小野人

有日路過見到餐廳裝收幾好, 就搵日去左食比較早去到, 無訂位都安排到位置 電話下單, 餐廳服務員服務 非常之差 叫左幾樣野食酸辣粉 - 有落花生呀, 不過"益" 既, 叫佢地黎睇 叫足幾次, 叫佢入廚房試, 試完當無件事, 再叫佢黎問佢有無試, 係咪有問題, 又再搵主管, 攪左好耐先退番羊肉排 - 比較瘦, 都可以既, 不過非常重味精, 食完係咁飲水串燒 - 都係味精重飲品 - 平均都偏貴最後總結: 服務差 味精重 食完飲番幾日水會唔會再食? 一次就夠了

我哋成日都幫襯。 吾係第一次帶BB車去食。灰色衫嗰位manager見到我哋為餵緊BB，佢都依然堅持喺嗰個位度上菜，差點整親我哋BB。事後仲堅拒唔道歉。態度惡劣，擺明係因為我哋帶BB車黎，覺得我哋阻住佢做生意。我哋買單嗰陣時候，呢位灰色衫嘅服務完仲夠膽死黑我哋面。呢度都好多comment話呢間野服務好差，竟然冇深造落去，不如執咗佢。唔怪之得，而家個個都上深圳消費，起碼人哋啲服務態度好，唔使食飯都要受氣。

行完Donki之後，就行咗呢條食嘢嘅街，見呢度開咗間有串燒嘅嘢食就試吓😋叫咗唔同嘅串燒包括有雞肉、雞翼、牛舌、土豆🥔、雞軟骨，味道都幾好食，如果串燒份量可以大串d更好，另外仲叫咗薯條同埋酸辣粉！D staff 服務很好，環境正！

星期日既中午2點幾，一個人帶住剛3歲既小朋友黎食！當時餐廳有幾枱客但說不上是爆場忙碌！食到差不多最尾，叫侍應幫手斟杯水。佢叫我自己去斟出去水之後侍應走咗出店舖外面講電話！本身以為餐廳是自助形式，加埋當時只係自己一個人睇住小朋友，擔心小朋友坐唔定，所以選擇咗忍住口渴冇出去斟水！但埋單既時候發現店舖需要收+1服務費！當下我即刻問收銀嘅職員，點解要收+1服務費？我搵職員幫我斟杯水佢都唔幫我斟！本人並不介意，要付+1服務費，但我付費既同時都希望收到應有嘅服務！經過一番據理力爭餐廳職員豁免了服務費！想寫一個真正既食評係餐廳食物係茶餐廳質素，餐廳服務係茶餐廳都不如！

太垃圾了，以後不會再光顧 1）自己落單仲要收服務費2）午餐原價去食串燒仲要唔開爐3）侍應面口西 食幾條串燒 不值這個價錢。難怪啲人返曬大陸消費，一點也不值得！如果大家想食呢間嘢，請三思！

真係嬲鬼咗 今晚突然間想食多春魚，專登擺低個仔同老公一齊去食 多春魚一碟得三條 我食咗第一條 完全0春 ，再食第二條用筷子篤開嚟睇 又係完全冇春，另一條老公食咗就話得極少春，忍唔住問店員究竟係咪多春魚嚟？我唔介意叫多一碟 但會唔會又係冇春😰？得到嘅回覆係「條魚叫多春魚 但唔肯定一定有春」大佬 三十幾蚊碟得三條 竟然可以有兩條完全冇春 呢個根本係食材質量問題 呢道菜根本唔應該存在喺餐牌上囉😔之前幫襯過幾次都幾好食 但今晚所有食物都強差人意 冇下次👎🏻

隱藏於將軍澳海濱長廊附近的MONTEREY Place，是一間又一間的美食餐廳！當中主打夜市風味串燒的「小野人」，除了各款肉類、海鮮及菜類串燒外，亦有麵類主食選擇；桌上更有小爐一直為串燒保溫，十分適合與朋友聚會！🦪蒜蓉烤生蠔 ($38)：生蠔大隻肥美，配上蒜蓉極之惹味！🍆芝士蒜蓉烤茄子 ($48)：芝士與蒜蓉的配搭挺特別，茄子口感軟腍！🍢烤牛舌 ($28@2)：牛舌烤得偏熟，口感有點硬身！🍢Q彈小豬頸肉 ($42@6)：豬頸肉薄切，烤得較熟，口感同樣偏硬！🍢烤雞肉 ($28@2)：雞肉熟成度掌握得比較好，肉嫩入味！🍢烤娃娃菜 ($18)：調味粉較多，味道微辣，食完會有渴的感覺！🍢烤台灣小香腸 ($18)：不會出錯的台灣腸，十分美味！🍢烤雞翼 ($28)：烤得剛剛好，入味十分！🍢烤洋芋片 ($18@2)：烤得香脆可口，有食薯片的感覺！🍜重慶酸辣粉 ($45)：不算太辣，份量足夠2人分享！

