金華冰廳

營業中

休息中

我們幫襯旺角嘅金華冰廳，不單止遇到極差的服務態度，茶餐廳的餐牌更涉嫌有誤導成分。我哋一入去堂食，就見到枱上面有張告示指出每人要最低消費一杯飲品。（如圖）下單時，我哋睇餐牌先知一杯飲品原來索價最少$20！我哋一行5人，下單$200（平均每人$40)，但是伙記睇到我哋其中四人冇叫飲品仍要求我哋單叫多4杯飲品，即是多付$80！我哋同伙記講：「我哋5個人幫襯你哋咁多點解仲要我哋一人買一杯$20飲品？」不單止伙記堅持我哋叫飲品，老闆娘仲話我哋：「喺咪鬥氣呀！」不單止，餐牌（如圖）的列價非常曖昧。我哋叫雙蛋通心粉，餐牌的字非常小，無列明叫雙蛋加豬扒要幾錢，只講轉豬扒要加$5（但無寫豬扒麪的真實價錢），我們本來想叫豬扒蛋麪，但伙記就話要我哋加$20幾先可以。這樣狡猾的列價方式簡直不可理喻！食物方面，菠蘿油（如圖）不算貴，但是已經沒有以前咁好食，以前常光顧這間餐廳的的菠蘿油，當時的包都是新鮮出爐，熱哄哄，牛油和包和諧地融合，很有層次感。可是今次的菠蘿油不但乾柴，牛油仍是冰冷，包更加比以前多了空氣，盡失水準，令我哋覺得甚至到偷工減料的程度。雙蛋通心粉（如圖）更是平平無奇，沒有再嘗試的價值。食完嘢，我哋已

五一兴致勃勃来打卡这家店，结果要排好久，里面很局促，坐下来动都动不了一点，更别说转身，也没地方放包，服务员态度也不好，这些我都忍了，点了滑蛋牛➕菠萝油➕西士多➕热鸳鸯，花了108，吃是真的难吃…如嚼烂泥…不懂为什么这么多人推荐踩雷踩雷

金華冰廳一向畀旅客大推，基本上係佢地必食茶餐廳，weekend 食個早餐都一定要搭枱。如果唔駛等位，又想食個新鮮出爐既包，我都會入呢間食個靚早餐。呢個個早餐同同區既茶餐廳唔同，早餐set 係唔包多士/方包既，但好均真地，佢畀晒腸仔、火腿同蛋三款野。基本上咁食都夠飽。沙嗲牛肉麵 $38：牛肉唔會乸到爛晒，公仔麵唔係淋晒炸菜肉絲米 $38：炸菜唔會好鹹，麵餐最重要加辣油，味道即刻提升返菠蘿包$8：一定一定要吼住出爐先叫，d姐姐好好，你講明畀個熱既，佢會同你講再等下/畀個夠熱既你。菠蘿包外層酥脆，唔會一咬就碎到一地都係；內部唔係食空氣，真材實料。如果你同人share，可以request 分兩分，佢會幫你切得靚靚仔仔。

21/4/24 原本介紹左來自台灣既屋企人去吃獲獎無數的「金華冰廳」，但他們吃完之後向我反映收多了他們錢，而且店員態度非常惡劣。他們總共叫了4杯飲料，3個蛋撻，西多士和菠蘿油。他們結帳前自己計數了大概一百多，但結帳的時候店員跟他們說總共吃了256元。而且他們因為是台灣人聽不懂廣東話，店員卻在說廣東話竊竊私語，家人並不知道店員在講什麼，而且他們也搞不清楚發生什麼，以為自己算錯了金額。最後也給港幣256塊港幣出去，而且沒有單子看。後來他們跟我說這件事。我於是打去「金華冰廳」詢問事件，店員說他們態度沒有不好，而且他們懂得國語，又強調他們店員一直強調自己不會收多錢，一直強調收多錢他們自己也拿不到，也強調單子上寫了正確的價錢，一直強調是我家人的錯，又質問我是不是家人記錯，他們不會收多別人的錢。難道我的家人會為了一百塊向我這樣說謊這樣訴苦嗎？而且我相信這件事件不是第一次發生。也有看到其他評論也說收多了錢。這次事件就當讓他們因為$100而失去一班食客的支持，反正他們也不會承認自己的過錯。所以如果想去這間餐廳受氣，並讓他們收多錢的話就去吧：）

