早排去咗銅鑼灣食飯，今次又係日本野！ 係利舞台廣場嘅岩鹽！ 有好多濃口味嘅特色日本菜！ 前菜係金平牛旁絲，充滿醬油芝麻香，好爽口！ 班戟鰻魚三色卷用班戟包住鰻魚、牛油果、蟹子，係好新鮮嘅配搭，鰻魚味仍然好岀 蟹肉芝士天婦羅卷好香口，入口酥脆，蟹肉同芝士非常夾 叫咗幾串串燒，汁燒墨魚串、燒錦爽雞肉丸串、紫蘇豚肉腸串、味噌醬燒黑豚肉串 其中我最喜歡紫蘇豚肉腸串同埋味噌醬燒黑豚肉串 紫蘇豚肉腸串味道香濃，入口淡淡紫蘇香 味噌醬燒黑豚肉串嘅味噌醬好濃郁，黑豚肉好肥美juicy！ 最後食埋和風牛肉釜飯，佢並唔係普通洋蔥牛肉飯！ 佢有好多配料，包括流心蛋、香菇、毛豆、菠菜、魚仔等 牛肉汁好香濃，加埋配料已經好豐富，仲可以做紫菜包飯！ 唔夠味仲可以再加醬油調味 食到最後有飯焦，可以倒入茶做茶漬飯！ 一飯多食！真係好過癮！

利舞台廣場食肆雲集，6樓的樂天皇朝是朋友圈的至愛之一。進入餐廳總有種氣派的感覺，格調中又有古色古香的設計。 前菜有碟花生栗子炆得好稔好入味。每次必吃的「李白醉雞」雞肉嫩滑，酒味香濃， 球型的擺碟也增加美感，每次都好吃。 「川味涼皮」爽滑醒胃。 「芝麻醬油麥菜」好一道有營前菜，以青瓜捲起新鮮油麥菜，點上芝麻醬，爽脆清甜。 「紅油抄手」微辣肉鮮，開胃。 「烤麩」是上海菜的重要前菜，材料簡單有手撕烤麩、金針、雲耳、冬菇，配以濃醬油，看似簡單味道一流。 「宮廷驢打滾」喜歡這個甜品，糯米皮捲着紅豆蓉，好柔軟，好好味。

在銅鑼灣鬧市食午飯真不容易，周圍都是人，地舖食肆也難找位置。朋友話，利舞台廣場，有很多食肆，適合我們年青人和喜歡韓風的人去食。 我揀吓揀吓見到18樓的DoDam Chicken，就入去食lunch。 首先，DoDam Chicken的裝修非常有韓國風格，讓人感到非常舒適。而且，K-Pop不停播放，好聽的音樂和精彩的MTV讓人感到非常愉悅和放鬆。 我點了招牌海鮮炒飯。廚師速度非常快，5分鐘左右就能上菜。招牌海鮮炒飯上加炸圈，非常好的點綴。炒飯味道不錯，還帶點微辣，非常正。而且，海鮮炒飯的份量非常足，有蝦也有帶子，讓人吃得滿足。飯炒炒得非常細緻，飯真是一粒一粒都很分明，讓人感到非常有口感。調味適中，讓人吃得不能停口。

戲劇興穿越，我也來過時光倒流，走到佈置如50年代的「香江花月」飲杯茶！ 香港店位於利舞台廣場21樓，踏出電梯已見懷舊油畫海報處處，即時可以打咭。 接待處仿效老式電影院的售票處，不得不走入去影相留念。 店內富麗堂皇懷舊氣息。

 美顏鍋是「香江花月」打響名堂的招牌菜式，不過今日是中午來吃點心較合適。

 點心造型維肖維妙，[杏汁金魚餃 $52］栩栩如生，如在河塘暢泳，兩眼漆黑矚目。杏汁香滑味美，鹹甜度平衡及温和。[紅袍茘枝 $46］貌如其名，極似連枝葉的原棵茘枝，實際上是以紅菜頭汁染了紅色的煎堆仔，外層鋪滿脆米粒，餡料藏蛋黃蓉。 甜度輕，脆軟對比明顯，味道好。

 [姬松茸鮮竹卷 $35] 亮點在姬松茸，調味手輕，沒有過鹹的坊間弊病，值得稱讚。 ［一鼎牛肉麻辣紅薯粉 $138］出場有勢，原來一鼎是盛器之描述，份量十足，材料有牛肉之外，還有豆腐卜、冬菇、椰菜花、南瓜片等。 麻辣度有點份量，小心不要吃得太快。 離開之前記得去 team lab 房打卡！
服務態度少有的良好，服務員努力添茶換碟及願意聽取客人的意見，價錢合理，茶錢每位$25，值得再訪。

