Fine Pasta Restaurant (已結業)

辛苦一星期，星期五要食餐好。由旺角行去間餐廳，差唔多要十五分鐘，星期五加上香港夏天甘嘅天氣行都幾辛苦，油麻地站會近啲。由於book左，所以俾左張四人枱我地，但整體餐廳格局較迫，同埋有啲嘈。叫左個二人餐，吾洗諗甘多xd個賣相幾得！個讚係俾個包，非常香蒜蓉味! 個湯酸左少少。之後兩者都屬ok。個汁非常濃，芝士味好重，少少over, 好快覺得膩。個豬仔骨吾夠juicy, 食多幾件有啲悶。個薯條就ok嘅。個餐都幾豐富，仲有餐飲同甜品。個甜品一啲都唔hea，幾香牛奶味，有驚喜!! 

上次食完 一路諗住要再黎過。有人提起，就即刻應承啦。lunch set 同上次唔同，唯一一樣既係pesto意粉。雖然好好食，但都係試下其他。沙律健康D，但為左蒜蓉包叫左湯。蒜蓉包真係好好食，烘得好熱好脆，好厚既一層牛油，加埋蒜蓉，既香又可口。 薯仔湯相對失色，冇乜味，薯仔味好淡。洋蔥豬扒配意粉，洋蔥汁唔錯，意粉一如以往做到al dente，撈埋幾好食。可惜豬扒好嚡好硬，切得好辛苦，咬得更辛苦。雖然豬扒麻麻，但始終都覺得fine pasta係食lunch既不錯之選，又平又唔錯。

We had a big rack of baby back ribs, fries, cheese toast, a steak, mashed potatoes, minestrone soup and roasted vegetables, plus one foreign beer for about $450.  Thribs and steak were a goodsized portion for the price, and the steak was cooked to order (medium).  The steak was a better cut than I have had at that price range elsewhere.  The mashed potatoes were too thin for my liking and I would have liked more than three slices of roasted vegetables, but overall it was a good value meal.  The

去完台灣，幫朋友買完嘢要俾佢，所以約出嚟食飯，朋友話想食意粉，而呢間之前食過好味，所以最後揀咗食呢間~~一向都好鐘意佢個南瓜湯，真係好味~~南瓜湯，香濃~~龍蝦汁海鮮意粉，少少唔夠味~~

女人街兩旁食肆林立, 平平地幾廿蚊就可以食到個lunch, 親民既價錢。上次觸左礁, 今次黎到Fine Pasta又會點呢?叫左個lunch set, spaghetti pesto with baby squid。有雜菜沙律/湯+garlic bread。天氣咁凍，叫個湯暖下。賣相幾精緻，烘得暖笠笠既蒜蓉包，放喺杯上面。蒜蓉包烘得香脆，塗滿牛油，一陣蒜香，重有少少香草點綴。蓄茄湯好濃，略酸，個人幾鍾意，感覺幾natural幾fresh。意粉al dente, 唔錯喎。pesto sauce淡左少少, 有淡淡既香草味, 芝士味同蒜味,橄欖油份量適中, 意粉濕潤但唔會過油。墨魚仔就麻麻，煮過頭，有點硬。Fettuccine with cream sauce都唔錯, creamy同幾澴芝士味, 比pesto好食。個餐$58 包埋野飲 (雖然熱檸茶好差, 好苦, 而且兩片檸檬好薄), 咁既價錢食到咁既質素, 都算幾抵。

以前冇寫食評既習慣，但係眼見openrice而家D食評同笑臉越來越有商確性，所以想真心寫D食評出黎比有心揾食既人參考下。（可能會比人delete, 已cap圖做record了 )講番正題：今日同女朋友冇book位就弓左入去（上次行過冇book話full左，心諗咁堅？下次一定要試）入到去超逼超嘈，令你享受食物既心情大打折扣，心想如果食物質數好，還能彌補少少。我見散叫餐牌冇risotto，但個dinner set有就試下。因為risotto往往係一個主要指標，尤其係主打提供pasta的餐廳。我女朋友就試左散叫menu入面個白酒汁大蜆扁意粉加$20轉餐有包有湯有餐茶。好普通，略嫌多了醋。茄醬開的湯，味道不用講吧；反而蒜蓉包微暖，味道還不錯。（睇我影相既方式，好明顯我本來係無心寫野的）個risotto係意大利米，不過冇汁同米配合既感覺，個汁偏水所以冇漿力黏實飯粒，根本將倆樣野分開左，而飯粒偏爛，冇咬口，味道很普通；值得一提是辣肉腸切粒後，加埋應該唔夠一片，蝦係用上俗稱「塑膠蝦」的雪藏蝦，雖不是最膠的那款，但無味絕對係常識。個意粉味道同煮法絕對冇問題，沙白數量足夠，不過唔甜，蜆肉唔肥。呢個意粉

