稻埕飯店 (K11購物藝術館)

營業中

休息中

近排發現佢哋有下午茶餐，只售$38。麵餐加埋台式飲品，真係仲抵過茶餐廳，就入去試吓。原來只有兩個餐係$38 ，但係品質都非常好。份量對於我嚟講都係啱啱好。我尤其係鍾意個滷肉麵配咗鵝油來撈($38)，真係好香。其他嘅茶餐大約$58-108，仲可以加追小食。牛肉麵($108)啲牛肉超正，佢哋用嘅係牛展，炆得好淋，用筷子篤落去都可以散。個湯嘅味道都好好，濃度適中。桂花胚芽米水啲桂花味好夠，我哋亦追加咗自家製台灣烤香腸，亦都好味。😋

專登book咗呢間餐廳同屋企人食生日飯，都怪我無睇清楚呢間餐廳嘅負評。原來一早有人講過呢間嘢嘅職員態度超差嘅情況，睇嚟咁多年嚟都無改善過！！！.當晚未係好爆場嘅時候，我叫個職員幫手影相，佢已經黑晒面，塊面寫住唔想影⋯我明白，呢個唔係佢哋嘅職責，但如果你咁唔想，我寧願你直接表達唔方便就算⋯⋯⋯而唔係黑到塊面咁？？仲有！！仲要唔禮貌地稱呼我媽媽叫佢坐前啲，最後影咗兩張小朋友影都好過佢嘅相。同埋我已經成肚氣！見到兩張相都諗返呢個唔愉快嘅對待！.由於成餐飯嘅開初已經被影響咗心情，我都真係忍到埋單先同個經理投訴。另外，呢間餐廳嘅嘢食份量超少，價錢偏貴，性價比超差！！！！！一碟炸大腸居然係得嗰10條都唔知有冇！！我諗我之後同屋企人食飯，穩陣起見都係去食啲我哋食過又覺得好嘅餐廳！呢間餐廳，我係絕對唔會再幫襯！！！超級唔愉快嘅一個用餐經驗！！

果日去k11行街比出面下午茶張相吸引咗，見價錢都係$62就決定同男朋友一齊叫一份試。———————————————🌟黑糖珍珠舒芙蕾班戟配抹茶冰淇淋 $62個人認為呢個甜品好值得推介，淨係個外表打卡都值回票價，成個擺盤都好精緻而且同平時食開嘅梳乎厘都唔一樣。味道方面都好唔錯，雖然班戟中間係包cream為主，但個cream係自家製奶味香濃，班戟本身口感有種軟綿綿嘅感覺，面頭白色醬汁係甜甜地又帶少少咸味，唔需要加任何糖漿都夠味。旁邊另外仲有抹茶雪糕同蕨餅，茶味濃郁都幾好食。🌟芒果西柚丸子 +$26芒果汁底偏甜，如果低糖少少會比較好，丸子煙韌度ok，加$26都可接受。🌟手沖401次咖啡呢杯咖啡印象中係要加價錢，主要係覺得好有特色之前有又未試過就打算叫一杯。面頭咖啡個口感係好creamy，味道好特別係超濃郁嘅咖啡味，苦澀但中間又有甜味。老實講唔撈勻真係好難入口，不過平時飲開咖啡唔落糖，呢杯帶有甜味感覺都一般，但大家鍾意打卡其實可以一試。

這間台灣菜一直都好想試。網上的甜品照片好吸引。今日星期日中午，餐廳提供午市套餐，但就沒有下午茶。今次叫了兩個套餐及一個甜點：1. 葱爆沙茶炒牛頰肉 HKD82 加滷肉HKD10牛頰肉只是經過炒，所以不夠炆來的軟淋。但葱的香氣及香濃的沙茶醬仍然相得益彰，為這道菜品帶來了豐富的口感。加HKD10的滷肉亦十分入味，拌飯之選。但飯量就太少，女生來說都不夠飽。2. 鵝不是鴨肉鵝油拌麵 HKD132麵的份量實在太少，大概五口就可以吃完。鵝肉有五件，偏肥，味道一般。而鵝油的濃郁香氣是這道菜的最大賣點。3. 黑糖珍珠舒芙蕾班㦸配抹茶冰淇淋HKD118舒芙蕾班㦸的口感柔軟，略厭蛋味不足。而且是凍的， 不像是即整的。黑糖珍珠份量略厭過多。抹茶冰淇淋就普通質數。不過不失的一道甜點。小總結❤️❤️❤️📌味道不錯📌份量太小