烤牛舌（2串）$28食串燒就會叫幾爽口，偏薄身，大塊啲就好～大漠烤羊肉串（5串）$48烤羊肉串係食燒烤一定要食🤣烤小牛肉（5串）$48有牛味，有5串都幾抵食🤣比羊肉細少少，但都算抵食烤雞脆骨(2串）$28正常發揮～脆卜卜送酒一流清酒煮蛤蜊（1份）$68食到蜆嘅鮮味，算幾清甜蒜蓉烤鮮蟶子（1隻）$46蟶子幾彈牙，幾正😙不過偏貴重慶酸辣粉（1份）$48略嫌唔夠算，粗薯粉幾彈牙👍🏻飽肚之選原味乳酪奶昔 $40少少甜，又解辣，似稀身嘅酸奶我好中意飲😋😋唔太食得辣嘅我叫BB辣😂都夠辣了同埋會有個爐熱住啲嘢食👍🏻，但最好唔好一直擺住係度，熱得耐會乾～

同朋友喺調景嶺體育館打完羽毛球，朋友話想食燒烤，咁我就諗起呢間小野人，如果喺調景嶺行過去就大約15分鐘，舖頭位置有啲遠，但係為咗食好嘢，行遠少少冇乜所謂，其實之前都食過，今次朋友話想食咁就帶佢試吓啦，落單方面，佢哋就係用自助落單，所以唔使怕落錯，同埋佢哋上嘅速度都好快，食物質素方面呢，食物嘅溫度都仲係保持得好高水準，佢哋最細心嘅地方就係會用一個熱嘅爐，幫你暖住啲串燒，唔駛怕啲串燒凍咗唔好食，同埋呢度抽風都做得唔太差，唔會好大煙.鋪頭主打川式串燒，串燒真係燒得唔錯，而每串份量都唔算太多，而我自己就推介金針菇牛五花卷和香蔥豚肉卷。香蔥豚肉卷就喺將香蔥和嫩豚肉卷放埋一齊烤到外酥內嫩，口感豐富，而金針菇牛五花卷就喺將金針菇同埋嫩牛五花肉卷放埋一齊，經過烤製後呢，肉質鮮嫩多汁，而金針菇同肉質的鮮美完美組合.同埋店舖嘅擺位，都令到人坐得幾舒服，唔會好大擠迫，但係就要早啲去攞位，如果唔係晏咗就會好多人.

話說有日平日去食lunch, 兩個人叫左一個lunchset再加一堆串燒，話曬呢間嘢都係出名串燒。上次食覺得唔太飽，所以今次就叫一人份lunchset墊胃。後來見佢每份串燒上菜所隔嘅時間有啲耐，過往經驗呢到嘅串燒都好快變涼，所以就問佢可唔可以俾個保暖爐。我地諗住如果唔夠就邊食邊叫，點知店員一開始唔肯比，話我地叫得太少，然后我地同佢講想邊食邊叫多啲串燒，想食物保溫，佢拎完比我地之後黑面黑到我地走，整個用餐體驗好差。佢味道唔錯，但係份量少，性價比低，加上當時全店只有3枱人但全店嘅員工都係黑口黑面咁。如果係一樣價錢，有好多其他嘅串燒店選擇。

烤肉串位於我居住的附近。首先，我嚐了大漠烤羊肉串。羊肉不會有羊羶味，烤至外酥內嫩。每一口都散發著濃郁的肉香，令人垂涎欲滴。接著，我品嚐了烤牛舌。牛舌經過精心處理和烤製，質地細嫩，口感十分頂級。肉質的鮮美和烤焦的香氣相得益彰，令人回味無窮。我也試了了金針菇牛五花卷和香蔥豚肉卷。金針菇牛五花卷將金針菇和嫩牛五花肉卷在一起，經過烤製後，肉質鮮嫩多汁，金針菇的脆勁與肉質的鮮美完美結合。香蔥豚肉卷則是將香蔥和嫩豚肉卷在一起，烤至外酥內嫩，散發著誘人的香氣，口感豐富。另外，他們還有Q彈小豬頸肉。這道菜使用優質的小豬頸肉，經過特殊的處理和烤製，肉質鮮嫩有彈性，帶有濃郁的肉香，讓人愛不釋手。最後，我試了烤娃娃菜走辣。娃娃菜經過烤製後，保持了脆嫩的口感，並搭配了辣椒調味，增添了一絲辣味的刺激感。

