Cova Ristorante & Caffe (利園)

營業中

休息中

本人於網上訂了蛋糕，當日前往位於銅鑼灣既cova 蛋糕店攞蛋糕，黎到時剛好有一位客人都係留左蛋糕，我便排系佢後面等，但係等左陣都無任何員工諗住問我野（當日在場至少三位員工以上）於等期間我留意到男店員眼神望到我，我望返佢諗住佢會示意幫我，因為前面客人一直無行開，我根本同唔到佢地講要攞蛋糕，直到我望住佢望到佢終於點頭示意叫我上前，我出示電話講明我黎攞蛋糕，佢見到我電話顯示qr code ，佢無講任何野只係用佢既手指指住scan qr code位，（請問作為店員既佢唔係應該講句：呢邊scan qr code呀），攞蛋糕出黎開比我睇，我睇完話ok ，佢無反應，因為佢一直左顧右盼，唔知望咩忙咩。佢問我要唔要袋，同我講唔要袋，可以用繩綁住個盒比我，要袋收1蚊，我答佢要袋，佢又無反應，因為佢對眼一直左望右望，根本聽唔到我講野，直到佢終於再問多次，我望住佢再大聲啲講：我要一個袋，佢先聽到。 最後，呢位男店員將已經放咗喺盒入邊嘅蛋糕放入袋，放上枱，其後呢位男店員對眼一直都係繼續望左望右咁同我講咗聲：未食要放落雪櫃，我講左句唔該便離開。同人對話唔係要望住人既咩？請唔好將‘忙’當係借口我知道香港本身無咩服務

Cova Ristorante & Caffe 餐廳，除了蛋糕，甜品等，亦提供午餐、下午茶、晚餐嘅意大利西式餐廳！餐廳裝修設計，環境不錯，高級裝修令整個環境更有氣氛！服務員亦很有禮貌！適逢聖誕節，整件事更加似去了倫敦過一個英式聖誕節是日晚餐一座低第一時間就有一碟餐包頭盤：意式精選頭盤凱撒沙律配海蝦及牛油果精選餐湯主食：香煎三文魚柳配白酒汁外觀見到已經想第一時間食落肚，但是手機食先還是必須的！香煎三文魚柳相信很多地方都可以食到，但配上白酒汁，我還是第一次，想不到原來可以咁 perfect match ！白酒海鮮汁虎蝦意大利飯：來到意大利餐廳，意大利飯係必食之選！好多餐廳嘅意大利飯都煮得唔好食！但呢度係好好味！口感方面，比傳統嘅略為軟少少，但正正就適合了香港人口味，不會太淋和太爛飲品：Cova Signature Chocolate講到「招牌」當然要試下啦！果然無令我失望！濃濃的朱古力，不會苦亦不會太甜，剛剛好！最後作為殿堂級的甜品店，甜品還是必須有的甜品：朱古力心太軟配雪糕藍莓芝士蛋糕絕對是好滿足的一頓晚餐

平日人流唔多，環境清靜舒服，鍾意佢嘅古典英式裝修，優雅又有貴氣。Tea set整體味道OK，不過冇覺得邊款特別突出。Serve我哋嘅waitress殷勤有禮貌，仲主動提岀幫我哋影相。

15年前第一次去Cova覺得自己置身在意大利餐廳被當年的裝修及食物深深吸引，特別喜愛他的antipasti ，都是我喜愛的食物。另外，當年的服務質素非常專業。5年前再去，水準保持質數。今年聖誕日boxing day再去已大不如前了，首先地方變小了，餐牌選擇亦減少，我最喜愛的antipasti已不能像以前從buffet檯自己選擇，只有antipasti platter。而最大問題是人，專業質素的員工不見了，稍有水準的只會圍繞熟客。差不多結尾時我選decaffeinated cappuccino 而朋友叫Mocha,但待應送到時沒有同我們說那一杯是decaffeinated,佢竟然比張order紙我睇，OMG this is Cova唔係茶餐廳！另外，問他們有沒有cake list佢地竟然話只有三款蛋糕。Cova其中最出名係蛋糕點會只得3⃣️款？連Tiramisu 都話無，埋單時我見到雪櫃有Tiramisu，我問點解后先你地話無？部長答Tiramisu 杯要$90，OMG原來佢驚我無錢比！☹️😅Cova不再…Not my cup of tea anymore

