影片
更多
2023-09-03
1641 瀏覽
過去三年嘅疫情，有啲餐廳捱唔住無奈結業，有啲餐廳就選擇休業，養精蓄銳，到復常時候東山再起，而今晚同朋友到訪嘅「Supergiant Social Dining & Cocktail Bar」屬後者，更推出一系列新菜式及雞尾酒，確喺幾令人期待。餐廳位處酒店三樓，一出電梯就見到餐廳嘅酒吧枱，餐廳唔算好大，一室以黑白為主調，最特別喺白色牆身其實喺雕花嘅磁磚，令到整體感覺好型格、摩登！對住酒吧檯嘅位置有數張餐枱，再轉個彎屈入少少，入面有另一個用餐區，數張餐枱一字長形排列，典雅嘅天花吊燈，再加上燈效都幾有氣氛。先睇睇餐牌有咩選擇，其實款式唔算好多，但務求貴精不貴多，以類別而言，包括滋味小吃、亞洲風味沙律、主菜、配菜及甜點，所有菜式都詳細列明所包含嘅食材，睇落好多款嘅配搭都幾有特色，更加入不少亞洲元素，侍應更話啲食材取自本地一啲高質素嘅供應商，融入咗東南亞口味嘅全新菜單。此外，除咗食物有特色，雞尾酒一環更有啲新搞作，晌枱上棟起個雞尾酒餐牌，就介紹到一系列原創手工雞尾酒喺由雞尾酒專家Lorenzo Antinori以古老中國神話「月神」為題所特製，5款雞尾酒除咗名字有趣之外，更有少少背後故事。第二章
餐廳位處酒店三樓，一出電梯就見到餐廳嘅酒吧枱，餐廳唔算好大，一室以黑白為主調，最特別喺白色牆身其實喺雕花嘅磁磚，令到整體感覺好型格、摩登！
對住酒吧檯嘅位置有數張餐枱，再轉個彎屈入少少，入面有另一個用餐區，數張餐枱一字長形排列，典雅嘅天花吊燈，再加上燈效都幾有氣氛。
先睇睇餐牌有咩選擇，其實款式唔算好多，但務求貴精不貴多，以類別而言，包括滋味小吃、亞洲風味沙律、主菜、配菜及甜點，所有菜式都詳細列明所包含嘅食材，睇落好多款嘅配搭都幾有特色，更加入不少亞洲元素，侍應更話啲食材取自本地一啲高質素嘅供應商，融入咗東南亞口味嘅全新菜單。
此外，除咗食物有特色，雞尾酒一環更有啲新搞作，晌枱上棟起個雞尾酒餐牌，就介紹到一系列原創手工雞尾酒喺由雞尾酒專家Lorenzo Antinori以古老中國神話「月神」為題所特製，
5款雞尾酒除咗名字有趣之外，更有少少背後故事。
第二章（日之燃燒）$128對於品酒小弟就喺門外漢，等啲朋友品評吓啦。從餐牌所見，呢杯由威士忌、中國黃酒（紹興酒）、糖漿、苦精雞尾酒調酒溝成，朋友就話個味道好特別，風味獨特，幾種酒溝埋好有一種衝擊感。
第二章（日之燃燒）
6 瀏覽
0 讚好
0 留言
另一杯飲咗肯定唔會長生不老，但卻有一種全新嘅感受，以龍舌蘭酒、青檸汁、接骨木花酒、羅勒、辣椒汁溝成，有份清新，有份香氣，酒精濃度唔高，非常之易入口，感覺十分清新。
第三章（長身生不老仙丹）
$128
3 瀏覽
0 讚好
0 留言
呢度菜睇嚟似一道魚生沙律，但其實可以話喺一道小食，因為可以搭住啲脆口嘅炸蝦片一同食，一脆一柔，效果喺幾得意。而啲黃鰭鮪魚加咗四季橘嘅汁、意大利香醋，以及少少芫茜、辣椒、黑芝麻嚟調味，口感輕怡清新，確係令人越食越開胃。
風味酸汁醃鮪魚
$158
5 瀏覽
0 讚好
0 留言