同男朋友慶祝 上網見到好多人推介就屎忽痕去try try 話黑糖珍珠疏乎厘好好食是日就嗌咗油飯、滷肉飯（鹽酥豬）、疏乎厘食要讚油飯好快就到👍🏻 不過暖暖地 唔算熱相反個滷肉飯就等咗好耐 油飯都食曬都仲未到🥲之後終於到啦 個男侍應勁大力擺低個碗 力度需要注意調整下講返個食物 個飯好濕 鹽酥豬啲皮仲甩曬...到最期待的甜品方面 疏乎厘質地偏硬 切嘅時候要用D力 似鬆餅多啲 好睇係真 擺盤好有心☺️體感較差 但適合打卡 去一次就得 應該冇下次🙏🏻

朋友介紹呢度嘅肉燥飯係最好食嘅，咁啱經過就嚟試吓啦。台灣菜梗係要試吓佢嘅鹽酥雞肉燥飯啦，仲有隻半熟蛋添。唔單止肉燥飯係OK，鹽酥雞都好滑。再添加左小食，麻辣豬耳，都可以哦。不過下午茶性價比應該會很更高，環境都係坐得舒服，係可以食完再食嘅餐廳🍴👅

一行四人吃冬至餐🥢，整體食物挺好，尤其是鵝片、豬手花膠石鍋、蒜泥五花白肉、八斗子炒飯和桂圓紅棗芋圓湯丸飯店裝潢雅致，部份位置以綠草和黃稻穗🌾作裝飾，感覺舒服。枱之間有一定的距離，有梳化和座椅位，都讓人坐得舒適🔰話梅小山藥，開胃小吃，爽脆醒胃🔰台灣烤香腸拼墨魚腸(自家製），兩款都不錯，個人愛吃甜甜的紅香腸🔰鵝不是鴨肉(獅頭鵝例牌），這鵝肉片實在要讚，肉質柔嫩軟腍，完全不嚡。太好了😃，下次想吃鵝片都會來這裡吃🔰金銀蒜泥五花白肉卷，齊齊整整，每件五花肉都配一片青瓜捲着，這配搭不錯，有清爽之感，而落醬汁的位置令食物增添美感🔰金不換干貝螺頭燉雞湯，真材實料，清甜好飲，雖然有少許油浮面，只需用少少舀湯技巧，每羹湯都不會有油呢🔰古早味三杯鮮雞，味道夠，但雞肉不太嫰，有些嚡🔰花枝月亮蝦餅，餅裏是墨魚和蝦膠，但餡料太薄和少，未能突出其味道，外層餅皮有些硬和乾🔰秘製台汁骨膠豬手花膠石鍋，這道豬手上桌時，石鍋裏的芡汁仍然熱到撲撲聲，很有熱力。花膠不錯，豬手腍而入味，入口即化；吃豬手皮時，連同濃郁的秘製汁，極致好味，口腔都感受到滿滿的骨膠原🤣🔰八斗子炒飯（虎蝦,北海道帶子,鵝肉,蟹肉,蟹籽,豬肉鬆），材料豐富

搵間台灣餐廳試，發現幾好味。金沙蛋黃單骨翅夠香，不過略嫌貴左少少。太懶遲左寫食評，呢２款蟹粉限定菜式應該無再出啦。平時麻糬都係甜食，今次夾左咸味蟹粉餡料又比想像中ＯＫ！而且係即炸，上菜脆卜卜～至於個蟹粉古早米糕，其實就係蟹粉糯米飯，好味但唔算好濃蟹味。差唔多＄１００一碟菜係有少少貴，但出街食無辦法啦。不過食落比平時出面食既有少少唔同，佢個汁濃Ｄ，會掛汁在每條菜到，櫻花蝦都比得多。鵝不是鴨肉(無骨)　我覺得呢味係最普通，無特別。甜品好食，但份量超超超大，上菜時見到個舒芙蕾嚇親，應該起碼用左３，４隻蛋整建議２，３個人叫一個甜品好啦～野飲叫左原味純米水＆桂花胚芽米水，無糖的，飲完好似幾健康ＰＳ最後上網查一查，原來呢間係茶木集團，唔怪得都幾好味啦～

朋友生日飯，揀左呢間去試試，晚飯時間人唔算多，地方寬敞，價錢當然同台灣夜市冇得比較啦，相對比較貴。鹽酥雞扒魯肉飯，雞扒不夠酥脆，魯肉飯偏淡不夠惹咪。胡麻小菜爽口鮮甜。麻辣豬耳香辣爽口開胃。台灣腸拼墨魚腸稍嫌不夠火喉香脆，肉碎韮菜花不過不失，三杯雞比較遜色，淡而無味。糯米飯反而不錯，有蝦米香而且口感不俗，有點黏，很Q彈，就是當然會油膩。 蛋黃炸雞單骨很香蛋黃味，但炸粉有點太多。想同朋友一聚又想坐得舒服又想食台式料理，可以選一試但不要有期望，要食到台灣夜市既風味當然還是親身去台灣食吧。

