616牛肉火鍋專門店 (馬鞍山中心)

營業中

休息中

平時冇寫食評的習慣。今次寫食評完全係因為想記下這次用膳經驗同極優質服務體驗。伙記們整體友善，食物環境都係好嘅，上菜方面什至極速。餐廳嘅座位都係寬鬆嘅，舒服。今次寫食評主要想讚揚某位員工。1）見我哋自帶紅酒，未使我哋出聲都好醒目地自動自覺攞幾隻好乾淨冇手指模嘅紅酒杯比我哋。2）係我地依家已經離開餐館好一段路，突然從後跑上話比返找錯錢嘅餘款，然後又極速咁跑返去餐廳。朋友們見到都覺得好窩心。因為你跑返去好快，都未能好好謝謝你！希望你有機會睇到呢篇食評🙏🏻😊

星期六晚8點半去到，同朋友一直用正常速度食嘢飲嘢，食到10點叫多枝啤酒，枱面都係得返5塊肉左右，應該15分鐘內會食晒飲晒所有嘢走人 。當時舖頭入面得返我地一枱客，但員工從來無提過last order等等 。點知10點零5分果陣，員工突然走嚟開到冷氣勁大，真係勁大風咁直吹住我地，吹到枱面tissue都一嘢吹晒落地果種 。我地忍唔住問佢地可唔可以熄細啲冷氣，同埋表示頭先冷氣一直正常，點解要無啦啦教大佢吹住我地 。員工話要搵人嚟整冷氣所以要開大佢，真係完全不能理解 。之後當時三位員工出咗去舖頭外面食煙，其間一直用不友善眼神望返入嚟，我地都驚阻人收工，結果啤酒飲咗幾啖都放棄，10點3就埋單走人 。埋單時我地問佢地呢度幾點閂門，原來係10點3 last order，11點閂門 。即係我地根本完全無阻到佢地收工，只不過somehow當時得返我地一枱客，佢地為咗想我地快啲走就開大冷氣吹住我地，仲黑口黑面咁對我地 。食物已經無幾年前咁好食，而家連態度都差成咁，真係睇唔到有咩理由再幫襯 。

火鍋未試過，但食過午餐，都還可以😌不過不失😂😂飲品枝裝包裝方便，抵讚！服務態度都唔錯，會搵次夜晚幫襯打邊爐🤤🤤👍🏻👍🏻環境okay.都算坐得舒服！但上次我午餐食佢嘅水煮麵，唔太熱，同埋有啲辣，識得辣嘅先好叫！

❤️滑尾龍今日MVP 🏆有隻雞蛋🥚發落去 牛肉夠晒嫩滑 ❤️胸口撈 $48成舊白色 晤知以為係牛脂肪 但其實好爽口 又夾脆 一試難忘❤️手打牛筋丸 半打$30呢到嘅手打牛筋丸 都好大粒下 牛筋丸彈牙多汁 值得一食❤️花雕醉牛$48花雕酒夠濃 肉質鮮嫩而且多汁花雕醉牛 酒香四溢 味道獨特迷人 必點❤️信州和牛肩胛$78信州和牛肩胛 雪花分明 口感豐潤細膩 入口即化 有豐富的油花 回味無窮 $78 就食到日本和牛 價錢夠晒親民貼地❤️溶岩沙嗲湯底$82呢到嘅價錢非常合理 性價比好高 點左個沙嗲湯底 好濃郁 最後加多個公仔麵一齊食 變左碗特濃沙嗲牛肉公仔麵🍜 無得輸❤️響鈴$28打邊爐點小得響鈴先 浸係沙嗲湯到8秒就拎返起 索晒沙嗲湯嘅精華 好好好味 必點❤️桂花烏龍 $16樽裝桂花烏龍茶 香氣撲鼻 滋味芬芳 烏龍茶回甘醇厚 正📍 616牛肉火鍋專門店 (馬鞍山中心) (馬鞍山)馬鞍山鞍駿街1號馬鞍山中心地下A06號舖