從未食過如此難吃的意粉。餐廳裝潢絕對有問題。牆身的黑色玻璃布滿灰塵；頭頂是LED'射燈'，顏色偏綠，樓底不高但用了高光量的燈，令人感覺刺眼不舒服。叫了一個卡邦尼扁意大利粉，黑松露野菌寬條麵，跟餐要了一個南瓜湯，另一個意粉也跟餐另加$20轉了餐湯做龍蝦湯，還有叫了一個炸磨菇。餐湯（南瓜湯） - 味道尤如南瓜水，而且很'希'，比在超巿購買的即沖慘品也不如餐湯（龍蝦湯）- 一飲落去就知道絕對是用了蝦頭蝦殻整既'蝦殻水'，味道如何自行想像吧炸磨菇- 賣相黑黑油油，油溫不夠，再加上油用耐了- 味道很鹹卡邦尼扁意大利粉- 無端端在意粉上淋了兩條油，在煮好意粉後忘了加上油撈好，加了汁才發現嗎？- 味道偏淡，奶味也佔了很大的比重黑松露野菌寬條麵- 完全沒有黑松露的獨特香味- 強烈奶味，完全蓋過其他味道- 偏淡，要自行加鹽才勉強'啃'得落口最後叫二兩杯熱檸水做餐飲，竟然其中一杯個面係會有大量油浮係到。完全失望！

約左同事放工出mk買衫出到mk已經8:30 pm真係好肚餓,,,,,,上openrice選左Fine Pasta去到門口, 有幾張吉台, 好彩唔洗等位~~~環境其實都幾細, 兩個樓面, 一個水吧一坐低就送上餐牌同水同同事睇左好耐, 最後選擇了set dinner for 2個蒜蓉包真係無得頂 夠熱,又夠脆!!! 好濃的蒜香~~~~  (係多油左d)個湯我都食唔出係咩味 , 又唔夠濃, 又唔夠"傑".....飲左一半就放棄   (但份量我覺得係岩岩好)生菜新鮮 , 面包粒脆, 有極碎的煙肉 個人覺得芝士唔夠多,,,就係差個少少....另一個小食係炸雞翼 (有4隻 , 但我忘記了影相,因為我無份食~)同事食左幾啖, 發覺重有血水要求換過碟新女侍應: 咁我地靜係炸返一隻比你我同同事"O" 咀左一秒.....女侍應即回應: 其他個3隻我地再幫你返炸過左5 mins左右個炸雞翼出返黎 , 今次係全熟了不過同事話: 唔夠味宜家傢私d炸雞翼重好味過佢.....海鮮有蝦 , 墨魚 , 青口, 感覺係冰鮮的.....不過蝦同青口都算大隻 , 而且蝦肉都幾爽口彈牙意大利粉無墨汁味 , 不過軟硬程度就煮得岩

這天和表妹於旺角見面吃飯，因為很想吃意大利粉的關係，便在OPENRICE上搜尋。本人不喜歡和朋友單獨見面時也吃連鎖式店鋪，總會想發掘些新食物。印象中旺角沒什意大利粉的店，在OPENRICE搜尋上見到這間食評很不錯，於是便去試試。時間是7:30，入內餐廳沒有坐滿。因為我們沒有訂位的關係，店員說是9:00離開，我說沒問題便坐下。看見餐牌，我點了卡邦尼意粉，表妹點了個海鮮墨汁意大利粉，大家也轉套餐加了餐湯及飲品。(不記得加多少錢，好像是$30?)先來一客南瓜湯，上檯的模樣就是蒜蓉包放在湯上。湯很甜，但好像甜得來蓋過了南瓜味，但味道不錯的。配上很多蒜蓉的蒜蓉包~ 美味!之後來了卡邦尼意粉，比我想像中多油，如果油再少一些會較好，因為碟底都看見那堆油了~ 汁很creamy很好吃~ 吃卡邦尼就是吃這種忌廉汁充滿每條意粉吧~ 所以不要吃太久，攤耐了就"杰"了~ 而意粉軟硬度適中，我喜歡有些咬口的。再來的海鮮墨汁意大利粉。沒什麼墨汁味，有些地方的墨汁多就變得咸，有些只用其色而沒有其味。不過這個海鮮有蝦、有墨魚、有青口。海鮮都多的，而且也大隻。蝦球爽甜，很不錯! 而茄汁帶有甜味，很好吃!因為吃了2個意粉已

今日同男朋友來這裡慶祝生日,初初睇餐牌覺得有D貴, 但食落真的好足料, 我們叫了一個2人餐, 另追加多一次個蒜蓉包($20)凍咖啡D cream多左少少, 不過好香, 唔會好甜卡邦尼意粉好多汁, 我鍾意佢濕濕地, 好過乾到d意粉粘著晒個海鮮意粉真的要大讚, d蝦好爽, 好大隻Tiramisu好滑真的好好味, 見隔離多數叫扒, 個樣好靚, 下次一定會再來試下^^

