紅磡區隱世車仔麵店，疫情期間開嗰時食過一次外賣 之後想二訪，點知發現佢哋執咗 估唔到過咗一排再次回歸🔥 多咗好多飯同車仔麵餸選擇之外，經營模式同品質依然唔變 用QR code落單好方便 ———-自選車仔麵1——— ▶️ 牛筋 ($13) 冇預期中好食，唔係一條條長形爽彈嘅牛筋 可能因為係牛筋腩位，口感似食緊肥膏😅冇乜質感，一件件好散 唔推介🙅🏻‍♀️ ▶️ 蘿蔔 ($8) 朋友冇介紹錯🤭 一份有5-6大嚿白蘿蔔，抵食 咬落又腍又多汁，味道鮮甜，帶少少湯嘅鹹味👍🏻 平日鍾意食關東煮白蘿蔔嘅朋友切勿錯過！ ▶️ 手撕雞 ($10) 其中一個佢哋推介嘅配料 手撕雞撕到好似肉鬆咁鬆散 可惜質感較乾較柴 (可能係用上雞柳嘅關係)🐔一堆咁食有啲難哽，要逐少逐少拌麵食 着重健康嘅朋友仔可以叫，但個人覺得麻麻地 ▶️ 米線 鍾意呢度可以自選硬度：淋啲／爽啲 因為自己鍾意食硬麵，所以揀咗爽啲 的確出到嚟米線係硬身少少，對我來講就啱啱好🍜 質感OK，滑捋捋帶少少韌度，浸湯耐咗唔易斷 ▶️ 清湯 本身清湯帶微微甜味，不過食食吓俾啲餸嘅醬汁搞到偏鹹 (尤其牛筋) 已經唔「清」了🙈 同樣可以揀走湯／少湯／多湯，估計走湯變咗撈麵 ———-自選車仔麵2——— ▶️ 炆冬菇 ($8) 質感實正，唔錯 不過菇味唔夠香，蠔油味太鹹太重，蓋過菇本身味道🍄 ▶️ 紅燒豬腩肉 ($13) 瘦肉同肥肉層次分明 係東坡肉嘅味道，瘦肉部份幾好食，夠淋同入味👍🏻 ▶️ 牛腩 ($13) 比較少肉，多為肥膏 ▶️ 河粉 朋友形容為「平平無奇」嘅河粉 ▶️ 瑞士汁配腩汁 味道甜甜地，主要來自瑞士汁 有趣地食到少少藥材味？霎時變咗輕量版肉骨茶湯底😂 ———-飯後甜品———- 所有套餐會送一個精美甜品😍每日款式唔同，送完即止(落單嗰陣會track住餘下數目) 甜品係食完車仔麵先叫，如果唔係會當散叫 上次試過oreo木糠布甸，覺得唔算好食，cream比較「空氣」，所以今次試吓其他款式 ▶️ 3.6 牛乳奶凍 3.6 milk Panna cotta 奶凍質感做得好好👍🏻動L動L 用上3.6牛乳，奶味超香濃🥛 偏甜少少，但可以接受😋值得試！ ▶️ 法式焦糖燉蛋 Creme brulee (+$5) 因為功夫多啲，所以要加錢 話明法式焦糖燉蛋，當然唔少得燒過嘅焦糖脆面，一敲即碎✨ 薄薄一層，同燉蛋比例啱返 燉蛋奶油味道重過蛋黃味 做得幼滑，比起布甸流質啲 - 鍾意佢車仔麵餸菜款式夠多😙一定唔會食厭 不過唔係每款配料都好食，個人會推介蘿蔔、糖心蛋 (上次食過OK)、豬腩肉 同埋鍾意佢可以按自己喜好調教湯底、麵質等 值得一提係佢啲餸普遍偏鹹(食完都幾口渴)，因此叫清湯已經夠味 最好食係佢啲甜品🤪細細兜但好有滿足感！推介3.6牛乳布甸🍮 服務唔錯，見侍應好落力，星期日晚市好忙碌，超多外賣單 佢哋個外賣連個袋都靚過人，係一個朔袋嚟，唔驚易倒瀉湯汁 甜品匙羹係一個鏟形狀嘅膠羹，七彩顏色嘅，我哋抽到黑色同粉紅色🖤🩷 環境OK，比起舊舖大同多啲堂食座位，坐得算舒服 堂食等位等咗大概5分鐘 性價比高，大概$60/人，冇收加一，份量夠足，可以話係高級版車仔麵，難怪成為黃埔街坊外賣之選～

