巧得鍋

有說本地餐飲業生意每況愈下，如果唔想將來只得食嘢只得大品牌選擇，真係要一齊多啲撐本地餐廳，尤其是小店！是夜來到觀塘工廈入面的一間餐廳，喺而家「任食橫行」的時候，呢間餐廳竟依然做散叫餐，可見餐廳對自家出品相當有信心，今次一於試佢的雞煲＋打邊爐set先！餐廳的巧得set包咗前菜、一款鍋物、一款肉類拼盤、海鮮及其他配料，以及一款特飲。鍋物除咗有火鍋湯底外，仲有雞煲、烤魚，食完雞煲再加湯打埋邊爐。肉類拼盤有牛、豬兩款選擇，每款設4個部位的肉肉，試下不同口味；海鮮有帆立貝、刀貝、廣島蠔等；其他配料除咗蔬菜盤，仲有餃子、丸類等，除非你想叫多啲配料試味，否則基本上一個set都好飽肚。雞煲辣度揀咗BB辣，雞肉分量、味道都幾好，比較抵讚嘅係，雞煲無乜油花，好清，就算之後加湯再打邊爐，都唔會覺得啲油浮晒面咁。牛肉拼盤有牛頸脊、牛肩胛、牛柳粒等，當中令我比較驚喜的係牛柳粒，係4款牛肉之中牛味最為濃郁，其次就係卷起來的牛頸脊；要注意擺喺底部的牛肩胛，因為肉質無乜油花，所以不宜灼得太長時間，容易變韌。帆立貝、刀貝等海鮮亦見fresh，惟要好掌握到timing，過熟即刻變得好韌。檸檬青蘋果梳打特飲以青蘋果蓉、蝶豆

早排系觀塘發現到－間幾抵食既雞煲👍🏻👍🏻等我開心share 下先🤣我地揀左：🌟招牌二人雞鍋餐🌟 $168入面有：✨招牌雞煲（半隻雞）✨雞煲既秘製醬汁好濃稠，食落麻味十足，辣味鮮香得梨仲帶有點點甜味👍🏻隻味有d深度，唔會剩係得個死辣加上佢既辣度系可以揀既🔥想食幾辣就幾辣🌶️任君選擇，夠哂彈性；由於我同我阿媽都唔係啲好食得辣嘅人，所以我哋揀咗BB辣🌶️🤣雞煲入面d雞嫩滑得梨又多汁，仲－定冇偷工減料（肉肉都幾多下）；加埋基本配料莞茜、洋蔥、尖椒🤣全部煮到入哂味，索哂汁，真係惹味🌶️到不得了，送飯－流👍🏻✨魚湯娃娃菜✨魚湯超級鮮甜，娃娃菜亦煮得夠淋身同入味👍🏻白飯2大碗飲品揀左：✨檸檬青蘋果特飲✨ 跟餐價$10呢杯特飲青蘋果🍏味比較突出，味道酸酸爽爽，醒神開胃✨鮮果特飲✨ 跟餐價$10果味香甜，夠哂甜蜜💕呢個雞鍋又真係巧得👍🏻今餐又係好抵既－餐呢😍除咗雞煲之外，呢度仲有好多特色火鍋湯底；清湯蘿蔔牛腩鍋、滋補花膠燉竹絲雞鍋、海鮮鍋、酸菜魚鍋、邪惡牛雜鍋、招牌烤魚鍋．．睇落都好吸引🤩睇梨下次要再過梨試埋先得🔥巧得鍋📍觀塘成業街15-17號成運工業大廈1樓12-14號舖 港鐵觀塘站 B2出口,步行約2分鐘

巧得鍋 2️⃣次光顧幾年前嚟過一次嗰陣時係揀雞煲再打邊爐都覺得好好食今日再約咗好姐妹一齊嚟食飯今次叫咗酸菜魚鍋及幾樣打邊爐食品今次都係一樣有免費餐前小菜 青藤椒涼拌花膠條 第一次咁樣食花膠覺得好得意而且涼食嘅花膠都口感幾好 金湯酸菜魚鍋亂畫海鱸魚片份量都唔小，魚肉新鮮唔會好易散開仲有酸菜金菇做配料牛肩胛 位置肥瘦均勻好食 廚房攞出嚟嘅時候，盤牛肉唔會冰咗一嚿嚿 手打墨魚滑 彈性架牙好味蓮藕片+時令菜，都係好新鮮食物份量都算多，而上菜時間都快，而餐廳空間闊落坐得舒服，地鐵站出口步行3-4分鐘就到

