影片
更多
2019-12-24
5786 瀏覽
年半前嚟過一次呢家「沙嗲軒」，不過，當期時主要喺品嚐其「星洲三點」下午茶套餐，性格比非常高，可能抵食，多客人幫襯，故此見佢哋依家都仲有做。然而，今次就喺同朋友嚟食晚餐，當做冬又好，賀聖誕都好，總之，搵個藉口等大家聚一聚啫。雖然餐廳位於中港城嘅平台層，但其實佢喺屬於酒店內嘅餐廳，裝修方面當然唔會差得去邊，環境雅致，枱與枱唔會排得太密，光猛整潔，啲布梳化椅又幾好坐，讓人感覺舒適。既然打正旗號喺賣星馬菜，翻一翻餐牌，當然發現唔少熟悉嘅星馬菜式啦。分類上，包括前菜、湯品、雞類、牛肉、海鮮、傳統美食、飯類、蔬菜類、甜品及飲品。驟眼望落，主餐牌跟以前嘅差唔多，反而，相信喺時值秋冬，有多一款「暖心煲仔滋味」系列菜式，有煲仔菜，有煲仔飯，睇見都口癢癢。原來，除咗應節嘅煲仔菜式，配合涼意，亦增加咗3款乎季節限定嘅「暖心之選」熱飲，款款賣$48，配搭都好特別，最鍾意喺個彩繪嘅座枱名牌。黃金脆魚皮 $50人未齊，先嚟一客炸魚皮，邊食邊等。魚皮被鹹蛋黃薄薄一層包住，入口極富鹹蛋黃香味，平均卻唔會咬到粒粒；魚皮呢？炸到咯咯聲咁脆。薏米水 $48友人揀咗薏米水，雖然今次無揀佢，但小弟都推薦呢款飲品，因為功效多多，
雖然餐廳位於中港城嘅平台層，但其實佢喺屬於酒店內嘅餐廳，裝修方面當然唔會差得去邊，環境雅致，枱與枱唔會排得太密，光猛整潔，啲布梳化椅又幾好坐，讓人感覺舒適。
既然打正旗號喺賣星馬菜，翻一翻餐牌，當然發現唔少熟悉嘅星馬菜式啦。分類上，包括前菜、湯品、雞類、牛肉、海鮮、傳統美食、飯類、蔬菜類、甜品及飲品。
驟眼望落，主餐牌跟以前嘅差唔多，反而，相信喺時值秋冬，有多一款「暖心煲仔滋味」系列菜式，有煲仔菜，有煲仔飯，睇見都口癢癢。
原來，除咗應節嘅煲仔菜式，配合涼意，亦增加咗3款乎季節限定嘅「暖心之選」熱飲，款款賣$48，配搭都好特別，最鍾意喺個彩繪嘅座枱名牌。
黃金脆魚皮 $50人未齊，先嚟一客炸魚皮，邊食邊等。魚皮被鹹蛋黃薄薄一層包住，入口極富鹹蛋黃香味，平均卻唔會咬到粒粒；魚皮呢？炸到咯咯聲咁脆。
黃金脆魚皮
$50
19 瀏覽
0 讚好
0 留言
友人揀咗薏米水，雖然今次無揀佢，但小弟都推薦呢款飲品，因為功效多多，利水消腫、健脾去濕、舒筋清熱……等等。其實，佢嘅味道幾清，友人話飲落薏米味突出。
香茅班蘭青檸水 $48插咗一片班蘭葉，賣相甚有東南亞風味，好期待3款食材混合後嘅化學作用。一啖入口，先喺香茅嘅香氣搶先，細味後會有隱若班蘭嘅清甜最後而嚟會喺青檸嘅清新酸香。
香茅班蘭青檸水
$48
19 瀏覽
0 讚好
0 留言