今日去朋友奧運屋企，喺商場睇下有乜買上去，喺商場三期見到呢間叫Yolanda Bakery 的餅店有幅好吸引既花花牆😊😊😊 凍餅櫃內仲有好多款蛋糕、西餅、卷蛋😀😀😀 我買咗唔少野食，包括原味蝴蝶酥、肉酥蝴蝶酥、南瓜杏片酥、焦糖杏片棒、芝士脆味棒 紫薯卷蛋和Oreo木糠布甸。 原味蝴蝶酥😍😍😍😍 - 好味！ 好脆呀😋😋😋 肉酥蝴蝶酥😍😍😍😍😍 - 第一次食有肉酥的蝴蝶酥，估唔到係咁夾咁好味😃😃😃 南瓜杏片酥😍😍😍 - 較特別健康🤭🤭🤭 焦糖杏片棒😍😍😍😍 - 正！ 好耐無食過，竟然喺呢度會揾到☺️☺️☺️ 芝士脆味棒😍😍😍😍😍 - 芝士味幾香濃🤩條條大細不一！心機野😀😀 紫薯卷蛋😍😍😍 - 蛋糕🍰質地較實較飽肚！岩哂我呢個長期餓鬼😀😀😀 Oreo木糠布甸😍😍😍 - 好多cream! Oreo 味都幾重😃😃 喺等候期間，見到有其他顧客買生日蛋糕，偷聽到都係$103，平過好多連鎖店呀，黎緊有咩慶祝節日就買黎試下先😎😎😎 蘭特餅店 (大角咀) 大角咀海泓道1號奧海城三期UG層UG46號舖

今日去到尖沙咀食火鍋放題🤣揀左呢間係The One對面，MTR出口行3分鐘就到😂食到飽飽❤️ 1️⃣餐前小食區 呢度有唔少涼菜前菜同水果可以開開胃🤣當中我最推介係醉雞翼尖，入味得來又唔會太重酒味🤣另外哈密瓜都超級甜🍈另外仲有螺肉同埋中華沙律都係平時常見又好食嘅前菜 2️⃣鹽酥雞、麻辣小龍蝦🦞 其中一個我會揀嚟呢間餐廳度食嘅原因就係佢有任食麻辣小龍蝦🦞🌶 呢度嘅小龍蝦大大隻啖啖肉仲有買手套俾你自己搣開嚟食勁方便😂煮得好惹味同香口，我自己encore左3碟！鹽酥雞都幾熱辣辣，新鮮炸起，兩款小食都不停refill好受歡迎🔥 3️⃣自取蔬菜🥦🌽🥬丸腸區 出邊都可以自己夾蔬菜同埋丸啊腸仔啊嗰啲，我最鍾意嘅係芋頭貢丸同埋鹹蛋黃丸，呢啲出邊都好似少見啲而且都幾好食🤣蔬菜整體都算新鮮乾淨👍🏻 4️⃣自助飲品🍹甜品🍰區 飲品有凍有熱，款式都算包羅萬有，而且仲有清酒🍶梅酒🍷任飲！甜品全部都係一口size，當中我最鍾意嘅係芝士🧀蛋糕脆脆同埋Oreo木糠布甸，唔好過甜，nice❤️ 5️⃣美國牛肩胛肉🥩 我哋今次呢個套餐都包左幾款肉任食，其中我最推介呢個牛肩胛肉，肉質嫩滑肉味濃郁，我幾碟幾碟咁order，水準都冇跌過🥰另外豬肉同埋牛舌片都唔錯😛 6️⃣任叫任食火鍋配料🥘 另外仲可以用手機落單叫配料，其實選擇都大大話話有幾十款，我都係揀啲我印象最深刻嘅介紹俾大家😝海鮮有沙巴蜆同埋三文魚鰭，兩個都好鮮甜😋另外仲個特色甜品係炸糍粑，炸到外脆內軟而且有紅糖流水，好好食！！ 7️⃣湯底🥘 打邊爐最重要梗係個煲，即係湯底！我叫咗鴛鴦鍋包括有秘製麻辣鍋同埋滋補豬筒骨鍋😍麻辣鍋我揀咗小辣唔算好辣，但係好香香料味，另外豬筒骨湯底都幾鮮甜，用嚟碌蔬菜一流🥳 餐境環境乾淨，一般都服務唔錯，上菜速度快而且冇漏單😆 環境：🌟🌟🌟✨ 價錢：🌟🌟🌟✨ 推介：🌟🌟🌟✨