616嘅牛肉火鍋絕對係出曬名👍🏻專食牛肉嘅靚部位🤩我見佢專頁介紹今期又推出左新嘅信州和牛，即係又book 枱黎試下。 信州和牛有幾個部位揀，我就揀左羽下肉😍因為見佢個圖 油花分布好靚，夠肥美🤤🤤佢仲有個堂食套餐set , 可以一次過試晒信州和牛肩胛，牛腹肉 同 和牛赤身。好吸引😍😍信州和牛羽下肉：油花夠多👍🏻真係夠滑，夠肥美。牛肉片入口即化咁😍比其他牛肉更加滑嫩👍🏻睇返介紹😂原來信州和牛係616係長野縣直送回港👍🏻所以食牛肉方面，616 真係特別出色，抵讚👍🏻當然其他牛肉片都好高質👍🏻而且每碟散叫都唔算貴❤️牛駝峰同嫩池板：口感比較滑匙柄：牛肉味濃郁橫隔肌：口感比較有咬口全部牛肉都真心好味🤤無論係唔係牛魔王，都會愛上❤️

呢間平日夜晚是都幾多人食，都算滿場，不過不用book位呢度係手機自助落單，內臟不是朋友喜歡吃，所以沒有嗌牛雜湯底見呢個好吸引，仲有蛋漿試吓！果然好味！原來呢度除咗花雕醉雞嘅熟悉冷盤，就冇得嗌雞嚟打邊爐㗎喇，海鮮嘅選擇老少，因為呢度主打牛肉酒味不是太入味，正常雞肉一坐低好肚餓可以叫嚟食咗扇貝質素正常，不過性價比低，可以不要，我選哇好高質素或鮮味鴨血好味，皇帝菜同埋水芹都好少食，不錯的菜類選擇整體而言滿意，不過我覺得價錢偏貴，我會選擇去酒樓打邊爐放題，選擇更多，質素也不是弱很多吧😜

住li區咁耐一直都無留意到原來有火鍋店, 以往想出街打邊爐只能去酒樓, 朋友帶路, 話li度主打新鮮食材&靚料, 即刻黎食.🍲坐得舒服好緊要, 湯底我地揀左熔岩沙嗲湯底($82)正宗自制沙嗲牛, 想講湯底非常熔岩feel, 超濃稠, 多花生粒, 就算之後加左湯底都仲係keep住咁濃, 好味.🍲Li度最特別就係唸得出嘅牛肉部位都有供應, 見店家張”信州和牛”menu, 淨係”日本直送”已經夠做. 牛肩胛就食得多啦, 牛肉味濃又juicy, 油脂分佈均勻, 口感嫩滑超腍軟, 6秒唔使全熟, 入口勁易化開嘅; 牛胸肉都係嫩滑之選牛肉味又濃, 我最鐘意佢切得厚薄適中, 淥幾多秒喺餐墊紙介紹哂.🥩澳洲和牛-牛頸脊近年認識多左牛嘅部位, 打邊爐從此唔會再嗌”肥牛”, 因為牛頸脊有咬口之餘, 淥6秒, 肉味同油香都好豐富.🥟麻辣牛肉餃好辣🔥, 咬開啲麻辣油流出, 餡料牛味香濃充滿椒香同口感, 食落新鮮juicy, 皮夠薄, 推介.🥩吊龍伴係肉眼扒外圍嘅牛肉, 唔會太多油脂, 但一樣充滿香濃牛肉味. 店家每碟牛肉嘅份量我覺得屬於2人份, 價錢夠哂親民, 質素都好好wor, 會encore😛.

