尋日系旺角《麵賜園》度食左個CP值好高既2人套餐🤩！ 本身個餐包既餐食已經量大又豐富，升級埋幾款菜品，埋單都只係3百幾❣️服務同菜品質素仲要有番咁上下，真心堅抵！ 🌟二人套餐🌟 套餐入面有：👉🏻 ▫️主食選一 我地揀左✨原隻椰青焗海鮮飯跟椰青水一杯✨ + $30 呢個招牌焗飯既白汁好重椰香味，入面又有好多海鮮配料，eg：青口、蝦仁、蟹柳、蜆肉、魷魚．．非常足料！ 下面d飯仲要系有好多蛋碎既炒飯底，真係香到不得了👍🏻 ▫️小食可選兩項 ✨酸辣無骨鳳爪✨ 爽口Q彈嘅無骨鳳爪同酸酸辣辣又唔會好辣既酸汁真係絕配，食左真係醒神又開胃✌🏻 ✨越式松子豬肉碎生菜包小辣 ✨+ $20 香辣惹味既豬肉碎肥瘦適中，炒得夠乾爽。只係比平時食開泰式個種豬肉碎生菜包稍微辣左少少，但個辣度都係可以接受既。加埋香氣獨特既松子做配料，食落更加滋味！ ▫️小菜可選一項 ✨馳名越式海南雞半隻✨+ $10 呢隻海南雞皮薄肉滑仲好香雞味，正！ 飲品： ✨鮮椰青✨ + $20 呢個椰青超級清甜之餘椰肉仲好多🫶 ✨日出✨🌅 呢杯特飲由紅糖水、橙汁、菠蘿汁、梳打同青檸制成 味道酸酸甜甜，令人醒神！ 🟥麵賜園 📍旺角通菜街36號地舖 港鐵旺角站E2出口,步行約2分鐘

今晚同朋友去左間由韓國人主理既韓國餐館度邊食邊吹水，食得好盡興🫶 我地食左：👉🏻 ✨韓式前菜✨ 坐低冇耐，好nice既店員就即刻放左d每枱都有既前菜系枱面；佢地分別系蜜汁黑豆、炒芽菜同泡菜。 呢度既泡菜酸中帶甜又有d辣，真係超級開胃。 ✨炒年糕鍋✨ 呢個年糕鍋既其實同部隊鍋有啲似，都係湯頭甜甜辣辣但又唔會太辣，醒神惹味，食完之後成個人都暖笠笠🤩 入面配料有5件本身唔係好濃味、外皮脆脆地既炸紫菜粉絲卷，質感又脆又爽又掛汁，感覺特別又好食😋 仲有5隻皮薄餡靚既菜肉粉絲煎餃子、韓國年糕、魚板、雞蛋、雜菜同拉麵，材料豐富，份量唔少，2、3個人share都很可以。今次我哋兩個人都差啲食唔晒🤣 雖然今次唔係食咗好多嘢，但係覺得質素唔錯！下次要叫多幾個朋友過嚟再試埋其他餸先得❣️ 🟥K-Palace 📍紅磡民泰街41-47號黄埔新邨安榮樓地下D號舖 港鐵黃埔站A出口,步行約3分鐘