爸爸生日同佢慶祝帶左佢嚟食極尚大喜屋 款式繁多 午市放題任食三小時先每人$238再加一 時間充足 可以慢慢食🤩 一入到去餐廳就見到有自助吧 有冰鎮海鮮🦐炸物🥟熟食🍲沙律🥗湯品🥣甜品🧁飲品🧃同雪糕🍨拎 ▪️串燒 有雞軟骨、雞翼、翠玉瓜、牛舌等 款款都燒得好美味🤤最鍾意食雞軟骨 ▫️刺身 刺身好新鮮 每一款都好鮮甜 三文魚仲好厚切😍😍😍😍😍😍 ▪️一品料理及炸物 竟然有炸白鱔食🤤魚質幾新鮮 另外仲有蟹肉豆苗、芝士焗蝦、鰻魚、炸蝦天婦羅🍤、炸鮮奶等 炸蝦天婦羅岩岩炸好 熱辣辣超正！ ▫️甜品 除左雪糕 仲有自助吧甜品 有泡芙、豆腐花、牛奶布丁、Oreo木糠布甸等 必試泡芙！其他就甜左少少

今日放工去左搭小巴返屋企，經過呢間麵包舖大排長龍，門口塞左好多人買布甸包，忍唔住停低腳都買黎試下🤭麵包價格唔貴，但係高質，可以再encore 我買左一件布丁包、一件黑森林蛋糕🍰、再加Oreo木糠布甸☺️三款唔同滋味🤭 法式芒果楊枝甘露布甸包 $15 呢個係佢地既招牌包☺️每日2點後出爐😆法式麵包🥯口感硬身，中間芒果楊枝甘露布甸，香甜creamy，兩者混合層次感豐富👍 黑森林切餅 $18 經典黑森林，朱古力味香濃👍蛋糕鬆軟，中間夾雜啫喱，好味😋兩三啖就食完 Oero木糠布甸 $18 入口唔會好甜，比較低糖☺️☺️而且佢地既cream香滑細膩，加上外層鋪滿Oero碎，好好食😋推介俾大家🙌🙌 店內仲有超級多其他款式揀 仲有曲奇餅🍪 好童趣嘅蛋糕麵包選擇都好多#紅豆烘焙 #高質麵包 #用心經營 #用心製作 #經濟實惠 #麵包推介 #法式布甸包 #楊枝甘露布甸包 #木糠布甸 #Oreo #旺角麵包舖 #teamhappyfoodies #thefoodieinitiative #globaleats #thefoodiesinternationalchat #foodiesinternationalchat #yummy