 






 

朋友生日，約咗一大班去利舞台廣場17樓嘅
《三希樓》食晚餐慶祝！餐廳已川菜為主，食物又辣又惹味！我哋叫咗七道菜❤️野山椒泡鳳爪，呢個泡椒鳳爪微微嘅辣味，因為凍盤食落去好清涼，鳳爪的筋部都入晒未，好好食！ ❤️咕嚕肉，酸酸甜甜嘅咕嚕肉食落去好開胃，大廚炸到外面香脆，入邊肌肉充滿肉汁，同酸酸甜甜嘅醬汁非常夾！ ❤️麻辣口水雞，呢碟口水雞麻辣味超足夠，雞肉嫩滑，肉味濃郁，每一件雞都被凍咗嘅雞油啫喱包住，好推介大家食！ ❤️青椒清香魚，呢鍋雪白嘅青椒清香魚，入邊有魚片筍片同埋麵條，睇落去好似好清淡，但係食落口有好香嘅花椒味，食材嘅配搭非常好！ ❤️三椒豬手，三椒分別有青辣椒，紅辣椒同埋花椒，就咁聽到三種椒都已經覺得又香又辣又惹味，用佢嚟炒充滿骨膠原嘅豬手，真係一流！ ❤️乾鍋豬大腸，鍾意食豬大腸嘅人一定唔可以錯過呢道菜！豬大腸洗得好乾淨，所以好放心食。辣椒辣椒同洋蔥一齊炒，非常香。大腸炸到香脆，真心好味😋

今日去咗銅鑼灣利舞台廣場食lunch。上咗去16樓嘅岩鹽日本料理。 間餐廳好大，打開餐牌見到佢午市套餐有好多款選擇，由百幾蚊到到三百幾蚊都有。包括有各類壽司定食和釜飯定食等等。 每款定食都會包括飲品或者雪糕二揀一。 雞錦角切魚生丼$168 配有 沙律，蒸蛋，味噌湯及漬物 魚生飯份量頗多，食埋蒸蛋同埋湯，因為嗰日唔係太肚餓，就覺得太過飽了🤣。 不過角切魚生我自己覺得切得太細了一點，切得大件啲，會比較有口感。魚生好新鮮，蒸蛋好香蛋味。飲品我揀咗咖啡，估唔到呢間日本餐廳嘅咖啡竟然唔錯，係即磨咖啡，隻咖啡豆好香濃。 燒安格斯牛扒定食$178 配有 白飯，味噌湯，沙律，刺身，蒸蛋及漬物 安格斯牛扒上枱時是半熟，附會有一個小火爐，讓你一邊食一邊燒，可以自己控制生熟程度，而且唔會凍晒，可以逐件慢慢食。牛扒質素唔錯。呢個餐就揀咗配士多啤梨雪糕，大滿足。 餐廳座位寬闊，以銅鑼灣利舞台廣場來說，這個價錢也算實惠。而且午市套餐選擇真的是超級多，生熟平貴都有😆。 #岩鹽日本料理 #銅鑼灣 #日本料理 #日本菜#壽司 #魚生 #午市定食 #銅鑼灣日本餐廳

今日去咗利舞台廣場呢頭行街，行到咁上下嘅時候忽然又想食下午茶，就去咗3樓呢一間muji cafe食個下午茶！餐廳裝修以木系為主，坐位亦都算好坐 下午茶時段可以直接入座，唔使等！ 比較推薦有佢嘅比目魚，比目魚嘅肉質非常滑，配埋佢嘅調味非常好食，比目魚亦都做到唔會好腥既口感，配上五穀飯食嘅時候非常夾！麻醬菠菜都非常好食！新鮮嘅菠菜配上麻醬，口感非常爽，麻章極度將本身菠菜嘅味道提升 最後飲埋佢嘅麵豉湯，亦都唔會太鹹，仲有好多配菜喺入邊，例如菠菜豆腐紅蘿蔔 下午茶黎講非常滿足