女人街食肆林立，但每間既空間都非常細小。今次用tablemap訂位，試一試Fine Pasta水準。   一餐稱心滿意既晚餐除左食物質素外，餐廳既環境同氣氛都好影響。意料之內環境一如女人街其他食肆，迫迫迫@@ 二人座位連袋都無位放，同格離2人枱只係微微拉開，相距3cm，真係格離講咩我都聽到曬。如果一家大細親子甘黎，小朋友活動空間真係未必夠，建議3，4個朋友一齊黎就好過兩個人，因為有啲靠牆既4人位，獨立唔洗同人迫。除左個環境有待改善，其實啲食物絕對係水準之作。 本身想食羊架，但無貨，所以叫左$398既2人餐，用tablemap訂位呢個餐有8折。 頭盤既 炸蘑菇外表一般，用似麵包槺黎炸，但咬落去就出乎意料之外，出面既麵包槺炸得乾身，但咬入口竟然多汁到漏，非常juicy!好香蘑菇味呢！同碟既炸洋蔥圈就比較失色，皮炸得較硬，無咩洋蔥味。而凱撒沙律亦普通之作。 每人一杯蕃茄湯同一件蒜蓉包。呢個係誠意之作！！讚！個包係用心塗左啲蒜蓉牛油上去一齊焗，焗到個蒜蓉面金黃香脆，浸落個蕃茄湯番林黎食，味道一流！食曬個包，齋飲個蕃茄湯，就發現個湯有啲偏酸，但湯身好杰，似一杯茄蓉湯！雖然齋飲酸左啲，但配落美味既

從openrice睇到食評不錯,所以同朋友一試。蒜蓉飽的蒜蓉好香~但係個包有d軟~食起上黎有d麻煩~南瓜湯都好甜~好味~虎蝦起好殼就好方便食加上廚師外加蒜蓉,令到味道更加香~可惜,蝦唔夠爽口~蕃茄寬麵就整得好好味~麵的軟硬剛剛好~不得不提,意粉碟都係熱的~雖然好細微,但廚師都照顧到~加分~有多個好地方~值得一食~單上連每人平均消費都有~細心~

某天晚上跟朋友跑到旺角的女人街吃晚飯。說實在，該地帶的衛生程度時常備受質疑，小妹已有幾年消失於此地域，適逢朋友興之所致，好吧！前進！Fine Pasta的座位不多，甫進去已見兩張四人檯已被預訂，小妹心想不可能吧，真的那麼好吃？有時候小心思就是見真功夫的時候。首先他們提供的開水不是tap water，飲啖睇menu也舒服點。我們點了dinner set，淡淡的雜草湯配上鋪滿牛油的蒜蓉飽，這是fine dining才會用心焗的頭盤，讚！前菜是烤雞肉沙律，烤得很香又很滑！最近不能吃海鮮和牛肉，於是小妹點了烤雞長通粉，味道果然一流，不像是一般餐廳的出品，而朋友點的大蝦Risotto也很美味，令人覺得很滿足！

不逛不知，旺角的女人街愈來愈多優質的西餐廳，這天在無所事事地隨便逛時，獨個兒闖進Fine Pasta這間小店,侍應非常友善，為我介紹了當日的精選：豬仔骨配雞扒。但我可沒有勇氣接受這食肉獸般的挑戰-.-還是選了個菠菜汁雞肉長通粉，菠菜汁的味道很好，而且濃淡度適中可沾在長通粉上。隨午餐的蒜蓉包新鮮焗起很脆，配湯一流。很喜歡那隻漂亮的咖啡杯，而且餐廳中的女侍應是極級好服務，又有禮貌又好笑容，這兩項優點在云云的旺角餐廳中簡直是奢侈品！（沒有誇張-__-）其實餐廳整體感覺都很有Heart ！我到訪當日餐廳很靜，所以是頗適合兩三位朋友閒聊和坐坐的，而且侍應態度好，坐得特別舒服！

本身已經唔係第一次同女朋友黎呢度食,為左特別讚一讚呢間野的意粉, 就寫一寫食評啦~首先係我同我女朋友各一客蕃茄湯,蕃茄味都幾濃, 用黎開胃o岩哂. 然後前菜方面, 就有一客肉丸同埋沙律.沙律食起上黎, 幾清新, 隻蝦又甜.(可能係我唔算係沙律愛好者,所以比較少研究, 意見有限, 請體諒 )而肉丸食落就似加左Pesto醬,香草, 芝士同埋蕃茄蒜醬, 夠滋味.(不過呢一客肉丸, 以小食黎講, 感覺上都會有少少膩)而主菜方面,我就叫左龍蝦汁海鮮意粉,我女朋友叫左香草蕃茄羊肉寛扁麵.龍蝦汁海鮮意粉吃上來, 感覺像是龍蝦湯被吸收到意粉入面一樣,海鮮配料方面, 都係冇腥味, 鮮甜度唔錯總括係, 唔膩, 也同時感受到龍蝦湯同海鮮的味道香草蕃茄羊肉寛扁麵,相比另一客的意粉, 呢一款明顯比較油膩一點,不過蕃茄同埋蔬菜的清新, 會暫時的把這種膩的感覺掩蓋了.吃起上黎, 就像一個Irish Stew的濃縮, 加了蕃茄的濃味製成的意粉.其實, 也只是膩了一點點而已, 味道還是幾香濃的, 羊肉也不是太膻.(當然, 也有認識過一些朋友, 說去吃羊肉就是為了吃那種膻味XD,所以羊肉膻味這方面, 就真的見仁見智了