「牛駅」既前身係大喜屋，位置地段一流，以前做放題晚晚都大排長龍😅唔知點解會轉做任食火鍋呢～🫣今晚一於試下龍與鳯😆
尖沙咀The One對面，MTR出口行3分鐘就到👍🏻😌
同放題一樣，餐前小食區都照舊係到😍有涼菜前菜同水果可以開開胃🤣當中我最❤️‍🔥係醉雞翼尖👍🏻入味得來又唔會太重酒味🤣另外哈密瓜都超級甜🍈😋仲有螺肉同埋中華沙律😎
好驚喜地‼️竟然有任食麻辣小龍蝦🦞🌶 呢度嘅小龍蝦大大隻啖啖肉仲有手套🧤提供💯勁方便😂仲會不停refill👍🏻
出邊可以自己夾蔬菜同埋丸、腸仔，我最❤️‍🔥嘅係芋頭貢丸同埋鹹蛋黃丸，特別但又幾好食🤣👌🏻蔬菜新鮮乾淨😌
當然唔少得自助飲品🍹甜品🍰區❤️‍🔥飲品有凍有熱，仲有清酒🍶梅酒🍷任飲！甜品全部都係一口size，有芝士🧀蛋糕脆脆同埋Oreo木糠布甸🤣🤣
我哋㨂既呢個套餐都好抵食💯最推介牛肩胛肉，肉質嫩滑肉味濃郁，幾碟幾碟咁order，水準都冇跌過😋😋另外豬肉同埋牛舌片都唔錯🙌🏻😆其他配料選擇都大大話話有幾十款，海鮮有沙巴蜆同埋三文魚鰭，兩個都好鮮甜😍👍🏻
打邊爐最重要梗係個煲，即係湯底！我叫咗鴛鴦鍋包括有秘製麻辣鍋同埋滋補豬筒骨鍋😍麻辣鍋我揀咗小辣唔算好辣，但係好香香料味，另外豬筒骨湯底都幾鮮甜，用嚟碌蔬菜一流🥳
餐境環境乾淨，服務唔錯，上菜收碟速度快我鍾意❤️‍🔥❤️‍🔥完全冇漏單既情況tim😆

食車仔麵送自家製甜品💛
.
講起紅磡車仔麵，好多人會諗起蒙麵，但次次都起碼排半個幾一個鐘先入到餐廳🥵太陽伯伯瘋狂招呼到你濕晒⋯⋯其實區內仲有其他好有心好努力經營嘅車仔麵小店要大家支持，仲要係黃店添💕💕你幾可見過車仔麵店有西式甜品，仲要係送嘅？🤩淨係呢點都已經勁開心
.
1️⃣威風百麵（$53）
初嚟甫到試試佢招牌威風百麵，$53有八樣餸性價比極高，分別有豬大腸/腩肉/墨魚丸/冬菇/順德魚腐/溏心蛋/雞翼/時蔬，麵湯揀咗秘製辣汁油麵。豬大腸有肥膏滷得入味，腩肉炆得腍，好夾個辣汁，冬菇就一般，魚腐索晒湯汁又有魚肉口感勁正，溏心蛋嫌佢唔夠溏心但整體都幾香濃蛋味，墨魚丸雖然係來貨，但浸淫喺湯底之後都食到湯嘅甜味同辣汁融合得唔錯🍜見到咁多餸都開心啦
.
2️⃣甜品（大部分款式免費）
呢個先係重點！！每日隨機有以下款式：
法式燉蛋（+$3）/木糠布甸/Oreo木糠布甸/Tiramisu/朱古力mousse/抹茶紅豆奶凍/椰皇三重奏/3.6牛乳奶凍
我揀咗Oreo木糠布甸，其實味道上係好expected Oreo碎加奶油布甸味，但成個「食車仔麵送甜品」呢件事的確會令你食得好滿足好開心，我好鍾意佢每一盒甜品都貼咗自己設計嘅貼紙，上面寫住「have a nice day😊」有心機又令睇嗰個窩心，師奶仔們同單身🐶必去！🍰
.
雖然佢嘢食方面唔會話驚艷到你嘩一聲，但我覺得呢度賣體驗多啲～大家要嚟支持下！
.
性價比：🌕🌕🌕🌕🌕
美味度：🌕🌕🌕🌕🌑
獨特性：🌕🌕🌕🌕🌗