好失望呀！環境一般！出品一般！最緊要係，服務都好差😦菠蘿油個皮超硬，又唔脆牛腩麵係OK溉食材仲算新鮮咯！問個阿叔要個手套，塊面超臭咁講：我哋哩度無手套噶，用刀叉啦！塊面真係無必要咁臭咯！希望改善下喇

好耐冇食金華，今日剛好喺附近所以諗住去食個菠蘿油，始終香港好食嘅菠蘿油唔多，金華喺我心中都算係較高分嘅一間。菠蘿油價錢唔算貴，$13一個，出來都暖暖地，應該剛出爐冇耐。皮照舊，係好食嘅，可惜嘅係舊牛油就比以前細咗好多好多，只占舊包嘅中間嘅一小部分。食到牛油嘅部分，味道喺好味嘅，但係兩三啖就冇曬。而家生意難做，明白餐廳都要諗辦法節省成本，但係質量保唔到，令客人有不良嘅感覺嘅話，長久唔會好，更何況金華都算人流多，生意應該唔算太差？希望餐廳未來會改善啦。

金華冰廳有多年歷史，出售香港懷舊食物，例如菠蘿油、蛋撻、西多士等等美食。假日人流唔多，無需排隊等位。菠蘿油$13一個，菠蘿包裏夾住一塊鮮牛油，包身體積算大，下午茶嘅話食一個已經夠飽。菠蘿包上面嘅皮唔算太鬆脆，有少少硬身。嘅預先牛油方面，唔會過厚或者過薄，擺入包入邊都食到牛油嘅香味。喺今時今日嘅香港，價錢算係合理。蛋撻當日唔係新鮮出爐，所以上枱已經凍咗，蛋撻嘅皮唔算鬆脆，但未亦都唔算香濃。奶茶嘅茶底厚身，濃郁得來，帶有苦澀味。

本來想來支持本地食肆，一進去，大把位，叫我去最入邊的搭枱，我說不搭，店員就說那就拜拜啦。 明白如果人多要搭枱，但咁多位，都叫人搭枱，趕客咩。特別過來支持，最後一盤冷水。

這是小時候經常去的香港地道茶餐廳以前覺得菠蘿油好好吃今日夜晚七點幾先到菠蘿油賣完😂唯有食其他野但味道好似冇咗以前既味道只可以食其他野其他野味道中規中矩又唔係難食😂

見好多人排隊，但咁啱兩個人搭枱可以直入就抱住試下既心態入去，點知變左韭菜。第一，坐得超唔舒服，極迫，一張好窄既四人卡位枱要同兩個陌生人搭枱好近距離咁食野，為左做多啲生意真係可以去到幾盡？第二，野食及餐飲味道過咸過甜，叫左豬扒炒公仔麵，咸到倒左半枝豉油落去炒咁，最後就算唔平都食剩左，因為真係本身12分餓都食唔落。其次野飲勁甜，叫左凍奶茶少冰，落左半罐煉奶一樣，少冰都成杯冰，但反而慶幸，因為無冰溝淡啲係甜到飲唔落。第三，價錢不合理。叫個炒麵野飲要另計，盛惠22一杯凍飲，餐點加凍飲總共82蚊，82蚊去譚仔食兩碗米線都無咁嬲。第四，員工服務態度惡劣，同行朋友叫左個麵餐，理應係凍飲加3蚊就可以，但計左22蚊，如果無對單可能就會比呢間店呃左啲錢。同收銀既人講話打錯單計錯錢，收銀啊姐就系哂臉咁話唔關佢事問其他伙記，完全唔想幫你解決問題既態度。本身無諗住寫呢間餐廳，但比員工態度激嬲左，附圖係見佢咁既態度怕佢唔認數唔肯計番啱快快手影低餐點既證據，好彩最後有其他員工打番啱張單。總結去呢間餐廳係貼錢買難受，唔明點解咁多人仲特登排隊去食，大家真係諗清楚先，連試都無必要。