COVA係我其中一間好鍾意食嘅cake shop🥰 所以我都揀咗佢做散水餅🍰 今次我就買咗兩打 自己就食左2件✌🏻💛栗子忌廉蛋糕🌰 栗子蓉好幼滑 鮮忌廉夾住軟綿綿既海綿蛋糕 再蓋上香甜的栗子忌廉 味道層次好豐富 唔會太甜太膩👍🏻💛意大利芝士蛋糕Tiramisu 做法唔難 但做得好食就好難 COVA意大利芝士忌廉幼滑 咖啡朱古力味亦好濃郁 好有口感👍🏻🧁另外 同事話fruit tart都好新鮮 好好食 下次可以試下

之前去過 PP Cova High Tea , 今日轉場去利園 ，我地2:30pm 到門口，前面有人想walk in , 但冇訂枱店員通知今日full booking , 可能今日星期六 ， 所以要黎一定要訂位 。 大約3:30pm 全院滿座 。 坐滿人都有d嘈。 如果想靜少少可以簡PP。環境比PP 迫 ，但店員服務都好好 。 Tea Set 整體味道都可以 ， 但打卡效果一般 。

星期五的下午與朋友來一個定期跟進聚會談談未來的發展機遇我們選擇了樽裝飲品(Green tea + Lemon tea)及兩個甜品 ( tiramisu + 栗子🌰蛋糕）簡單、滿足地享受了一個時刻期待她的好消息！

Cova is a very good brand in Italy, just I want to try Hong Kong. We go for tea time but order a la carta, risotto con funghi, carbonara and cova club sandwich.First of all we have to say all the food come faster and cold.Risotto con funghi: no taste and the mushrooms was burned. Rosemary as decoration it was bad taste.Fettucine carbonara: it was dry no taste and cold. Cant believe called carbonara. Missing also the cheese.Cova club sandwich: standard taste average quality of ingredient. It was

席上有個elegant 嘉賓，所以揀咗個elegant d 嘅餐廳，同埋因為疫情最好食唔使share嘅菜式，最後個個一致通過去利園嘅COVA。頭盤可以揀湯或者platters，本來鍾意南瓜湯嘅我一聽到platter 話有cold cut，一於變心。platter一上枱即時覺得冇揀錯，parma ham 配蜜瓜，buffalo cheese 配Cherry tomato，仲有兩片smoke salmon 同toast，淨係食呢碟已經好滿足🥰白蜆西洋菜意大利飯：本來麻麻地risotto ，但係見到係用西洋菜，咁特別所以一於試吓先。又係冇揀錯，西洋菜味道清新，冇蕃茜或者菠菜可能有草青味。白蜆隻隻肉厚又嫩，不過就同risotto 冇乜交流。仲有一個bread basket 同餐飲咖啡，全部水準以上，難怪平日lunch都full house啦👍