打頭陣喺雞牛豬沙嗲，有雞牛豬供選擇，亦可以綜合要齊3款，夠人多，叫多啲就自然可以叫晒3款啦。雞肉同豬肉都相對淺色，所以，竹簽有綠色標示喺豬肉，咁就唔怕食錯。啲肉燒得極有炭火香，熱辣辣，上枱已嗅到肉香，咬落汁豐肉嫩，絕無「乾爭爭」嘅問題，啲焦燶位就更加正，配上自家炒製嘅花生沙嗲醬，又香又濃，微微花生粒，絕對貨真價實，沾上沙嗲味道更惹味而具層次。伴菜仲加咗啲青瓜粒、紫洋蔥，作為間場，一啖肉、一粒青瓜，就更搭配。
沙嗲
31 瀏覽
0 讚好
0 留言
招牌海南雞 $268 / 半隻人少嘅話，當然嗌招牌海南雞飯啦（$168）人多就不如嗌夠半隻雞喇，咪以為得一碟少呀，底下唔會搵啲配菜嚟墊高，而雞肉喺全部都起晒骨，啖啖肉，肉質更非常嫩滑，雞皮皮下脂肪少，咬落爽而不膩。
招牌海南雞
$268
29 瀏覽
0 讚好
0 留言
雞油飯單賣$28碗，碗碗裝得滿滿，而啲雞油飯色澤光亮濕潤，充滿油香卻不肥膩，飯粒夠晒分明，同樣，鍾意下點黑醬油，令味道更豐富好食。
啤酒燴牛尾煲 $158燴牛尾喺一道唔易煮嘅菜式，而且，功夫唔少，一定唔會晌屋企搞。色澤深沉，滾熨熱辣，傳嚟陣陣香味。唔喺講笑，啲牛尾燴得好腍，誇張啲講，有少少一咬即化嘅感覺，再者，個汁真喺好香濃惹味，所以，都用咗少少嚟撈落雞油飯度，堅喺好食到嘩嘩聲。
啤酒燴牛尾煲
$158
9 瀏覽
0 讚好
0 留言
天寒地凍食煲仔飯，寧舍滋味無窮，單睇個賣相，已見到好豐富，不論金蠔，抑或蝦乾，大大隻有睇頭，色澤亮麗，感覺都喺靚貨。侍應好貼心，會問你一句使唔使幫手分埋，一客可以分到4-5碗。啲蠔果然好食，厚肉，蠔味濃郁，蝦乾亦夠咬口，而飯粒分明，添加埋自家秘製嘅甜醬油，底下仲有少少脆口嘅飯焦，真喺無得輸。
金蠔蝦乾煲仔飯
$198
21 瀏覽
0 讚好
0 留言
星洲甜品薈萃 $138 / 二人份其實，餐牌最後頁都列出咗唔少甜點，不過，枱上有款新出嘅「星洲甜品薈萃 」，一次過就可以試到4款唔同味道，又富特色嘅星馬甜點：黃金香蕉球、斑蘭蛋糕、馬六甲椰汁西米布甸、椰子雪糕及時令水果，當然，啱晒啲好似我哋咁心多多嘅人啦。
單喺以一個竹籮，鋪上蕉葉，擺齊4款共4人份嘅星馬甜品，賣相已經好吸引。黃金香蕉球食落有啲似高力香蕉，暖暖地，香蕉清甜而軟綿綿；斑蘭蛋糕就軟熟到不得了，回彈力強，有陣陣斑蘭香氣；馬六甲椰汁西米布甸加入咗椰糖，所以，甜得嚟有好強嘅清純糖香，而西米煮得剛好，唔會黐埋一嚿嚿；椰子雪糕雖然好足椰子香，質感亦都柔滑，只喺相對嚟講就顯得較普通。配埋啲時令水果，真喺填滿埋胃納裡最後嘅虛位。
星洲甜品薈萃
12 瀏覽
0 讚好
0 留言
大家都讚今晚嘅菜式水準高，而且，招呼熨貼，侍應有禮，又推出唔少優惠，令大家食得稱心，讓我哋渡過咗一個愉快嘅晚上，將近來內心嘅悶氣暫時拋諸腦後。
張貼