《莆田》係一間專門食福建菜既連鎖餐廳，主打多款地道福建菜式，以河鮮為主要食材，烹飪手法獨特😍最近仲推岀左以海蠣為主題既一系列菜式，即刻拉埋朋友一齊去試下😁 ‣ 福建特色海蠣煎 ($128) 作為招牌菜，果然冇令人失望，首先賣相已經好吸引，食落海蠣好新鮮😋，夠香口，味道唔錯，而且份量都幾多，亦唔會好厚粉，總體質素幾高，值得推介👍 ‣ 金絲麥片蝦 ($228) 賣相都幾吸引，麥片炒到金黃色😝，原隻蝦都幾大隻，夾埋一齊口感豐富，味道都唔錯，份量都唔少 ‣ 芋香鴨 ($98) 擺盤幾精緻，而且烹飪手法幾特別，用芋泥包住鴨肉，之後表面一層薄薄嘅粉煎到好香脆，咬落外脆中間軟，最內面嫩滑嘅鴨肉，成個搭配都幾夾，味道都唔錯🥰 ‣ 鐵鍋包菜飯 ($118) 作為莆田人嘅家常燜飯，用左最簡單地道嘅食材，有包菜、滷肉、蝦米、香菇、乾貝、蟶乾等等，用鐵鍋燜完之後，上菜時香味撲鼻，食落飯粒分明，各種食材一齊口感豐富，總體幾有水準☺️ ‣ 紅毛榴槤汁 ($38) 第一次飲番荔枝汁，幾清新，唔會太甜，幾啱用黎解滯😋 💭 C͟o͟n͟c͟l͟u͟s͟i͟o͟n͟ 餐廳環境座位闊落，服務幾週到，上菜亦幾快，重點係食物質素幾高，款色多樣，鐘意食中菜嘅朋友不妨試下‼️ 💰Total: $728.2 ($364.1/pp 已包括10%服務費) 📍莆田｜@hkputien 香港銅鑼灣波斯富街99號利舞台廣場7樓A鋪 (到訪分店) 尖沙咀廣東道3-27號海港城港威商場地下G103號舖 鑽石山荷里活廣場2樓214舖 荃灣廣場4樓416舖 將軍澳PopCorn商場1樓F94舖 元朗元龍街9號形點一期2樓2040號舖 🚩更多同類餐廳 #foodstep_中菜 🚩更多同區餐廳 #foodstep_銅鑼灣 #foodstep_尖沙咀 #foodstep_荃灣 #foodstep_鑽石山 #foodstep_將軍澳 #foodstep_元朗 📣Like & Share & Follow @ourfoodstephk_ 🙏🏻多謝你既支持，成為我努力分享既動力💪🏻

餐廳位於利舞台廣場，交通方便，容易到達。 餐廳面積頗大，座位很多，但8點鐘去到已經有好多客人，要等一陣時間先可以入座。 餐牌圖文並茂，見到好多食物都好吸引，但係我地只得兩個人，又唔能夠眼闊肚窄，幾經掙扎，最後點左兩個主食。 蜂蜜豉油香蒜脆雞（半份） 半份大概有六件雞，兩個人食啱啱好。脆雞色澤好靚，帶點油光。蜂蜜帶甜味，豉油則微鹹，兩種味道出奇地夾，非常惹味。雞肉好滑，有肉汁，唔會炸得好柴，令人食到lam lam脷。 芝士年糕拉麵 用鐵板上菜，份量好大碟。年糕好煙韌，芝士熱辣辣時，拉絲效果勁。當芝士灘涷了，以為芝士會變硬啦，但原來無喎，反而更有芝士味。重點當然係個拉麵啦，個醬汁比較辣，大大刺激我嘅味覺神經，但唔會太嗆，越食越想食，yummy. 另外叫左jar YUJIade, 可以消除芝士同炸雞嘅油膩感，超爽，邊個話食炸雞一定要配啤酒㗎。 雖然價錢唔算特別平，但計埋位置，份量都算值呀，所以我地明白點解叫做人氣餐廳。

今日去開銅鑼灣做嘢，見到喺利舞台廣場到有間唔錯嘅酒樓。所以就決定喺嗰度食埋Lunch先返公司做野！😍

呢間酒樓嘅環境乾淨，而且侍應嘅服務態度好，絕對值得讚👍🏻黎到酒樓，當然要食蝦餃同燒賣！水晶鮮蝦餃 🦐。呢度嘅蝦餃超級好食。蝦餃晶瑩剔透，外皮煙煙韌韌。蝦肉鮮甜可口，口感彈牙。成粒蝦餃味道同口感都相當豐富。燒賣🐷。黃色嘅外皮包住豬肉同蝦肉。咬落去味道濃郁同啖啖肉。啱晒鍾意食燒賣嘅我！😍 除咗蝦餃同燒賣，我覺得比較特色嘅仲有麻蓉煎堆同棗茸千層糕！麻蓉煎堆🍡。細細粒，炸到又香又脆。外面鋪咗香噴噴嘅芝麻，加埋甜甜地嘅麻蓉。入口外脆內軟，味道香甜。棗茸千層糕 🍰賣相好靚。有香香甜甜嘅棗蓉味，完全食得出係真材實料！🤩