今次揀左SET A $198 既雞肉豚肉放題套餐 包41款食品 限時90分鐘⏳ 一坐低 我地着左餐廳提供既即棄圍裙之後就開始瘋狂落單 店內係採用「燒肉新幹線」既智能化模式去送餐 好有系統 企理又乾淨👍🏻 $198套餐既肉類既選擇唔算好多💬 雞有雞胸肉同雞髀肉 雞髀肉好嫩滑 而豚肉就有豬五花同埋豬梅肉等等 我地最中意食豬腩肉🐖 燒完之後特別香脆美味😛 不過連雞翼都無就有少少失望🥲 其他任點既食物包括多春魚 菇類 蔬菜 同多款小食炸物🍤 其中重點推介既係吉列炸蠔 香脆的炸皮包裹著軟嫩的生蠔真係超好味 炸粉唔會太厚 我地每人都食左幾隻🦪🦪🦪 另外店內有個自助corner 有飲品甜品沙律同雪條任拎 野飲都有十款八款 除左最基本既汽水之外 仲有橙汁 蘋果汁 利賓納 雜果賓治 柑桔美人水 等等🍹 當日既甜品都有五款🍮 有Oreo 木糠布甸 北海道牛奶布甸 黑森林慕絲 楊枝甘露 野莓奶凍 我試晒咁多款 覺得呢度啲布甸奶香味濃 特別岀色😝😝 下次岀左糧真係要試埋佢個和牛套餐🐮

幫襯勁買💛 Wai Fung Noodles 威風百麵 🥢 @waifung_noodles 去餐廳叫套餐多數都包一杯飲品，但係呢到嗌碗車仔麵，跟餐送甜品一客🍮 餐廳係疫情中開業，但生意情況始終比預算難做🦠 正正因為大家都身在苦中，老闆希望藉著送甜品，寄語掃勉勵各位香港人苦中都仲會有一點甜🍬 平時有啲餐廳埋單嘅時候會送粒薄荷糖或者現成嘅布甸或者雪米糍🍡 但呢到送嘅甜品全部都係自家製，當日仲要有成10款咁多 - 焦糖燉蛋、Tiramisu、木糠布甸、Oreo木糠布甸、3.6牛乳奶凍、椰皇三重奏、朱古力慕絲、椰汁桂花糕、抹茶紅豆奶凍、斑蘭椰汁糕，總有一款岩口味🍮 餐灣主打港式車仔麵，但仲有加入台灣菜元素，車仔麵可以揀手撕雞同台灣腸，仲有幾款台式便當飯餐，配肉燥、鹽酥雞、紅燒豬腩肉、鹽酥雞扒🍱 兩餸瑞士汁寬條紅薯粉🍠 瑞士雞翼｜金錢肚 瑞士汁加了冰糖、八角、香葉去煮，雞翼大大隻，醃得夠入味，軟滑可口🐥 金錢肚香濃爽口，肉厚而韌，口感豐富🤑 薯粉滑溜煙韌，索曬瑞士汁嘅湯底🥣 因為知道飯後會有甜品，所以只係嗌左最低消費嘅兩餸，廢事飽左食唔落😗 / Tiramisu/ ☕️ 面頭嘅可可粉當然唔少得啦🍫 忌廉軟滑，配搭海綿蛋糕，咖啡味香濃，如果係糖水舖賣都絕不失禮，更何況係隨餐附送🥲 $40唔洗就食到碗麵加甜品，非常滿足！🤤 支持良心小店💛

上網睇過好多人介紹過呢間和牛燒肉一郎🐮，呢間餐廳最初喺佐敦，宜家銅鑼灣都有分店。



呢度啲座位好闊落，坐得舒服之餘，私隱度極高，而且疫情之下，客人之間都唔會坐得太密集，感覺安全啲。我都好欣賞呢度嘅抽風系統，完全唔會覺得好大油煙味，空氣好清新。



飲品除咗有一般嘅罐裝飲品，仲有好多唔同款式嘅特飲，顏色好鮮豔，非常吸引。



外面嘅沙律吧嘅蔬菜新鮮爽脆，亦有鮮甜粟米、車厘茄、溫室清瓜、甘筍等。



頭盤隻船有帆立貝、海老🦐、野菜（南瓜、粟米🌽、青瓜🥒）、各種特選肉。







之後可以憑QR Code點選其他肉類，款式都幾多，有壺漬外牛橫隔模、牛舌芯、牛肋肉角、薄炙牛里肩脊肉、日本產豚、雞，唔止燒肉類，亦有一郎料理（必點炸雞，即叫即炸，燙口香脆，粉唔會太厚）、壽司卷🍣、韓式前菜、飯、湯、泡飯、拉麵🍜。