意大利高級餐飲品牌 COVA誕生於1817年，保留了意大利米蘭總店的設計元素，同時揉合現代簡約裝潢，格調更見高雅舒適秉承逾190年意大利高級美饌理念，COVA西餅朱古力專門店呈獻品牌馳名的精緻蛋糕，甜點及多款由米蘭直接空運到港的經典朱古力美食簡約優雅的咖啡店，為大家提供忙裏偷閒的空間，又可以輕輕鬆鬆地嘆下咖啡，品嘗美味的甜品，賞心樂事食物方面:COVA SIGNATURE AFTERNOON TEA SET下午菜分為鹹點、甜點及鬆餅黃金寶盒造型賣相非常吸晴，一打開寶盒分成兩層，一層鹹點，一層甜點，打卡拍照一流鹹點包括味道清新蘆筍青瓜小點、酸甜嫩滑紅菜頭醃三文魚、爽彈龍蝦蜜瓜薄脆、撻底鬆脆香濃幼滑鵝肝慕絲撻及油香軟腍迷你和牛三文治，由淡到濃順序食，更加好味甜點包括精緻迷你牛油蛋糕，大大粒藍莓芒果的鮮果撻、咖啡味香濃的迷你意式芝士甜品杯及原味和松露味朱古力，甜點味道有層次英式鬆餅上枱微暖，配上幼滑忌廉及微甜的藍莓醬，各有各味道芒果千層酥配自家製雪糕 : 千層酥勁鬆脆，中間夾著新鮮芒果及幼滑忌廉，再配上雲尼拿雪糕，必試的招牌甜品

今日係21/4/2022， 今日係解封嘅大日子，我已經預備好，準備同媽咪去刷一餐！我哋比預約的時間早到了一個小時，我詢問店員可唔可以早啲入去，佢禮貌地即時安排好我哋嘅座位！我同媽咪都只係想食果個頭盤buffet, 所以我哋冇order 主菜，頭盤buffet 只係$248+10%，仲有嘢飲，其實都好抵食！每當我哋食完一碟，店員都會好禮貌地問我哋需唔需要再Order! 值得一讚係由於今日係我同媽咪的紀念日，我哋多次要求店員幫我哋影相，佢哋都不厭其煩地幫我哋影完一張又一張嘅相，經過今次嘅經驗，我同媽咪會再去呢間COVA 用餐啊！

星期四舊同事請我食生日飯，佢有$400減$100既coupon，於是去Cova食午餐。首先送上餐包，有四款，圓形個個最好食，香甜鬆軟，refill左一次。是日餐湯係蘑菇湯，舊同事話好濃郁。我就要意式精選頭盤，好豐富，有好多唔同既頭盤，可以試晒，好滿足。慢煮三文魚扒，牛油菠菜，配荷蘭醬三文魚揀左七成熟，口感嫩滑，有菠菜同薯蓉，荷蘭醬都唔錯。美國優質安格斯肉眼伴火箭菜番茄沙律本身係西冷，但無供應，得肉眼，叫左七成熟，我試左少少，都幾嫩，唔鞋口。Mango Cream Dome好鬆軟綿滑，芒果唔會酸，甜度適中，一啲都唔膩，好味。飲品我要Marocchino，要skimmed milk，好細杯，苦苦地。舊同事就要Regular Coffee。

A friend gave us a coupon for the afternoon tea set. It was a nice area, quiet place and service was good. Definitely a more posh place.

想試咗Cova嘅早餐好耐，覺得利園分店環境最好，今日終於同閨蜜去咗試。坦白講有啲失望，本來以為咁樣嘅價錢，份量會大少少，點知個lobster sandwich得一半，即係一件，所有餐廳公司三文治都有四件，餐牌寫明一半份量，我expect都有兩件，而且龍蝦真係相當少，咁嘅價錢真係一啲都唔值。另外仲叫咗一份American，賣相OK，但用料味道都超級普通，塊煙肉仲要喊到不得了。咖啡係好飲，但真係太細杯。整體來講，係一間只會去一次打卡嘅餐廳。🙁

我們五人的習慣是午膳後逛街再嘆下午茶。今日去了銅鑼灣利園 cova點了下午茶二人套餐連二杯美式咖啡再加三杯咖啡；分別：一杯莫卡咖啡和二杯cappuccino，而我選了香滑的卡布奇諾。我先吃 scone 塗上 cream很滑很香口，再取了一件小龍蝦三文治薄餅，很脆口龍蝦亦鮮甜。邊吃邊聊天也是享受，坐至五時許便各自回家。