這家餐廳位於將軍澳，是少有的燒烤店。首先，我點了清酒煮蛤蜊。這道菜以清酒為基底，將新鮮的蛤蜊煮至鮮嫩，帶有一絲酒香的味道。每一口都散發著海鮮的鮮美，令人回味無窮。接著，我嘗試了墨西哥烤玉米。這道菜以新鮮的玉米烤至金黃色，塗上特製的調味醬，然後灑上芝士。玉米的甜味和烤焦的香氣在口中交織，給人一種獨特的口感。我也品嚐了烤新鮮臭豆腐。這道菜將臭豆腐烤至外皮酥脆，內裡仍然保持著豆腐的柔軟口感。另外，我點了重慶酸辣粉。這道菜以傳統的重慶酸辣湯為基礎，湯的酸辣味道與麵條的彈性相得益彰，帶來一種獨特的滋味。還有奶油烤小饅頭，小饅頭經過烤至外酥內軟，表面抹上奶油，再撒上芝麻。每一口都散發出奶香和芝麻的香氣，給人一種濃厚的口感。最後，我試了蒜蓉金針菇，金針菇鮮嫩多汁，蒜蓉的香氣與菇類的鮮味相得益彰。而KOKA麻辣薯條則是一道辣味十足的小吃，薯條外酥內軟，配上麻辣調味，非常開胃。

將軍澳既川式燒烤食店小野人，之前想去好耐，最近同朋友約食生日飯，又想食串燒，就黎試下啦～一入門口已經俾柔和嘅燈光同輕鬆有格調既裝修吸引住，環境好唔錯呀！！每張檯都有個小火鐵盤可以保溫，唔駛怕串燒凍左唔好食。呢度抽風做得真係幾好，唔會太大煙霧，番屋企件衫都無熏到好大味幾讚呢度主打川式串燒，串燒真係燒得好出色呢，每串份量都唔算多，廚房仲烤好咗放喺客人檯上個細鐵盤度。而家除咗串燒，仲有小食同主食，落單都只需要自己scan QR code落單，算簡單方便。試左大部分串燒都唔錯，最好食係烤牛五花，燒嗰陣肉汁都滲入晒去好入味，真係好好味。當然仲有其他嘅串燒啦，例如烤蠔，蠔肉好新鮮爽口。烤扇貝烤得剛剛好，鮮嫰滑爽原汁原味呀。至於烤雞軟骨好脆口好好味，加咗啲孜然粉調味，好正呀😆仲有烤脆雞皮同烤小牛肉，前者炸到好脆嘅，香口得黎又唔會太多油滲出，後者嘅肉質鮮美，牛味仲好濃添～總括嚟講，小野人嘅川式燒烤食物好多選擇，每一款都有唔同嘅口感同味道，真係值得試呀😆

餐廳位於將軍澳南诲岸唐俊街Monterey Place地下，餐廳主打地道台式串燒和台式飲品。餐廳裝修設計以簡約淺色和台式木滕為主，設有卡座，天花用騰製嘅燈飾好別緻。每張枱都擺放一個小烤爐盤，來保持食物的温度，設計好花心思，服務員招呼到位。烤海鮮食物夠新鮮蒜蓉烤鮮蟶子一隻 $46 肉質鮮味又彈牙蒜蓉烤生蠔一隻 $38 夠肥美烤花枝丸一串 $28 好香口烤串燒食物用左不同的調味粉去燒烤，多種台式串燒食落香口又吾會韌，非常惹味。烤雞脆骨2串 $28大漠烤羊肉串5串 $48大漠牛肉串5串 $48Q彈小豬頸肉六串 $42烤牛舌兩串 $28烤香辣豬手 $38重慶酸辣粉 $58 夠彈牙金針菇牛五花卷一串 $28 又香又美味烤香芋片 $18 爽口飲品超C爆檸蘇打$48森林元汽水果茶$48兩樣飲品酸酸甜甜, 開胃又可解膩。

這間串燒店真的好特別,有種好寫意想食完再食既感覺,而且小爐為串燒保溫真係好開心,可以慢慢食。今日真係點左好多串燒一口菠蘿，，豚肉卷，烤雞肉，香腸，鮑菇，烤雞翼其實真係好有特色既串燒,每樣都好好味, 烤雞肉、烤雞翼都好有肉感,而且熱辣辣食,真係好啱冬天既風味~小吃烤肉米，蒜蓉粉絲娃娃菜，蘆筍烤肉米好特別又健康,好鍾意佢既醬汁奶油小饅頭，糖烤牛奶方包香脆、夠味,而且好少地方可以食到,啖啖都好滋味~仲叫左重慶酸辣粉,不錯不錯~一大杯水果茶超正既口果茶~超足料水果~