甜品有軟雪糕🍨，可以自己加toppings，仲有各種日本嘅雪糕、雪條，同埋有黑森林慕絲小杯、Oreo 木糠布甸小杯，一定要留肚食呀。

想消滯可以飲番杯茶🍵，有玫瑰花茶⚘、玄米綠茶、普洱茶、桂花烏龍茶。

-
{💛黃埔車仔麵😍}
今次到新川舊舖位試個車仔麵☺️試左個招牌😝

🤤威風百麵🤤 ($53)
要左瑞士汁加腩汁湯底偏甜嘅 唔太食得出腩汁味 要左寬薯粉幾有咬口🤑

以下順序排最推薦嘅餸😛
溏心蛋: 隻蛋有啲似拉麵店嘅溏心蛋🥰有醬油面仲要流心好靚🥺唔腥！
金錢肚: 爽口！仲要份量好多😜一定要依個😍冬菇: 好夠淋😘食倒爆汁又大嚿👻
順德魚腐: 食落有啲淋左嘅山根feel入面又有啲魚肉咁幾有咬口😙

👖褲評: 7.8/10

依度好地道！店員服務都幾好😚係街坊嘅可以幫襯多啲😂甜品三款試曬鐘意木糠布甸>oreo木糠布甸>椰汁糕🥳

性價比: 8/10
服務: 8.5/10
環境: 7/10

🚩 威風百麵 🚩
地址: 紅磡必嘉街93號地舖

屋企附近開咗呢間新嘅日式燒肉專門店，見到佢門面除咗有隻(假)黑毛和牛(?)之外仲有個凍櫃放咗好大嚿嘅肉，望落去又幾光猛企理，所以就同媽咪去試吓啦☺️

燒肉放題套餐有A至F，價錢由最平嘅$198去到最貴嘅$1048，分別在於A餐係雞肉及豚肉，B餐係美國牛，食90分鐘；而C至F餐係食120分鐘，有澳洲牛或日本產和牛等等🐂

🥩放題套餐B. 特選美國牛肉放題 平日 $318 / 假日 $368 / 小童 $228
B餐嘅桶盛包括咗雞(如雞腿肉、雞胸肉)、牛(如一口牛、牛肋肉、牛里脊肉)、豬(如豚里脊肉、豚肋肉)，另外仲有兩款海鮮包括多春魚同蝦。個人認為最好食嘅係熟成壺漬牛外橫膈膜，因為佢比較濕潤，所以燒出嚟比較Juicy😋

🥬蔬菜/壽司/炸物/飯麵
除咗肉肉，點可以唔食啲菜啊？用QR code落單嘅配料會由運輸帶送上。我就推介錫紙牛油包野菌，非常邪惡但好香牛油味😈我哋仲叫咗吉列蝦壽司卷、南瓜可樂餅、男爵牛肉薯餅，啲炸粉真係做到好脆薄，唔會好油膩！吉列廣島蠔都好大隻，記得要試！

🥗自助吧
沙律啲蔬菜幾新鮮👍🏻飲品方面有好多凍飲選擇，例如雜果賓治、西班牙特飲、菠蘿青瓜美人水、粉紅檸檬梳打，想選擇熱飲就可以選擇茶包飲花茶🫖至於甜品，除咗雪條之外，呢度細細杯嘅甜品真係意想不到地出色，首推黑森林慕絲，另外我哋仲encore咗野莓奶凍、Oreo木糠布甸、楊枝甘露🤤🤤

🌸銅鑼灣和牛燒肉🌸和牛燒肉一郎🥩
🏃🏻‍♀️捉緊晚市堂食的尾巴
為了捉緊晚市堂食的尾巴，而臨近新年，於是在暫停晚市堂食前的一晚特意相約好友到一間位於銅鑼灣的主打豪華和牛的日式燒肉放題店-「和牛燒肉一郎」享用一頓滋味日式燒肉放題❗

