟骨，脆脆哋，有少少外脆內軟嘅口味，另外可以配少少青檸汁一齊食；這個好特別，我和同行人士都非常鐘意依個，食完覺得可以再食多一個( °ω° )
檸檬青瓜啫喱
食完重口味嘅嘢，食依個比你清一清味蕾，一開始檸檬味比較特出，最底會有啲切到好細粒嘅青瓜粒，但係青瓜味唔重，就算唔鍾意食青瓜嘅人都可以接受嘅程度，幾清新
慕容菇
菇味比較重，上面咬落去口感比較脆，配咖喱鹽一齊食，好似食緊咖喱薯片，下面菇味比較重，配天婦羅汁一齊食
炸金鯛
也是我和同行人士再想食多一件嘅菜式，配上洋蔥忌廉汁，食嘅時候連埋魚鱗一齊食，好脆，再配埋汁一齊食，一絕🤤🤤而且個汁好好食，好食到我覺得配咩野食都好食
炸帶子
師傅炸到五成熟，因為係刺身級帶子可以半生熟，食落肉質鮮甜彈牙
炸鰻魚 （上）
油份比較重，就算炸完都唔會好乾身，要配多啲咖喱鹽一齊食，好香口
炸番薯 （下）
師傅由我哋開始食就開始炸，大約炸咗40分鐘，同Dondi番薯同一個品種，所以就一定係好甜，而且佢咁樣做法有少少似燴番薯，食落好軟糯，而且比起平時嘅一片一片，咁樣一大嚿一齊食，滿足感大好多
三文魚籽烏冬（上）
最後嗰主食有烏冬和蕎麥麵可以選擇，咁我今次揀咗烏冬，不過就要撈勻一齊食，如果唔係會好鹹，而烏冬比起蕎麥麵更加掛湯，整體味道比較濃，再加上三文魚籽和炸蝦碎，炸碎是師傅在我們差唔多食完嘅時候先炸，所以食嘅時候仲好脆
日本鮮蛤清湯（左下）
鮮蛤冇沙，而且好鮮甜，但又唔會好似水咁冇味 好適合中和之前天婦羅嘅油膩感
牛奶雪糕 （右下）
奶味好重，好似飲緊牛奶，但唔係好甜，幾好食
整個用餐過程當中都好愉快，有咩問題師傅都好願意解答，而且一開始已經比咗天婦羅汁、青檸、岩鹽和咖喱鹽，可以比你因自己喜愛調味，幾值得一試
以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請原諒
張貼