位置銅鑼灣利舞台廣場，地點放便但在商的轉角位容易被忽略。 餐廳主打無骨海南雞套餐$91～油飯和清雞湯一般，雞肉份量多但雞肉唔夠滑，應該唔係新鮮雞，整體味道不過不失，但性價比不高。 咖喱牛腩撈麵$78，～咖喱味非常香濃，而不會太辣。牛腩炆得非常入味。👍🏻👍🏻 馬拉盞通菜$33～通菜深綠色非常油潤，可惜比較淡口。怎麼我覺得有點兒像清水似烚菜！😅 薏米水～薏米棉密，薑味濃郁。最適合冬天飲，喝了全身暖笠笠。

約朋友晚飯去了銅鑼灣波斯富街99號利舞台廣場1樓102號舖亞參雞飯吃星加坡菜/馬來西亞菜，
港鐵銅鑼灣站A出口，步行約5至6分鐘，交通非常方便。

環境裝飾清新簡約自然，以淺米色和木器傢俱為主，
店內面積很大，座位多是卡位，感覺很舒服，
服務員禮貌招待，推介季節性的食物，使客人稱心。菜譜著名佳餚有星加坡特產海南雞飯、肉骨茶、喇沙、亞參豬手、星馬小食、馬來咖哩系列等，
款式多元化，任客人配搭不同的口味。海南雞飯套餐
雞件肉質嫩滑多汁，雞油脂非常香濃，雞皮與雞肉之間有啫喱。
油飯柔軟適中，飯粒分明，調味恰好，配上三種不同味道的醬汁，極為惹味。
還有一碗熱騰騰冬瓜草菇雞粒湯，
濃郁雞肉襯托著淡淡的熱湯，很夾，美味又飽足。星加坡肉骨茶
香噴噴熱騰騰的肉骨茶，濃濃的藥材味襯托著胡椒香，
在寒冷的天氣添上陣陣暖意。
腩排的肉煲得非常嫩淋，入口軟綿，
肉排和長豆卜浸入香濃肉骨茶味，更覺美味又暖胃，
加上一碗白飯，感覺充實飽足。馬來斑蘭咖央多士
啡色多士烘得脆脆，加上一片鮮牛油和馬來咖央在多士中間，
好味到了不得，嚐了一件又一件。香煎手作蝦餅
濃香的鮮蝦味，蝦餅肉質很彈牙，
表面煎至香脆，內裏肉質鮮甜有汁，
確是出色的手作蝦膠，配上酸甜醬汁，更覺可口美味。熱飲~馬來拉茶/美祿
馬來拉茶滿有奶香味，配上茶香，入口覺得很滑溜。
熱飲美祿夠香夠甜，確是一杯餐後的好飲品。