可能呢排天氣時冷時熱嘅關係，小妹一個唔小心又病左🥲唔係成日喉嚨痛，就係係咁咳。 好彩早排屋企人系品質良《好》、價格相《宜》既🌟好宜棧🌟度買左好多平、靚、正既黃金羅漢果同黃金羅漢果系列嘅產品俾我潤吓喉同肺😘 等我簡單介紹吓先：👉🏻 ✨黃金羅漢果✨ 黃金羅漢果味道清甜帶回甘，使用低溫真空脫水，功效顯著。容易入口，唔會有苦澀既中藥味。 羅漢果的甜是來自羅漢果甜甙，跟庶糖／糖不一樣，不會產生熱量，連糖尿病患者也適合使用，可以作為甜味替代品👍🏻 而且原果營養維生素都被傳統羅漢高， 98%保留原果營養，100gram的黃金羅漢果就有487mg維生素，一般羅漢果只有25mg，營養更加豐富！ ✨黃金羅漢果天然糖✨ 其實用法同普通白糖一樣，適用於：高溫烘焙、冷熱飲品、各款甜品、醃肉，關注血糖既人士 ♦️1:1比例 0糖分、卡路里、脂肪、升糖指數 用嚟取代傳統白糖去製作甜品／食品或者沖製飲品，感覺更加健康呢！ ✨黃金羅漢果茶包✨ 呢款銷量No.1既熱賣產品內有獨立包裝16小包、4款口味既茶包，功效同口味都好全面，小妹最愛老姜口味，飲完成個人都暖唒👍🏻 ▫️黃金羅漢果配香茅 x 4包 淡淡的清新檸檬香味，十分清爽！ 功效：排毒清熱、健胃消脂 ▫️黃金羅漢果配胎菊 x 4包 淡淡菊花的清香，清新怡人！ 功效：清熱毒、平肝明目 ▫️黃金羅漢果配桂花 x 4包 淡淡優雅桂花香味，清香雅微！ 功效：消炎、化痰止咳 ▫️黃金羅漢果配老薑 x 4包 有祛濕、調理女性身體機能既功效，亦可作代糖使用去配合自己喜歡的花茶、茶葉、檸檬、咖啡等等..... 🔸只需用500毫升開水浸泡15分鐘，即可飲用，夠哂方便！ ✨15年新會陳皮✨ 有理氣健脾、調中、燥濕、化痰等功效，配合黃金羅漢果焗水效果更佳！ 🟥Tasty Choice 好宜棧 🕑營業時間：12:00-20:00 ☎️WhatsApp :5495 0895下單 買滿$300仲可享免運費優惠！ 📍九龍觀塘開源道56號大眾工業大廈2樓03室 #香港探店 #香港美食 #好宜棧 #香港手信 #香港伴手禮 #觀塘美食 #香港製造 #養生食品 #黃金羅漢果 #羅漢果茶 #OL必備

朋友突然好想食放題，所以我哋行完商場之後就落咗樓下《大喜屋》食飯。 近住門口既自助區有海鮮冷盤、沙律；小食區更有多款蔬菜、水果🍉同熱食🔥⋯⋯令人意想不到嘅係竟然連中式點心都有，eg:燒賣、牛肉球、鮮竹卷…就咁睇到都已經覺得好豐富！ 飲品選擇唔少，入面個冷凍飲品櫃好大個，各種汽水🥤、珍珠奶茶🧋、自家製冷泡茶．．都有，茶類飲品會比較多，就連涷／熱清酒、梅酒都有添👍🏻熱飲亦都包括咖啡、茶飲等等！ 除咗自助吧，仲有好多款既壽司🍣刺身🐟串燒🍢炸物🍤同創作料理……等可以落單🥰 以下系我精選出梨值得一再encore既必食推介：👉🏻 🍞肥美香口嘅鵝肝厚多士🪿 🫐同蘋果片超夾嘅法式紅酒藍莓鵝肝🪿 🦪脹卜卜又多汁嘅川燒珍寶鮮蠔燒🦪 🐟鮮滑少骨嘅比目魚西京燒🐟 🦆啖啖肉好香口嘅脆皮燒乳鴿🦆 🐟骨膠原滿滿嘅吉品花膠盛宴🐟 🐑美容養顏嘅香草燒羊鞍🌿 🍴令我食指大動、可以無限追加嘅嘅榴連肉🍴 仲有肥美鮮甜嘅各款刺身：三文魚、北寄貝、拖羅、帶子、劍魚腩…令我哋食到停唔到口🫣 食到最後，當然唔少得食埋甜品同雪糕啦🍨甜品櫃都有幾多唔同款式嘅甜品🍧雪糕🍦更有多種口味，啱晒我哋呢啲選擇困難症🤭 可惜個胃空間有限，好似仲有好多好嘢未食到，唯有下次過梨再試埋佢😜 🟥大喜屋 📍沙田沙田正街21-27號沙田廣場1樓33-35, 44-46號舖

