屯門咖喱屋

營業中

休息中

【屯門區】【屯門咖喱屋】夜晚八點幾喺屯門區，諗住食埋嘢先走啦。喺安定商場行咗一大輪都唔知食乜好，仲喺某間黃店餐廳「被戲弄」，講晒食乜先話堂食截單，吹漲。嬲得滯就行返去置樂嗰邊，好似多啲嘢食，同埋起碼應該唔會咁樣玩嘢法。見有人介紹呢間「屯門咖喱屋」，冇乜 idea 嘅我就算本身唔多好咖喱都去食吓。去到果然見到間嘢幾受歡迎，大量顧客出出入入，咁啱有張二人枱，啱晒我呢啲單丁客，唔使霸住人哋啲四人位吖嘛，坐低咗就睇吓食乜喇。一人餐有兩款，我叫咗 $109 嘅「精選晚餐」，係貴少少嗰個嚟，搏佢有多啲嘢食，可以寫多啲嘢畀讀者睇。其實嘢都未叫已經上咗「是日餐湯」，好似係雞湯嚟，清清哋都唔錯。仲有個類似炸薯波咁嘅嘢，凍咗但都 okay 嘅。之後到個「串燒五香雞件」，佢唔係一串串咁上，係鐵板上，咋咋聲咁，幾好 feel，食落都係唔錯嘅。主食我揀咗「咖喱牛脷」，個咖喱正常辣度，喺我臨界點，幾好食。啲牛脷就足料同夠腍，牛味亦都十足，我覺得幾好。跟餐係手抓餅加白飯，我唔要飯走去加 $9 轉印度烤餅，佢哋嘅 naan 同 roti 都好味，我作為 roti 嘅小粉絲覺得呢間都幾好食。飲品本身跟汽水，我加 $18