嘉爵酒樓 (已結業) 查看

同朋友慶祝生日。 我地揀左藍地嘉爵, 主要原因係好多位泊車。 另外其中一位朋友是外國番黎玩, 所以我地選擇左有懷舊菜嘅地方。 我地有叫好多野包括冬瓜盅(啩住食無影) , 梅子鴨, 焗魚腸。 冬瓜盅無得彈, 味道唔會太濃 無味精。 梅子鴨, 非常好味由其D 芋頭 超級入味。 屬必食之選。 焗魚腸就一般, 都係因為有茜。另我唔識比分。 總體雖然有d 遠 但渣車嘅朋友可以選擇。 因為停車位置非常充足!! 味道真心ok . 價錢人頭150 左右。 所以我必定會再去

嘉爵係一間老字號酒樓，佢嘅旁邊就係好出名嘅季季紅，雖然佢唔夠季季紅咁出名，但係佢嘅食物都唔會輸蝕嫁，同埋近排佢哋好似裝修左，酒樓環境冇以前咁污糟，點心就比以前做得好咗，雖然佢哋嘅點心由一籠四粒變咗做一籠三粒，馬拉糕又變細咗，但係都無損我哋食點心嘅心情，因為呢種味道係而家呢個年代嘅酒樓係食唔到嘅，始終搵返老店食點心係最正宗最正。

這間舊式洒樓小時候常常去飲茶，依家只是做晚市。家姐之前食過話好好味，今日有機會來試下。叫左例牌乳豬，叫小菜可以平d，份量好大，仲有海蜇，乳豬香脆，唔算肥，好食的！！都有很多選擇的銀杏鮮竹浸時疏，是日係白菜仔，份量好大的，腐竹同白菜鮮甜，不過白果有d苦，因為沒有去芯生炒上肉排，這個賣相也是吸引的，肉排好肥，幾乎全部也是肥肉，其它有洋蔥，青椒，菠蘿，紅椒，配料okay的魚村蒸釀豆腐，好大碟，有8件，大大件，豆腐上面有咸蛋同鯪魚肉，味道清淡，少少咸蛋的香味，豆腐幾滑同香的可能我們也是叫得比較健康的菜式，所以比較清淡。

今日心血來潮去左藍地探朋友地方旺中帶靜以為冇什麼好食原來附近都有好多野食最後同友人一家去左嘉爵酒樓我想間酒樓老過我好多同入面d裝潢都古色古香我地6點幾到大件事地方好大但一個人都冇諗住大0樂侍應全部都好似做左好耐咁以為冇人去食好彩過多一陣有好多人入場咁都安心好多凍凍地咁就叫個栗米湯飲下又大又多多都4個人都飲唔晒豉油雞點解都又係咁大碟厲害同真係好好食炸排骨多肉到暈送飯一流菜這個就麻麻地我覺得睇個樣都知乳鴿熱辣辣好美味椒鹽兩併多椒鹽感覺唔同好多最後地方雖然遠但我下次一定會再來

今晚同屋企人出街食，又係去返老豆話又大碟又抵食又有位泊車嘅嘉爵。好啦，去啦。呢度係全天候唔洗等位，又坐得唔逼，不過佢係一間老茶樓，裝修各樣都比較舊，不過我唔介意嘅。先講碟白果腐竹莧菜。莧菜好味好林。腐竹都ok, 但d白果就無味嘅！都唔知自己食緊乜。跟住個蒜香排骨都好好味，夠甜份量又夠多。最後個栗米斑塊都好好味，唔會成口粉，個汁送飯都好好入口，同埋係超大碟。呢度每碟野都係70幾蚊，係咪好抵食我唔知，不過食完週身痕又口渴其實都幾難受 （我對味精有敏感，食完會身痕，心跳快。。。）

同屋企人平日間中都去食晚飯，因為平日無乜人唔使點等位，，仲有車位泊!但大時大節就要預早訂枱，真係好Full。最喜歡食佢o地嘅燒味同埋梅子鴨，佢D乳豬好味過隔離間所謂乳豬出名嘅酒樓多多聲，而梅子鴨一定要預早一日訂，梅子鴨好味不在講，佢個底層仲有好正嘅芋頭~真係超正!另外佢o地其他小菜都好抵食又好味!仲有一樣係唔好睇間嘢殘殘舊舊，其實入面有一幅藝術品，係藝術家Carrie Chau畫比老闆嘅油畫，真係有錢都買唔到。

這間茶樓，門面比較陳舊，但勝在容易有位置。12點中午繁忙時間都輕易搵位。這間茶樓是友人介紹的，本住好野往往都係隱居深山既，所以遠一遠都要拜訪下。食物選擇唔算多，要等廚房整先會有，每次出爐都是不一樣的東西，都幾有刺激感。------------------------------煎薄餅，好香口，上面沈左好多芝麻，好香口。豉汁鳳爪，好明顯無連鎖店咁多色素，而且味道都較淡，感覺比較健康。豉汁排骨，肥肉唔多，好味。蠟腸卷，麵包鬆軟，正棉花雞，剛剛出爐，有很多魚肚。------------------------------這間酒會有別於連鎖經營的，無左剔紙仔，取而代之係自己出去拎點心。侍應亦不是趕頭趕命的招待，是親切的街坊式招待！食物亦都好有份量，好大碟。

若不是有一個早上有位姨姨一早打電話給我媽媽.今天我們一起到藍地嘉爵飲茶.我估今生我都不會考慮光顧呢間店.呢間老店至少30年歷史.位於車來車往的馬路旁.若是陌生的過路者.看到門口又黑又無人.一定對呢間店敬而遠之,究竟呢間老店真實環境是怎樣?原來步入門口.要行一層狹小的樓梯,往地下,環境裝修簡單,還有舊式酒樓的龍鳳,地下也濕滑,但環境普通人也可接受的,最終行了一圈找了張大枱,同一些返工的工人榙枱,但毫無壓迫感.坐位都算鬆動.服務;當日我們一行三人無聊地硏究待應年紀.服務有老店的弊病,冷淡.亦不會沖茶.執碗.但總算同客人有問有答.都不致於太差.燒鴨瀨:呢間店主要是服務地盤工人.特質是大件夾抵食.燒鴨皮不脆,肉質亦太林,肉味只有淡淡的甜味.幸好份量撘夠.鴨件件是肉,瀨粉也夾不完的.湯:本來沒有的.後來傳菜竟免費送給我們.要錢是要6元.湯是南瓜豬肉湯.但反而豬肉味較濃,丁點南瓜味也沒有,只是湯內有一件南瓜可分辨出.總算飲完沒有口乾.也合格.鹹魚雞粒炒飯:都不明白,為何人會喜愛吃鹹魚,一啖飯入口鹹到眼都睜不開,而雞亦沒有調味.感覺淡而無味,肉與亦不滑.飯粒也冷冷的..乳鴿55元:其實是大鴿要30分

通菜炒牛肉…正好味乳豬例牌…好脆唔肥豆豉蒸倉魚…滑糯米飯…好乾身同好多料例湯…唔多味精，片皮鴨，一味兩食好抵。而且好食另一味係涼瓜炒火鴨。

經朋友介紹, 去過嘉爵食幾次飯, d小菜又真係幾好食wo, 又好抵食!!! 我最鍾意佢既魚香茄子, 因為好鬼香, d味道又好正!!! 大約50幾蚊仲有免費停車場, 我會再去