放假到觀塘工廈尋寶，估唔到衣家藏在工廠大廈內的餐廳多不勝數,午餐來到成運工業大廈的《巧得鍋》，黎個雞煲快餐，由下單到埋單，全程只係用左35分鐘，問你服未😏午餐二人煲套餐，前菜，招牌雞煲，魚湯浸娃娃菜，白飯2碗，極速上台，真係岩晒衣度爭分奪秒既打工仔😉一大煲惹味雞煲，底下開爐加熱，熱辣辣香噴噴，BB辣又易入口，雞件滑嫩，接二連三一件一件放入口，話咁快就成煲清左🤣食完啲咁重口味既野，緊係要嘆番兩杯冰沙Cool down下啦！😎第一次飲 #青藤椒冰沙 ，藤椒我地平時都幾鐘意食，特別把藤椒油放麵食，但飲黎講，我諗真係無乜人夠膽試🙈，但又好想知係咩味囉！😅所以最後都叫左，其實只係奇異果汁，帶點藤椒香，唔係咁可怕者🤣，我還是繼續喝我的 #菠蘿冰沙 😋

我今日去觀塘辦事，順道約同好友去位於觀塘成業街15-17號成運工業大廈一樓112-114室的巧得鍋食午餐，環境舒適，坐得舒服。我點左個巧得午餐2人煲：招牌雞煲（半隻）$178，配魚湯浸娃娃菜＋兩碗白飯。餐飲係鮮果特飲（奇異果蓉、鮮雜果及薄荷葉）$15（跟餐），和菠蘿沙冰$15（跟餐）。熱辣辣的雞煲上檯時，已經香氣四溢，再在爐上煮滾，更加令人食指大動。雞肉嫩滑又好味，配菜豐富；菠蘿沙冰的菠蘿味濃，鮮果特飲好清爽。

好耐冇食過雞煲喇！行完街搵咗附近隱世工廈內這間飯堂，Menu百款食物選擇有客飯、雞煲及火鍋一班人聚著適合不過，而且出品快靚正～仲有自家工場製成品零售🥗每客人先奉上沙津🥒涼拌青瓜$22先來個開胃菜，醃得爽脆醋酸味較重🐔招牌雞煲（半隻）$178 微辣色彩雞煲香氣撲鼻😶‍🌫️～秘製香料吸收雞件內加埋🫑彩椒、香菜等…啖啖肉既雞味道唔會太鹹，極滋味下飯一流！🥬配鮮甜魚湯娃娃菜，奶白濃濃又有營養，仲可以飲埋🌿🌿🌿🌿🌿🍊 柳橙泡茶🍑白桃泡茶手工冷泡果茶，解渴清爽

本身想食佢個招牌雞煲，但琴日食太油膩決定清清地打個邊爐～我地叫咗皮蛋芫茜鍋$78、白膳$108、牛肩胛$128同埋日本廣島蠔$68（都有6隻咁多㗎），好快就上菜～湯底好足料，莞茜同皮蛋呢個組合好清甜～牛肉雖然薄切都有牛味，廣島蠔淥完真係新鮮好食！最令人驚喜嘅係佢地送咗我地涼拌花膠，完全冇收錢，食落膠質滿滿～我地仲試咗佢地嘅熱情果沙冰$35，好解渴～PS佢地同出面一樣，醬油茗茶費要收錢，$18一個人。