餐廳寬敞舒適，裝修簡約舒適，座位寬闊❗店員殷勤有禮，會不時替客人收拾碗碟及更換潔淨的烤肉網；客人透過二維碼自助點餐，既方便又快捷❗
1️⃣餐廳提供多款120分鐘燒肉放題組合，而同一枱的客人需要惠顧同款燒肉放題組合，

🍽我們惠顧了以下120分鐘燒肉放題套餐：
👉🏻 C餐
🤩包括72款配料+小舟盛合+桶·盛合（牛肉2款）

💰價錢（未連加一）：
👉🏻星期一至四：$448
👉🏻星期五至日：$498而放題套餐包括：

🥗前菜
有款冷盤前菜如韓式泡菜、青瓜及蘿蔔等，還有自助沙律吧，有新鮮爽脆的沙律菜、粟米粒、蕃茄粒及蘿蔔絲等。

🐂嚴選牛肉
有非常種類的嚴選上盛美國及澳洲牛肉，有不同部位，牛肉主要以燒肉或鹽醃製，今次主要點了牛肋肉、薄炙牛肋肉、牛肋間肉、里脊肉、薄炙里脊肉、牛外橫隔膜肉、牛舌、熟成壼漬牛外橫隔膜、大判壽喜燒牛里脊肉。各款牛肉肉質鮮嫩，烤熟後口感不會韌，當中我最喜歡桶盛合的和牛肉及大判壽喜燒牛里脊肉，和牛入口即溶，壽喜燒牛里脊肉相當鮮嫩大塊。
🐷精選豚肉
此套餐包含有2款日本鮮嫩豚肉，包括香嫩豚肋肉及豚里脊肉，另外還有4款豚肉包括豚肋肉、豚里脊肉、厚切火腿肉及薩摩豚香腸。當中我最喜歡鮮嫩肥美的日本豚肋肉，烤熟後豬肉相當鬆化。

🐓日本雞肉
此套餐包含有2款日本香滑雞肉，包括嫩滑雞腿肉及啖啖雞胸肉。

🐟海鮮
有3款新鮮時令海鮮，包括鮮甜帆立貝、鮮味大蝦及爽口墨魚。🍤特選料理
還有多款特選料理如惹味香脆的炸薯條配黑松露醬、脆口嫩滑的吉列炸蠔、滋味炸雞及鮮味脆口炸蝦。
🥬蔬菜配料
有11款款新鮮時令蔬菜配料如西生菜、洋蔥、南瓜片及杏鮑菇等豐富配料。

🍲熟食
有多款熱炳炳的即叫即製的特式熟食，當中包括辛辣牛肋肉拉麵及牛肉石頭鍋飯等。今次我點了辛辣牛肋肉拉麵，拉麵麵質爽口彈牙，湯底辣度適中，充滿濃厚牛肋肉味。
🍨甜品
有多款高質日本雪糕任君選擇，有井村屋宇治金時雪條、雪糕三文治、樂天朱古力脆皮雪條及雪糕杯等，還有滋味自家製甜品杯如楊枝甘露小杯、野莓奶凍小杯及Oreo木糠布甸小杯等。
🥤飲品
有多款飲品任君選擇，包括多款罐裝飲品如可樂、無糖可樂、忌廉汽水等，還有多達8款自家製飲品如西瓜紅莓茉莉茶、美人果茶及甘荀蘋果美人水等。

