更多
2011-09-08
8 瀏覽
路過諗著搵地方食lunch,跟手係門口位waitress遞左個menu俾我睇。心諗,1230,得一個客,唉,就貪佢人少,試下囉!點知...坐底叫左個其中一款set lunch - 菠菜湯,白汁菠菜扒雞長通粉同埋一杯凍咖啡。先黎湯。原本個人有少少鼻塞,點知俾佢湯上面既蒜蓉飽通左,超香!湯夠菜味,唔會過份creamy,讚!再黎主菜。推開部份雞肉,啲白汁味湧哂上黎!試啖,白酒同橄欖油撞出非常好既效果,可能對口味淡既人會比較重身左,不過我絕對係重口味既人,完全合我咀形,正~ 跟手試條長通粉,軟硬適中有口感,讚~ 跟手試口雞扒。嘩,終於食到咩野係「扒」「雞」啦!!! 可能會係少燶,不過陣炭燒味迫到啲雞味出哂黎!!! 呢一刻,我,真係感動啦...!:-DDD食到咁上下,waitress係門口拉客,見水吧幫其他客人埋單,順手叫埋杯凍啡。等左一陣未黎,算,食埋塊雞先;跟手waitress入黎再見我食得差唔多再問,我話叫左,都唔爭在啦。點知最後塊雞放入口之際,就見到我杯凍啡係吧頭,跟手送埋過黎啦!雖然當時客唔多,不過有落足眼睇枱,抵讚啦~都要話下既:地方太細有壓迫感埋單盛惠$58,一定會返黎再試:-D
坐底叫左個其中一款set lunch - 菠菜湯,白汁菠菜扒雞長通粉同埋一杯凍咖啡。
先黎湯。原本個人有少少鼻塞,點知俾佢湯上面既蒜蓉飽通左,超香!湯夠菜味,唔會過份creamy,讚!
再黎主菜。推開部份雞肉,啲白汁味湧哂上黎!試啖,白酒同橄欖油撞出非常好既效果,可能對口味淡既人會比較重身左,不過我絕對係重口味既人,完全合我咀形,正~ 跟手試條長通粉,軟硬適中有口感,讚~ 跟手試口雞扒。嘩,終於食到咩野係「扒」「雞」啦!!! 可能會係少燶,不過陣炭燒味迫到啲雞味出哂黎!!! 呢一刻,我,真係感動啦...!:-DDD
食到咁上下,waitress係門口拉客,見水吧幫其他客人埋單,順手叫埋杯凍啡。等左一陣未黎,算,食埋塊雞先;跟手waitress入黎再見我食得差唔多再問,我話叫左,都唔爭在啦。點知最後塊雞放入口之際,就見到我杯凍啡係吧頭,跟手送埋過黎啦!雖然當時客唔多,不過有落足眼睇枱,抵讚啦~
都要話下既:地方太細有壓迫感
埋單盛惠$58,一定會返黎再試:-D
張貼