香烤沙嗲串 $128講起東南亞美食，又點少得沙嗲串燒吖。呢一道沙嗲串喺以烤雞肉為主角，雖然無講明咩部位，但喺食起嚟雞肉肉質有彈性，口感算幾嫩滑，配以自家製嘅沙爹醬，非常之香濃惹味；此外，仲有啲酸蘿蔔、酸青瓜俾你間吓場，隔住食，當然底下嗰塊炸魚脆片都唔好錯過，我就直頭夾埋啲沙嗲醬一齊食，正呀餵！
蟹春肉卷 $168幼身長長嘅蟹肉春卷貴就貴在裡面塞滿晒蟹肉，嗰份蟹肉鮮味都幾突出，而最緊要就喺炸得脆口，又唔油膩，再沾上甜辣醬，其實都幾夠辣勁，甜甜辣辣確又喺幾好食，食住啲炸嘢，再飲吓啲凍飲，或者雞尾酒，喺幾爽嘅。
安格斯小漢堡 $198當然呢個小漢堡嘅賣點就喺用上安格斯牛，仲要用到最頂級級數，自家手打，一食你就知堅喺真材實料，嗰陣牛肉味好濃郁，充滿脂油香味，配車打芝士、蕃茄、生菜固然預咗，另一亮點就喺塗上韓式燒烤醬，並伴以青瓜漬，所以頗有特色。
安格斯小漢堡
$198
3 瀏覽
0 讚好
0 留言
香蘭葉鱸魚 $238呢一款烤爐魚一睇就好覺得充滿泰式風情，以香蘭葉包住鱸魚去烤，鱸魚自然微微多咗份香蘭葉嘅香氣，講到條鱸魚都幾大件，又厚身，出嚟嘅效果魚肉非常之嫩滑，質感細緻，唧啲青檸汁落去，魚嘅鮮味更突出。
香蘭葉鱸魚
$238
2 瀏覽
0 讚好
0 留言
安格斯牛面頰 $278牛面頰肉本身都幾有特色，呢一份牛面頰肉以瑪沙拉咖哩去製作，有種印度色彩，而牛肉採用安格斯貨色，當然有一定嘅保證，肉質的確喺好鬆化，已經被炆到好軟腍，睇見有咁多咖喱汁喺碟底，唔使擔心，呢道菜會跟碗白飯，等你可以食盡啲咖喱汁而唔好嘥。
安格斯牛面頰
$278
6 瀏覽
0 讚好
0 留言
烤澳洲羊架 $158睇過小弟食評都知我都幾鍾意食羊架，有人就話佢羶，其實喺味道獨特。餐牌寫明一客有兩支羊架，羊架都幾大件好厚身，夾咗好些香料醃製，所以燒出嚟好靚仔，由於覺得火候啱啱好，肉質軟淋，騷味唔重；沾上少少薄荷醬，風味更佳，而啲北非小米，非常之細粒，裡面混有提子乾同松子仁，食落又幾唔錯。
烤澳洲羊架
$158
3 瀏覽
0 讚好
0 留言
烤黑毛豬扒肉 $298呢一道喺餐牌以外嘅新菜式，用上西班牙黑毛豬，外層烤得焦香，但切開一睇，色澤呈淡粉紅，烤得恰到好處。入口外層有陣陣焦脆感，而肉質卻有點爽爽脆嘅口感，帶點脂香，再佐以味噌牛油，食味更喺一流；此外，唔喺普通通嘅薯菜，而喺做咗啲特色泡菜，令到整道菜色有畫龍點睛之效。
烤黑毛豬扒肉
$298
4 瀏覽
0 讚好
0 留言
“Moonana” 香蕉船 $118初頭諗住簡簡單單香蕉船一個，點知單講賣相已經夠晒驚喜，好有禪意嘅大石碗，中間喺雲呢拿雪糕，左右兩邊有焦糖化嘅香蕉肉，然後再加上新鮮士多啤梨、杏仁片、紅莓乾、白朱古力豆，並伴以雜莓漿同糖漿，成件事就唔同晒，分外美觀。味道都好唔錯，尤其香蕉面嘅焦糖做得又薄、又脆口，而將所有食材放入口，口感豐富，味道紛陳。
“Moonana” 香蕉船
$118
1 瀏覽
0 讚好
0 留言
成晚用餐嘅速度啱啱好，不急不緩，而且，前菜類、主菜類同類別嘅都會做到同步出菜，招呼亦都好熨貼，確喺有酒店該有嘅水準。同啲老友記聚下餐，談吓天，說吓地，懷緬一舊事下，前瞻一下未來，喺一個愉快嘅晚上。
張貼