今日星期六難得放假，就去左觀塘巧得鍋食雞煲二人餐（$198）雞煲調得好入味，BB辣 岩岩好 好味，份量算大份，連杯野飲都大杯。環境都OK .店舖寬敞，坐位夠多，坐得都舒服。職員服務態度好好，有禮貌，有笑容😊，我果日係星期六上去食，假日人流上菜速度快。整體依間算抵食，雞煲調味出色，份量大，唔洗返大陸都食到平靚正二人雞煲。值得撞介👍🏻推介指數：食物：🌟🌟🌟🌟環境：🌟🌟🌟🌟服務：🌟🌟🌟🌟🌟價錢：🌟🌟🌟🌟

位於工厦雞煲火鍋雞煲好入味趁熱好好食，汁液濃郁加埋配菜好香，令到人食到唔想停口，半隻雞份量都好多，夠哂三個人食，仲要係招牌雞鍋，難怪咁好食食到咁上下加湯就開始淥野，冬菇，冬瓜同皇帝菜都好適合打邊爐食，湯底又入味，推薦食海蝦一隻隻串住放落去淥好快熟，蝦肉好新鮮好易入口，蝦隻每隻都好大隻，日本水飼豬腩片都好鐘意，我都食左唔少，百花釀豆卡其中的餡料好多，蝦肉味道唔錯，又大大粒，魚片頭好香，流心玉米丸里面餡料多又大粒，稻庭鳥冬淥一淥就食得餐前餐後有小食甜品送好貼心，青藤椒涼拌花膠好食，如果你係鐘意小辣既就要試下味道，食完又送荔枝雪米糍，飲品有鮮榨哈蜜瓜汁，好新鮮即飲又大杯，仲有兩杯紙包飲品其實隱藏左係工厦既食肆都唔差，店員都好有禮貌同回應速度十分快，場地都乾淨同位置近地鐵站，幾適合一班朋友聚會

今晚同一位住響東九龍嘅朋友食飯，我就想坐得舒服啲，而佢就想食雞煲，最後我哋就揀咗去觀塘嘅巧得鍋食晚餐。🍗 巧得招牌雞鍋（半隻、小辣） $168個雞鍋超級香，料頭超足，仲有紅椒、黃椒、芫茜、洋蔥等🍲果然真係「巧得👍」雖然係半隻雞，但係肉嘅份量唔算少！等我哋之前仲擔心嗰份量唔夠添🤣🥩 牛肩胛（小碟） $128牛肉新鮮🤤，肉味濃郁！掛曬上去個架度，唔通呢啲就係氣勢😍？擺盤咁靚，打卡一流呀！🐟脆鯇骨腩 $68肉質咬落去好Q彈😍，平時好驚廚師會將啲脆鯇骨腩切得太厚或者太薄，但係呢度就冇呢個問題，個厚度非常完美，所以令到口感變得更加好。絕對係打邊爐首選！九宮格調味料架，令到成餐飯都增加咗唔少質感，加咗唔少分！樣樣都要啲啲，溝埋出嚟嘅豉油就非常好味🤤我哋仲見到水吧嘅師傅不停製作緊沙冰，可惜我哋已經食到太飽，而且仲食咗臨尾送嘅雪米糍，如果唔係都想試下。最後講講環境，餐廳環境舒適，最啱同埋一班嚟朋友聚會，吹下水食個雞煲🥳#巧得鍋 #觀塘美食 #打邊爐好選擇

在芸芸餐廳中想食到又平又好食的雞煲亦不容易，觀塘真係好多好嘢食 ，美食小店大多隱藏於工業大廈，除咗著名美食集中地嘅駱陀漆大廈之外，附近啲工業大廈其實都臥虎藏龍 放假瞓醒已經點幾鐘 ， 突然好想食雞煲 ， 一個人又點食雞煲呢梗係搵埋個朋友一齊去😅諗起觀塘呢間雞煲雞煲非常惹味，朋友仔雖然吾食得spicy,但都好入味， 份量也多，雞件肉質肥美，圓潤有肉地，醬汁的香料味濃郁，未食都聞到好香，蒜蓉娃娃菜好惹味有鑊氣~ 正不得不提，藍草莓冰上面仲有新鮮菠蘿同火龍果