同朋友行完朗豪坊之後就上咗頂樓搵左間天幕酒吧飲酒食嘢傾心事，順便relax下❤️ 我地嘆左：👉🏻 ✨蜜糖檸檬雞翼✨ 呢碟雞翼應該係我食過最好食嘅蜜糖檸檬雞翼😍 熱辣辣嘅脆皮雞翼炸皮唔厚，肉滑多汁蜜味重，冇乜油膩感之餘仲帶有好清爽既檸檬香❣️ 伴碟仲另上左個酸爽帶辣，味道比較刺激既黑胡椒梅子醬，蘸上再食感覺會更加有風味😋 ✨波本威士忌醃生牛胸薄片✨ 帶有陣陣煙燻香氣同酒香味既醃生牛胸薄片肉質幼嫩充滿彈性，牛味濃郁帶甘甜，仲要完全0血腥味，高質🫶 ✨煙燻番茄辣肉腸汁炒青口500g✨ 呢碟青口味道鮮美又大碟，份量好足！ 用嚟炒青口既醬汁融合左番茄既甜香同辣肉腸個個隻好有特色、引人注目既辣味；入口香辣惹味，令人精神為之一振 ，攞嚟送酒真係好鬼正😬 ✨MOON WALKER✨ 含有新鮮橘子、琴酒、甜橙利口酒同埋檸檬汁 杯酒放系太空人造型底座上面真系可愛又吸晴👁️，就連嚿冰都整到成個月球咁，細節好到位，夠哂貼合主題🫶。 柑橘味主調，口味清新又怡人！ ✨SKULLY ON FIRE✨ 用木瓜泥、百香果糖漿、糖醋，百加得151 蘭姆酒同拉格啤酒制成 上枱個下店員會直接喺杯野上面點火🔥，視覺效果好正，睇到我哋嘩一聲😍，岩哂打卡👍🏻 甘甜醇香既蘭姆酒加入左酸酸甜甜甜既百香果糖漿同清甜嘅木瓜，唔使去度假，熱帶風情既感覺一下子就有喇🥰 ✨Let Me Out✨ 入面含有花生、奶油、白蘭地、煉乳、檸檬糖漿同牛奶 頭啖入口會感受到滑順濃郁既花生醬香同奶味，跟手白蘭地濃烈嘅酒香會再慢慢咁滲透出梨，由濃到烈，小妹感覺好新奇❣️ ✨WHITE HAT✨ 成份有奇異果汁、黃瓜糖漿、檸檬汁、蘋果汁同蛋白泡 味道酸酸甜甜，果香味比洒味更加突出；解膩－流，易入口到不得了🫶 總括嚟講，呢度d嘢食同嘢飲嘅質素真心好高，環境又正，今晚果然無揀錯地點呢🥰 🟦Tonic 📍旺角亞皆老街8號朗豪坊13樓07號舖 港鐵旺角站C3出口,港鐵旺角站E1出口／港鐵旺角東站B出口

早兩日同朋友聚會去左間環境氛圍都好正，幾有feel既樓上日式居酒屋🏮 我地食左：👉🏻 ✨前菜 ✨ $20 是日前菜系炒牛舌，牛舌切得夠細粒，細細粒真係好易食😋 ✨鹽板和牛燒✨$138 將肥瘦均勻、牛味香濃、接近入口即溶既和牛扒直接放上鹽版上面煎熟，滿滿鹽香，感覺特別好食😋 ✨一夜干✨ $68 肥厚滑嫩又大條 ✨柚子胡椒手羽先✨ $58 雞翼燒到皮脆肉滑，頭啖有些微辛辣感既胡椒味會比較突出，後段再慢慢滲透出陣陣既柚子清香，感覺唔錯👍🏻 ✨南蠻鮭魚翅✨ $68 用左糖醋魚嘅做法整成既三文魚翅，皮層琥珀油亮，入口酸酸甜甜，甜而不膩，頗為開胃🤤 ✨魚湯烏冬✨ $58 呢個魚湯係店家精心熬製而成，奶白鮮甜，魚味好濃，同煙韌彈牙既烏冬味道好夾👍🏻 ✨雞皮✨ $38 雞皮燒到好夠脆，好似食緊超濃雞味嘅薯片咁👍🏻 ✨燒五花腩✨ $58 五花腩肥瘦適中，充滿油香 ✨蘆筍✨ $38 蘆筍質感又嫩又爽又脆，值得encore ! ✨沙甸魚干✨ $58 沙甸魚干簿薄脆脆、濃香又唔腥，送酒－流！ 🏮祝ご居酒屋 📍旺角彌敦道575號Ladder Dundas 5樓 港鐵油麻地站 A1 出口,步行約3分鐘