616牛肉火鍋專門店（馬鞍山中心）是一家專注於提供美味的牛肉火鍋。這家餐廳的牛肉質量非常優秀。他們選用優質的牛肉，肉質鮮嫩多汁，口感極佳。無論是涮煮還是炒熟，牛肉都保持了原有的鮮美風味，給人留下深刻的印象。其次，餐廳提供了多種湯底選擇，滿足了不同人的口味需求。無論您喜歡清淡的清湯、辣味的麻辣湯還是鮮香的骨湯，這裡都能找到適合自己的選擇。湯底的味道濃郁，能夠提升食材的風味，讓火鍋更加美味。不能只說好食咁簡單。

616 火鍋一直是火鍋控的首選，要預約理想時段也不是容易最近616 迎接7周年推出瘋狂 66 折優惠，當然不能錯過了！本身已經超划算現在再推優惠就馬上和朋友約了起來～現在優惠雖然過了，早鳥晚鳥到訪依舊有八折的最近還有信州和牛到著，用蘋果飼養的牛牛吃起來如何呢~　(\ (\ („• ֊ •„)𓐍鴛鴦沙牛湯底 $82信州和牛赤身 $78安格斯橫隔肌 $48熟成加拿大牛肩 $58手打牛筋丸 $30花雕醉雞卷 $38炸魚皮 $28鴨血 $38響鈴＄28金菇 $28蜂巢豆腐 $28 公仔麵 $12桂花烏龍 $15 菊花桂圓露 $15選了沙爹牛肉和白蘿萄牛腩湯底雙拼，一次過嚐兩種滋味沙爹牛肉湯底特别濃郁，配和牛和公仔麵就可以自創沙爹牛了哦！白蘿萄牛腩則非常鮮甜，牛腩也有數大塊不會因為是湯底就HEA特意選擇赤身這個不肥膩部位，色澤均衡且輕輕煮已經牛味芬香除了赤身也很推薦牛筋丸，咬開超級爆汁和有彈性的！其他幾份牛賣相都很吸引，牛控寶寶更是不能錯過。基本火鍋配料都一應俱全，連鴨血都有更值得好評呀。每份價錢合理之餘真的有一定份量本來以為兩個人可以完成全部看來還是大高估了自己୨୧

終於馬鞍山有分店！幾十蚊食到靚和牛岩哂我一支公或者同阿媽撐枱腳。首選和牛牛肩胛，佢油脂含量少，口感偏硬，但牛肉鮮味較濃；赤身雪花均勻，口感油潤，都好正！手打牛筋丸都必食，爆汁彈牙又有筋肉口感，會encore之選。阿媽精選點菜仲有黑柏葉、手打墨魚滑、火鍋必食響鈴同烏冬，加埋個無敵沙牛鴛鴦湯底，配埋可樂真係一流。不得不提佢地嘅花鵰醉雞卷意外地真心出色，連我媽條皇帝脷都話好食，夠滑夠酒味，而且無雪味，真心讚！

是次第二次光顧。因念念不忘，故再次光顧。提供的湯底、各款牛肉，配得上‘’牛肉火鍋‘’‘的店名。湯底有幾款以牛主題做湯底，今次點了牛什湯底。牛什湯底內有多件件什，牛肚、腸、牛膀等，牛肚特別多，而且淋身。等著點的牛肉時，可以先吃牛什。信州牛肉合盛，讚。一份有4款牛肉，各有特色，重點都是濃郁牛肉味，牛油甘香凝留在口腔裏。一片片牛肉外，還有牛肉滑、牛肉餃，這些也不錯。牛肉滑都是牛味十足，口感如手打牛丸。牛肉餃，餡料的牛肉有微微調味的，味道也不錯，吃落似漢堡扒味。火鍋店還有提供豬、海鮮類的，不過今次專注吃牛。

之前食過牛骨清湯、沙爹湯底都唔錯見到牆身貼住限定牛腸湯底雖然比其他湯底貴 但想食牛腸都叫左牛腸好乾淨 搭味噌湯底愈煮愈好食而且一整鍋有好多椰菜、芽菜、蔥一上桌覺得湯底值了～晚市8:30後入座送一碟牛牛肉好重肉味但偏肥我比較喜歡牛駝峰 吃起來像溫體牛肉好嫩有咬口又不會太肥封門柳是朋友最喜歡吃不過相比起 我更喜歡616其他部位的牛肉例如匙柄 只係今次鍋底料很多 飽了就沒再點牛肉人均180$ 免加一