觀塘入面好有驚喜嘅雞煲午餐，座位寬敞坐得舒服，仲有wifi同差電位，服務態度又超好，性價比十分高。上坐低就送上好濃郁嘅玄米茶同沙律🥗。揀左招牌雞煲二人餐 $168招牌雞煲(半隻）辣度揀咗BB辣，整個雞煲花椒八角洋蔥等配料落到足，醬汁味道濃郁惹味，辣辣哋又帶少少麻，雞肉口感夠滑而且入晒味超正，醬汁拎嚟撈飯食一流。蒜蓉娃娃菜大大碟夠晒兩個人食，蒜蓉味道夠香濃，娃娃菜夠新鮮食落夠鮮甜。檸檬青蘋果特飲（跟餐+15）第一杯特飲由青蘋果蓉、檸檬、薄荷葉調製，味道鮮甜帶有檸檬同青蘋果嘅微酸，爽度十足。鮮果特飲（跟餐+15）第二杯就用奇異果蓉、鮮雜果、薄荷葉調製，果味濃郁，仲有粒粒雜果肉，香甜美味。

今日中午想食個簡單的午餐，去咗觀塘巧得鍋食午飯，雖然喺攻下入邊未必咁容易搵到，但入邊又有好多嘢選擇喎！有飯有粉，又有雞煲等等。🥰🥰🥰🥰我哋叫咗一個花膠燉雞湯飯，好清甜嘅雞湯味，又真係見到有好大隻花加喺入邊，連埋湯飯一齊吃，滋潤好味又有營養！👍🏻👍🏻👍🏻另外我哋叫咗一個牛腩飯，牛腩煮出嚟好夠腍，亦夠入味，送飯一流！👍🏻👍🏻👍🏻❤️❤️如果下次有時間，真係好想試吓個雞煲！🥰🥰🥰

前2晚去咗觀塘食烤魚，餐廳位於觀塘工業區，不過唔算好隱蔽，由地鐵站行過嚟都只係5分鐘左右。餐廳環境好大，平日晚上都唔駛等位。兩個人我哋叫咗：🐟招牌烤魚鍋（BB辣）$198湯底即使叫BB辣味道都非常惹味，好適合怕辣人士。而且煲裏面仲有埋芽菜、蓮藕、豆卜、娃娃菜、木耳，配料都幾豐富。🐮掛架安格斯牛頸脊（小）$188擺盤幾特別，份量都唔少兩個人食剛剛好，油花都唔錯！🥬其他配料都有好多選擇，仲可以加幾蚊轉雙拼，咁樣就算人少少，都唔駛擔心樣樣叫一大份食唔晒。我地嗌咗竹笙同埋響鈴，響鈴上枱嘅時候係脆卜卜嘅，浸一下湯好好味。整體服務都唔錯，店員好主動加湯，餐廳嘅小食幾好食，尤其花膠，食落口感好好，滿滿骨膠原😋係一間值得支持的小店👍🏻

🌕青椒滕涼拌花膠 驚喜之作🤩！估你唔到店家奉送嘅前菜會係咁矜貴咁高質！花膠厚度有返咁上下，食落即刻感受到滿滿嘅膠質，睇返Menu正價要$108，呢個質素絕對對得住售價！🌗巧得招牌烤魚鍋 $198魚皮香脆，魚肉嫩滑，烤魚嘅size偏小，適合二人撐枱腳。🌖掛架安格斯牛頸脊 （小）$188牛頸脊有一定厚度，唔會切得太薄，肉質柔嫩，又唔會太油膩。🌖手打芝心三色丸 $118三色丸分別為蝦丸、墨魚丸、黑墨魚丸，每款三粒，粒粒新鮮彈牙，除咗蝦滑/墨魚滑之外，仲食到粒粒蝦肉同墨魚肉，夠晒真材實料；不過芝士部份唔多，建議叫返原味就夠。🌖百花油炸鬼 $58蝦膠釀入油炸鬼中，再油炸上碟，香脆可口；蘸醬呈紅色，以為類似一般炸雲吞嘅酸甜醬，但竟然係配上士多啤梨醬！士多啤梨醬嘅酸甜味，減輕咗油炸鬼嘅油膩感，呢個配搭唔錯唔錯👍🏻～