今日星期六去左尖沙咀，行到下午有啲肚餓盲去左K11搵野食。去到稻埕門口見到下午茶menu熟食同都幾吸引，所以即刻入去試試。  稻埕下午茶係由2:30pm開始供應至5:30pm，當中有飯，有麵，有小食，有甜品。雖然選擇唔多，但都樣樣都有啲。價錢由$42至$88包一杯飲品。 睇完menu，就叫左一個甜品試下。 黑糖珍珠舒芙蕾班戟配抹茶冰淇淋 ($58) 舒芙蕾班戟賣相好好，打卡一流。另外舒芙蕾班戟造得好出色，好軟綿同香滑，加埋黑珍珠，甜度岩岩好。抹茶雪糕雖然唔係名牌子雪糕，但配上熱辣辣嘅班戟，一冷一熱，冰火交融，口感真係筆墨難以形容。 係K11食到一個咁高質下午茶，真係難得。 

環境舒適,服務好,上菜快已去三次!下午茶好扺食,性價比高所有菜式,飲品同甜點都可以揀即上或後上,呢個選項好貼心主食- 鹽酥雞飯: 酥脆好吃- 加購小吃 : 甜酸小番茄, 杏仁桃膠 - 珍珠奶蓋梳乎里 (必吃!海鹽奶蓋好味,仲有抹茶蕨餅同雪糕球) 飲品有好多選擇- 桂花米水 (每次都喝,健康之選)- 檸檬愛玉沙冰

今晚約家人去試留意了很久的稻埕，主要是希望試鴨肉。我們叫了一個二人套餐，前菜+三個餸，配飯，茶，甜品。前菜是話梅山藥，爽脆而有梅味和甜味，很清爽。鴨肉很嫩滑，調味不會太鹹，很滋味。韭菜花也香氣十足，不過豆豉如果可以少些會味道適中些。炸的蟹肉蛋捲，皮有些腐皮的感覺，但讓蛋感覺乾了一些，可能日式蛋捲方式做會讓蛋更嫩滑。甜品二選一選了楊枝甘露豆花丸子，糖水太甜掩蓋了柚子和芒果的水果香氣，加上和豆花也不是很搭，不是很合口味。鴨肉最推薦😋下次希望嘗試其他單點菜式🥰

下午等附近診所覆診時入去食少少野同行人士好肚餓於是叫左個鹽酥豬排，我就叫左個茶餐梅菜扣肉包加多個鮮奶薑汁湯圓豬排又咸又肥，粉同肥膏仲多過肉扣肉包反而唔夠味，真係好奇怪，個包又漿口又痴牙，失敗係個湯圓好味，薑汁鮮奶岩岩好，食落唔會辣喉員工服務唔夠熟，亦唔會理個客，可能茶市，個個都黑口黑面唔使招呼人咁隔離坐左枱阿叔維園開餐咁高談闊論大大聲嘈住人食野都無動於衷，枉呢間野懶高級環境，但以環境質素其實比隔離敏華差不多

首先員工服務一般，我岩岩先食完碗麵，個staff 已經好趕住收餐，仲快過食澳牛。未計食緊嘢果陣，又有個staff無la la走過黎收餐牌，隻手伸係我碗麵上面拎餐牌，唔知佢做咩，好無禮貌。唔講我以為去左茶餐廳食嘢，以平均百幾蚊黎講，味道一般，份量少，真係好唔抵。唔怪之得香港人要離港消費，餐廳價錢貴又唔好食，慳錢食三餸飯好過。

今次去嘅台灣菜館進駐大商場，行中檔次， 裝修有氣派，坐得舒服，適合朋友聚會。 🍚稻埕招牌滷肉飯同小店價相差無幾，以鹹香嘅肉燥攪拌煙韌軟綿嘅飯🍚，加上流心蛋蛋醬傾流而出。 🥘古早味三杯鮮雞 三杯雞甜甜地，夠入味，但係骨唔算少，份量亦比較少。 🍜稻埕牛肉手作麵適合鍾意食清淡啲嘅可以試下， 唔係平時食開台灣牛肉麵嘅濃郁帶鹹湯底。 配料正常發揮，軟腍牛腱肉配上半熟溏心蛋、白蘿蔔同紅蘿蔔。 麵條幼身，帶有少少彈牙咬口感，亦吸收到淡淡嘅湯底。🦀蟹鉗肉酥蛋捲 酥脆嘅蛋捲外皮包住啖啖蟹肉，口感豐有層次，但比較油膩，滲出油脂，好邪惡， 想食嘅建議多啲朋友分享卡路里。🪿鵝不是鴨肉（獅頭鵝）例滷水鵝肉係用上台式白滷水，味道比潮式滷水清新，肉質軟嫩，肥瘦適中，份量唔多，主要靠酸蘿蔔同滷水豆腐片墊高，令賣相吸引啲。 🥬香甜爽囗菜 不過不失，芝麻醬沾上包心生菜，解膩清爽。 🍶桂花胚芽米水 淡淡桂花味，胚芽味較少,整體味道比較淡。