前排系佐敦食過呢間🌟蝦蝦燒🌟之後，小妹－直對佢念念不忙，所以聽到佢荃灣分店可以無限時任食，梗係要過去會下佢喇😉 今晚主角－✨生猛大頭蝦✨ 枱面隔離有個好大嘅水缸養住左好多好生猛嘅大頭蝦，唔使行出行入真係勁方便，想食幾多可以夾幾多，想唔新鮮都好難🤩 新鮮大頭蝦隻隻都肉質爽滑又大隻，蝦膏多到爆出梨咁濟，唔食多幾隻都對唔住自己👊🏻 加上店員refill得超快手，水缸長期處於常滿嘅狀態，唔使驚食食吓會冇晒蝦👍🏻👍🏻👍🏻值得大讚👍🏻👍🏻 Btw，生猛大頭蝦逃走速度超級快，反應慢啲都捉唔住😛成功夾到手真係超有成功感🤟🏻（到手之後記得放落冰水度雪暈佢先至好燒丫，唔係佢會生蝦咁跳㗎😆） ✨海鮮自助區✨ 冰枱上面放滿左超多海鮮，有鮑魚、生蠔、唔同品種既原條魚、魷魚、扇貝、帶子同蜆類．．．大路野都接近有齊哂，種類好豐富，啱晒我呢d海鮮愛好者😍 ✨串燒自助區✨ 又係勁多野揀，等我簡單講下先😆 ◽️豬 有豬頸肉、豬仔脾、叉燒粒、排骨、豬扒、豬腩肉．．最估唔到連豬大腸都有🫶 燒到脆卜卜既豬大腸真係唔食唔得😁 ◽️牛 有牛扒、牛肉粒、牛仔骨、金菇肥牛卷 ◽️羊 有羊肉串同羊架，肥瘦適中唔太羶 ◽️雞 包括左唔同口味嘅雞中翼、雞軟骨、雞皮、雞扒同雞肉串．． 除咗肉類之外，其他香腸類、什丸類、香菇同蔬菜類既款式又係超齊全，每款淺嚐－兩串都夠你飽到上心口🤣 小妹仲要實測過有好多款都好值得－再encore!真係要留定肚先好過梨食🤪 ✨雪糕、飲品區✨ 飲品區既多款飲品全部都可以無限𣈱飲，邊食邊飲－定唔會dry❣️ 飲飽食醉仲可以用埋第二個胃去食埋唔同口味既雪糕同甜品，幫今餐做番個完美既收尾🤘🏻 🦐蝦蝦燒 📍荃灣眾安街55號大鴻輝（荃灣）中心11樓 港鐵荃灣站 B1出口

早幾日同朋友喺觀塘發現咗間性價比超高嘅法國餐廳，入面個有齊精選餐湯、沙律、主菜同餐茶既Lunch set都只係百零蚊就食到❣️ 每逢晏晝13:30pm- 17:00pm時段仲有埋休閒午市優惠八五折添，呢個質素呢個價，真心超抵！ 我地食左：👉🏻 ✨龍蝦濃湯✨ 呢碗龍蝦濃湯既龍蝦味超重，creamy質感，夠晒濃郁❣️ ✨芝士龍蝦配車厘茄蟹肉濃蝦汁意粉✨ $168 爽滑彈牙超鮮甜既芝士龍蝦夠晒大隻，同埋掛滿晒蟹肉同濃蝦汁既意粉－齊食，鮮味即時double up，正到不得了👍🏻 另外仲散叫左✨至營健康✨🥗$68 入面有新鮮雜菜、田園沙律配意大利油醋汁，仲可選配新鮮／蒸三文魚、吞拿魚、海蝦、或慢煮雞胸，我揀左新鮮三文魚。 三文魚新鮮得梨份量超級多，仲有埋好多牛油果、三色藜麥、無花果同果仁做陪襯，卡路里唔高，層次感豐富，好食又健康，真係啱晒我同注重健康嘅都市人❣️ 🟥Le Monde 📍觀塘巧明街94-96號鴻圖中心9樓A室 港鐵牛頭角站B6出口,步行約5分鐘