醬料方面，有自家燒肉汁、黑椒及香鹽！

總括而言，此日式燒肉放題食物質素高，有多款新鮮肉食選擇❗餐廳地點鄰近銅鑼灣站，交通方便，是銅鑼灣內必到的高質和牛燒肉放題之選❗

🔖總體評分：
美味指數：⭕⭕⭕⭕⭕️
賣相指數：⭕⭕⭕⭕️
抵食指數：⭕⭕⭕⭕

朋友生日揀食放題 放題想食咩就嗌黎食 我哋平日6點過嚟食 唔使等位就可以直接入座 揀咗個 set c 美國牛肉加日本產豚肉加雞肉再加62款食物可以揀 店員會先上咗個特選和牛拼盤 其餘就用QR code落單 食物好快就由輸送帶送到枱前超級方便 淨係牛肉都已經有10款啦 有美國牛小排、牛肋肉、牛里脊肉等等 每款我都試過晒 個人比較鍾意牛肋肉同美國牛小排 油脂分布平均 入口即溶夠晒油香🤤 呢款encore咗幾轉 🍽牛里脊肉 就略嫌鞋身咗少少🤏🏼 叫左一次就無再叫 🍽丼飯 珍珠米沾左溫泉蛋同和牛肉汁都唔錯 食食下就食哂🤣 🍽炸物 即叫即炸 味道正常 自助區亦有好多唔同種類嘅沙律、飲品同甜品選擇 睇到眼花撩亂 唔知揀邊樣嚟食好🤩 最後北海道牛乳布甸同Oreo 木糠布甸小杯做結尾 唔會太甜 岩哂我😝

好友和我也很喜愛食燒牛，今晚決定和她到將軍澳“和牛燒一郎”嘆番和牛放題，好開心呀。 今晚我地揀左Course D 120分鐘黑金澳洲和牛放題$498，包澳洲和牛2款，澳洲牛3款，美國牛肉十款，牛舌2款，日本豚肉，日本雞肉，海鮮6款，生蠔和另外27款食物。 自助區設有沙律吧飲品雪糕和甜品。 沙律吧的選擇有椰菜花，青瓜，紫椰菜，車厘茄，四季豆，甘筍，紫洋蔥 ，紅心萵筍，粟米和新鮮椰菜。 飲品區有自家製的特色飲品如青瓜奇異果綠茶，柑桔美人水，粉紅檸檬梳打， 另外還有什果賓治，橙汁和蘋果汁等。 店員首先奉上一個和牛拼盤，和牛質素很高，有和牛西冷，和牛三角腹肉，一口牛，牛肋條肉中落，和牛里脊肉& 和牛牛肋肉,另外還有少許蔬菜如南瓜和冬茹。 和牛西冷~ 油花分佈平均，肉質有彈性和咬口，牛味香濃。 和牛牛肋肉~ 油脂豐富，肉質軟嫩，入口即溶，好正！ 和牛三角腹肉~ 充滿油花， 肉質細膩軟腍，入口即溶，好美味。 一口牛~ 肉質細嫩，口感鬆化 ，肉味香濃多汁。 牛肋條肉 中落~ 肥瘦比例很平均，口感爽脆。 和牛里脊肉~有咬口，味道鲜甜，牛味濃郁。 食了和牛拼盤後，大致上已揾到自己最喜愛的部位，所以餘下的時間就不停encore 和牛牛肋肉，和牛西冷，和牛三角腹肉這三款肉，真係好滿足呀。 泡菜拼盤~有醃青瓜，醃蘿蔔和泡菜。 食得肉多，都係時間食吓D鹹鹹酸酸的醃菜中和一下肥腻感，又可以再次衝刺。 壽喜燒牛里脊肉~ 每邊輕炙2秒，放落壽喜燒汁和溫泉蛋漿中，除了牛味濃郁，口感滑嫩甜美。 【2款牛舌】 牛舌~雖然薄薄，但非常爽脆，肉汁豐富，牛舌味香濃。 薄牛舌包住葱粒和蒜蓉，又爽口又惹味。 海鮮類揀了青口，扇貝，大蝦和蠔，其中以蝦和扇貝最為鮮甜。 雪條櫃的雪條種類其他放題餐廳甚少見到，如樂天北海道雲呢拿雪條，海鹽荔枝雪條 ，鹿兒島白熊雪條 和明治藍莓乳酪味。我揀左海鹽荔枝味雪條，甜甜鹹鹹，荔枝味好香甜，好好味。 甜品櫃也很吸引， 有北海道牛奶布甸，楊枝甘露小杯，黑森林mousse, 野莓奶凍和 Oreo木糠布甸,真係樣樣都想試吓。