朝早去太子做嘢順便搵吓附近有咩茶記早餐好食見太子都幾多茶餐廳上次試完紅茶又見金華都幾多好評但點知見到最近嘅食評都話服務味道都唔好不過都諗住試一試啦去到又覺得唔算咁差喎姐姐服務OK 同埋$38一份早餐今日嚟講都算平有腸有火腿有煎蛋再加一碗麵原來唔要腸&火腿，佢就會自動換多隻煎蛋俾你覺得如果唔鍾意食吐司嘅人嚟講呢份早餐都不錯點咗一份早餐$38同埋加多個菠蘿油$13因為見大家話佢個菠蘿油好出名但如果我淨係食個菠蘿油又唔夠飽😂😂 咁即管試埋啦🤣份早餐整體正正常常啦最驚喜位係啲叉燒幾厚 同埋都幾多塊🤣🤣對於喜歡叉燒嘅人都會開心 叉燒唔係勁瘦又唔係勁肥個菠蘿油呢個人就覺得個包底唔多新鮮熱就唔係熱㗎啦 但份量取勝 唔係空氣包 最好食嘅位係因為佢個菠蘿皮較厚夠脆同埋阿姐好識擺塊牛油擺到好出😂自製菠蘿油煎蛋包最開心見到啲蛋黃汁流晒出嚟正🤤到此一遊 完🫶🏻

上一篇評語鬧得太勁，OpenRice唔俾我出，唯有再寫幫大家避雷.講真，十年前來過係好食的，今日再來完全係垃圾. 影衰晒香港茶餐廳. 我平時食開工廠區茶餐廳，自問要求唔高，頹飯照食，呢間野衰到連我3歲的小朋友都唔想食.菠蘿油：凍的. 個包唔鬆軟，得個甜字. 任何一間有麵包房的茶餐廳都好食過佢.沙嗲牛肉麵：只有花生味，無沙嗲味. 牛肉用粉醃到無晒味.咖哩芝士撈麵：個麵淋的. 但已經算係比較正常.蛋撻：冰的. 唔係凍，係冰！淨係食到一團麵粉.服務：已經好多人講左，無補充.結論：求其去一間茶餐廳都好過佢. 標題用埋書面語，希望大陸人睇到唔好幫襯.

如果您想有一個愉快的weekend，千萬不要到這一家餐廳。我媽媽與朋友昨天去了，被追趕著下單，不禮貌對待，態度差，欺負人。有錢沒錢都不要去，受罪受氣，還以為自己是黃者餐廳，丟香港人臉！素質超差！

金華冰廳｜🍞經典之選 | 太子美食金華冰廳係經典中的經典。雖然服務態度被好多人詬病，但係今日經過見人唔多，就入去食嘢。鮮油西多士非常邪惡，又香又鬆軟！番茄薯仔唐排湯比較有驚喜，番茄味非常濃郁。黑椒汁金華豬扒就一般般，相信豬扒係現煎嘅話應該會比較好食。黑椒汁就正常操作，黑椒味可以稍微重啲。豬軟骨肉質比較硬，但係咖喱汁的椰奶香味十足！買左雞尾包返屋企食，椰絲餡十足，啖啖都係椰香味。食完飲返杯茶，舒服！😌🍛 咖喱豬軟骨配絲苗白飯 $56🥓 黑椒汁金華豬扒 $50🍞 鮮油西多士 $22 🥖 雞尾包

好多旅客黎食，但係真係好普通蛋撻唔好食呢度菠蘿包好出名，但都唔係話好好食，只係ok，不過價錢就正常，以一間做旅客生意，一個菠蘿包8蚊，都算有良心。凍檸檬茶，甜到嘔伙記，我講完食咩完全無反應，都唔知佢係咪聽到😑所以我同唔到佢講檸檬茶少甜。