今晚同屋企人去咗屋企附近嘅𝟔𝟏𝟔打邊爐🍲🧡佢哋越開越多分店，好多人推介食幾鍾意佢哋有好多唔同部位嘅牛肉方面揀🐄而且每一碟都唔會好貴，餐廳仲唔收加𝟏醬料方面可以自己出去調～😋原來而家堂食仲有優惠，用親民價錢就可以食到(=´ω`=)日本長野縣直接運到香港嘅信州和牛～🇯🇵🇯🇵當然要𝐨𝐫𝐝𝐞𝐫 份嚟試吓，有買𝟑送𝟏既優惠♡日本長野縣既信州和牛盛($𝟐𝟕𝟒)🇯🇵 包括有三款:牛羽下肉·牛胸肉 ·牛赤身個人最鍾意和牛牛羽下肉，幾香既油花味，又唔會過肥，肉質鮮嫩多汁💗其次嘅和牛赤身，都幾牛味香濃，比較有咬口堂食仲送左一碟澳洲五花趾～✨✨♦︎每位醬料費($𝟏𝟎)♦︎♥︎牛骨清湯($𝟔𝟐)♡加拿大艾伯塔牛側胸肉 ($𝟓𝟖)♥︎加拿大艾伯塔嫩池板($𝟒𝟖)♡匙柄 ($𝟒𝟖)♥︎鮮製手打鳥冬($𝟏𝟖)♡鴨血($𝟑𝟖)♥︎油麥菜 ($𝟐𝟖)♡洛神玫瑰茶($𝟏𝟔)♥︎菊花桂圓露($𝟏𝟔)另外好欣賞佢哋嘅湯底🍲湯底幾清甜，仲有整件牛骨上🦴越煲越濃郁，湯底仲有不少配料有好多舊牛肋骨肉🐮🍖，已經熬製到好淋好入味啖啖肉，配埋清甜蘿蔔片，好清爽(•ؔʶ̷ ˡ̲̮ ؔʶ̷)✧📍 𝟔𝟏𝟔牛肉火鍋專門店(馬鞍山)🐰: 𝟒.𝟏/𝟓#eatwithkeik

馬鞍山火鍋餐廳絕不少，但如果想吃精選罕有的牛肉，我們喜歡這一家，幾乎全隻牛的所有部位都可以吃到！醬油調味可以自由添加，將郵費非常公道每位$10，飲品除了汽水之外，烏梅汁是首選，味道濃郁，解渴消滯！雖然對牛肉名稱沒有太大講究，但是各款各有特色，尤其是信州和牛赤身、滑龍尾和牛駝峰等等，都是非常少有的！和牛赤身滑有牛味、滑龍尾似鮮牛柳撈蛋好滑溜、牛駝峰牛味濃郁帶點咬口，非常出色！還有牛筋丸爽口彈牙，自家製烏冬必點之選，吃一點牛再吃一點粉麵，絕配！

鴛鴦麻辣牛骨湯: 最適合愛辣，或者不吃辣的圍爐朋友，牛骨湯絕不馬虎，湯底有清甜蘿蔔牛腩味之外，還有三兩件牛腩，非常好吃！四川麻辣湯鍋非常惹味，配合不同的牛肉部位一流！616火鍋最出色的就是牛肉不同部位，包羅萬有，亦都非常罕有！尤其信川和牛，牛肉肉質嫩滑，牛味濃郁，建議把握好生熟程度！推介罕有部位，三送一組合，包括澳洲五花趾、安格斯橫膈肌、澳洲和牛牛頸脊、牛上肋，四合一都是$204非常抵食！尤其牛頸脊，啖啖牛味濃郁！推介