影片
更多
2024-02-17
762 瀏覽
首先，我會覺得呢間餐廳係食風味嘅，唔係食個大廚用幾出色嘅烹調方法，而係食啲材料有幾新鮮/Organic，同埋食物嘅配搭設計。其次，亦要知道餐廳係做緊鄉村風味嘅裝修，我當晚係好好天去幾有feel，但如果打風落雨就未必咁舒適。唔好Expect會係高級餐廳咁，至少係乾淨舒服，睇得出佈置有心機同精美嘅。再者，亦係我覺得刺激嘅事情——冇餐牌選擇，第一次食嘅我完全係玩驚喜。仲要我平時食得好簡單普通，好少試新嘢，所以對我黎講每道菜式都有我未食過嘅嘢⋯⋯我亦會好驚啲味道好奇怪，但因為尊重成件事，細食嘅我都竟然做到全部都清碟！食物份量唔多，大胃人嘅可能食唔飽，但女仔一般都會覺得飽。建議揀飲擇食嘅人千祈唔好去試，會浪費左廚師嘅心機，但講真，我覺得全部都食得落肚嘅，冇啲好奇怪嘅味道。非常之利尿嘅飲品，飲左一小杯已經要去兩次廁所。甜甜地，不過聞落有浸青味，我唔算好鐘意，只係飲咗一杯。前菜除咗乳酪之外，上面冇一樣嘢係我食過嘅⋯⋯我算係鼓起勇氣咁食。甘筍係醃過，有酸酸鹹鹹嘅味道幾特別，亦係脆卜卜。牛奶果第一次食。米紙組合分開食會怪怪地，但一啖放哂入口係好食嘅！菜湯係西洋菜湯咁嘅味，但係口感似飲緊西湯。生豆苗第一次
其次，亦要知道餐廳係做緊鄉村風味嘅裝修，我當晚係好好天去幾有feel，但如果打風落雨就未必咁舒適。唔好Expect會係高級餐廳咁，至少係乾淨舒服，睇得出佈置有心機同精美嘅。
再者，亦係我覺得刺激嘅事情——冇餐牌選擇，第一次食嘅我完全係玩驚喜。仲要我平時食得好簡單普通，好少試新嘢，所以對我黎講每道菜式都有我未食過嘅嘢⋯⋯我亦會好驚啲味道好奇怪，但因為尊重成件事，細食嘅我都竟然做到全部都清碟！食物份量唔多，大胃人嘅可能食唔飽，但女仔一般都會覺得飽。
建議揀飲擇食嘅人千祈唔好去試，會浪費左廚師嘅心機，但講真，我覺得全部都食得落肚嘅，冇啲好奇怪嘅味道。
什麼什麼薏米水
17 瀏覽
0 讚好
0 留言
非常之利尿嘅飲品，飲左一小杯已經要去兩次廁所。甜甜地，不過聞落有浸青味，我唔算好鐘意，只係飲咗一杯。
牛奶果米紙???加乳酪同??碎
23 瀏覽
0 讚好
0 留言
前菜除咗乳酪之外，上面冇一樣嘢係我食過嘅⋯⋯我算係鼓起勇氣咁食。甘筍係醃過，有酸酸鹹鹹嘅味道幾特別，亦係脆卜卜。牛奶果第一次食。米紙組合分開食會怪怪地，但一啖放哂入口係好食嘅！
(西式)西洋菜湯生豆苗配??麵包
23 瀏覽
0 讚好
0 留言
菜湯係西洋菜湯咁嘅味，但係口感似飲緊西湯。生豆苗第一次食，青青地，要將佢同個湯溝埋先可以減少啲青味。麵包正常。
好多水果同菜嘅沙律
23 瀏覽
0 讚好
0 留言
成餐飯我最鍾意係呢個沙律，個汁係熱情果加唔記得咗，咩總之酸酸甜甜好好食！啲菜好新鮮，水果有幾樣我平時都唔會食嘅，但已經唔記得咩名，絕對唔係普通蘋果沙律嗰啲，而係似你去效野集咗唔同嘅水果返嚟做沙律嘅感覺，乜都有少少咁。
千層薯仔片配牛油果粒加本地有機大啡菇藜麥荷蘭豆朱古力餡青椒
27 瀏覽
1 讚好
0 留言
主菜，薯仔好好食，切片後經過班主唔覺得好有薯仔嘅澱粉味，而係調味後舒服嘅味道。牛油果就咁食我會好驚，但係佢調味之後好食咗好多！除咗青椒入面有朱古力呢個組合令我覺得⋯⋯之外，其他都好好食，本身個青椒都好食，我諗係因為個朱古力太苦。
。
整體嚟講冇一樣調味我會覺得好鹹。
餐飯俾我嘅感覺就係慢慢上菜，慢慢品嚐每一樣材料嘅味道，廚師精心嘅調味。
。
建議大家唔好摸黑行路入去（雖然今次我哋來回都係行路，因為有黎過幾次嘅人帶路），最好係坐的士去的士走。
有車嘅話，一班朋友過嚟與世隔絕咁吹吓水都幾開心，店員都好熱情有禮貌笑容滿面，令人感覺舒服，同埋佢哋都好樂意服務客人咁。
。
推薦比食素或者唔係食素嘅人。
張貼