早排同朋友搭完昂坪纜車🚡 睇靚景之後就系附近既東薈城入面搵到間好正既中餐廳🤭 我地叫左個超豐富既晚市二人套餐，入面包含左：👉🏻 ✨前菜三小品✨ 佢地系冰梅淮山、陳醋小雲耳萵筍同冰爽水魷魚🦑；款款都清涼爽口，其中陳醋小雲耳青筍就最啱我心水💕酸酸微微咁，極開胃👍🏻 ✨雪影金粟魚肚羹2位✨ 呢碗魚肚羮質感濃稠，用料十足，每－啖都食到好多湯料；味道清中帶甜，幾啱夏天飲！ ✨生浸上湯菜膽走地雞✨（半隻） 呢碟走地雞份量好足，好大碟！雞肉嫩滑無比，肉質緊緻又多汁！雞皮Q彈重膠質，食埋都唔會覺得好油膩✌🏻 ✨私房鮑魚蝦乾小炒皇✨ 菜品配料有蝦乾、銀魚、鮑魚、蝦仁同韭菜花 韭菜花爽脆得梨帶清甜，鮑魚同蝦乾炒到恰到好處，爽口易咬唔硬身❤️整體都炒到好乾爽，完全0油膩感，咸香鮮味真係超好送飯🫰🏻 ✨拔絲爆珠咕嚕極黑豚肉✨ 酸酸甜甜嘅咕嚕汁全方位無死角咁沾滿哂每－嚿炸到外皮酥脆、肉超香嘅極黑豚肉上面，夠哂均勻；再加埋碟邊個d勁爆汁既蜜桃爆珠🍑一齊入口，真係特別新奇又好食，小妹勁鍾意呢個配搭👍🏻👍🏻 ✨魚蝦蟹窩燒金磚豆腐✨ 煙韌嘅魚肚+索晒芡汁嘅蟹柳🦀+彈牙爽口嘅蝦仁🦐再加埋外面微脆內軟嘅金磚豆腐同香濃芡汁，呢個完美組合真係令我忍唔住一嚿接一嚿咁食唔停口🤣 ✨六小館燴飯✨ 燴飯主要配料有羊肚菌,流浮山蠔同滴漏雞油 燴飯粒粒分明，唔太乾身，略帶濕潤感！味道鮮美，菇菌味特出，小妹同朋友食到勁飽都忍唔住將佢清埋碟😋 ✨廚師節日甜品✨ 是日甜品係清甜可口、軟糯彈牙嘅桂花糕，咬落去個下即時會feel到超濃重既桂花香，超正👍🏻 🟥六小館 📍東涌達東路20號東薈城名店倉6樓601號舖

之前已經聽朋友講話大角咀有間東北菜館入面既北京填鴨好好食，晚晚都有好多人排隊同預約；咁鍾意食填鴨嘅我又點可以錯過，梗係要過去試吓喇🤣 我地食左：👉🏻 ✨北京填鴨（半隻）✨ $168 店內招牌之一既北京填鴨當然係唔少得❣️我哋只系叫左半隻，已經好夠飽；鴨肉肥瘦均勻，鴨皮燒到脆卜卜！每塊都有皮有肉，仲片得幾薄添👍🏻 餑餑皮較薄身，放上青瓜🥒大蔥連沾上醬料嘅鴨肉包埋，一啖咬落去，超有層次感，仲唔會覺得好油膩，的確系幾正😋 ✨京燒羊肉✨ $138 孜然粉同羊肉一向都係Perfect match。羊肉🐑好夠腍，唔臊唔嚡啱啱好，惹味之餘又香口🤞🏻 ✨高力豆沙✨ $13/1個 高力豆沙係我妹幾鍾意嘅甜品之－❤️呢度嘅高力豆沙大大嚿，入面d豆沙又夠多，沾上糖粉，質感鬆軟又唔會太甜，正😋 ✨拔絲蘋果✨ $78 上枱嘅時候店員就提醒我哋要將d拔絲蘋果放入涷水「過冷河」，過程幾好玩😆 過完冷河之後，包裹住蘋果既糖漿即時變到脆脆哋，食落外脆內軟，口感都幾得意😎既有糖嘅甜味又有蘋果嘅微酸，超好味😋 餐廳食物幾高質⭐️價錢亦唔貴😍餸菜仲大大碟添，係多人聚餐嘅好地方👏🏻