自從到過荃灣西香江花月，品嚐特色點心後，一直念念不忘，想再去多一次，但因品嚐美食的配額有限，不想重複光顧同一間食肆，所以遲遲未有行動。 剛巧約了契哥丶妹妹丶妹夫到銅鑼灣相聚，發現「香江花月」在利舞台廣場21樓，開了新分店，決定和家人們去試 銅鑼灣的「香江花月」，裝修和設計行型格路線，一入門口旁有打卡房，可惜，到訪當日未有開放，行入少少，當眼處有一個圓形小台階，能夠360度旋轉，上面放置一輛古老電單車丶收音機，旁邊是開放式大水吧台，牆上壁櫃放上古董相機作擺設 一行四人，一共叫了10款點心和1個炒麵 魚湯金魚餃，也是店內打卡點心之一，金魚餃內的蝦肉彈牙丶爽口，金魚造型栩栩如生，就連魚眼丶魚鯨的製作，也很認真。四條金魚浮游在魚湯上，不忍把牠們食掉 蘆筍鮮蝦鳳眼餃，蘆筍顏色翠綠，配上飛魚子，賣相吸引，味道不錯 瑤柱鮮蝦豆苗餃，晶瑩剔透，能清楚看到內裡的豆苗，口感煙韌，味道適中，同粉果一樣，包邊更用上「金色」圍邊，賣相突顯高貴 奶黃豬仔包，也是店內打卡點心之一，有奶黃的香味，不太甜，但沒有流心，如果有流心，就更好！ 潮州蒸粉果，皮薄、晶瑩剔透，口感煙韌，餡料足，鹹度適中，粉果包邊，更用上「金色」圍邊，賣相突顯高貴 鮮茄鮮竹卷，味道一般，沒有太大驚喜 飛魚子百花燒賣，碧綠色的燒賣，上面配上黑魚子，給人一種清新的感覺，但味道一般 金絲海皇脆網腸，腸粉厚度適中，內裏的脆網很鬆脆，以西式芫荽丶鮮花伴碟，提升食客的視覺享受 碧綠蟹肉蛋白炸雀巢（主菜），打卡一流，味道亦十分不錯，以銀川菜（花型）配上蟹子，下面麵（雀巢）托底，最下面是蟹肉蛋白，侍應們訓練有素，等待客人拍照完畢，便細心把銀川菜放平，把麵分成6-8份予食客享用 脆炸木魚絲蘿蔔糕，蘿蔔糕用雀巢盛載，配上木魚絲，第一次食脆蘿蔔糕，外層很脆，味道很野味，不太油膩，食完蘿蔔糕，還可以慢慢食埋雀巢很滿足 黑白天鵝（甜品），也是店內打卡點心之一，天鵝用酥皮製成，餡料是芝蔴丶杏仁，雀巢用芋頭條製作，還有兩粒鵪鶉蛋 整體來說，餐廳的裝飾和擺設，很有心思，讓人有一種目不暇給的感覺，坐位舒適，食具整潔，食物味道不錯，尤其有一些特色點心，很適合打卡，點心價格屬中高檔，$30-50，粉丶麵丶飯$108- $158，每位茶錢$25 ，較為昂貴！侍應服務態度良好！

»《牛舞日本燒肉》 冬天氣色漸漸變濃，是燒肉及打邊爐的好時機 由by Beefar’s 打理的牛舞燒肉店登錄在利舞台廣場 任食肥美日本薩摩和牛
採用自家農場空運直送本店鹿兒島薩摩牛 ⁣
∗日本薩摩和牛放題 平日正價$628/位⁣
薩摩和牛放題是最高級別的套餐 有任食日本薩摩和牛 安格斯牛 美國Prime 牛肉放題 特上豚肉放題等 所有肉類 海鮮類 炸物都是透過⁣QR點餐 雖然是放題，但大家都要按自己食量點喔 為提倡不要浪費食物，如吃剩太多，餐廳會收取額外費用 自助區方面就有我最喜歡的雪糕雪條 竟然有日本明治煉奶紅豆雪條及樂天雪條 再飽都要吃！
當然有其他火鍋配料 水果 熟食等 12月份推出了新的湯底「生酮花膠蟲草花雞湯火鍋湯底」 另加$88 就可以試到 一邊燒肉一邊打邊爐 雙重滋味 火鍋配料包括了日本黑薯糕及蒟蒻春雨、鵝腸、鴨血、雞肝、萵筍 湯頭加入杞子、蟲草花、花膠及雞腳等餚製而成 生酮飲食搭配低碳食材，豐富之餘又減低罪惡感
⁣
12月有限定優惠送薩摩牛月見燒或珍寶虎蝦
如果有朋友生日 更有薩摩牛生日蛋糕
真係飽到上心口 薩摩牛肉質鬆軟細嫩，油脂感豐滿 吃完油脂香在口腔停留，但也無阻礙食放題的意欲 多點兩轉才能回本呀 哈 牛肉在烤爐上輕輕燒香兩面已經可以放入口
⁣
另外有甲羅燒，很小會出現在放題裡 不過甲羅燒偏鹹，建議搭配白飯吃，會更過癮 其他像是帆立貝 清酒煮蜆 磯煮鮑魚、雞泡魚干、生鰻魚串等都有


本來少吃放題的我，遇上優質和牛是另一個胃！這晚去「牛舞」已經是在近月來在銅鑼灣光顧的第三間，刻意作個比拼。位於利舞台廣場8樓的「牛舞」，以「自在感」來說最優勝。
 首先是環境，開陽寬敞，坐得舒適，沒有放題店的繁忙壓迫感！隨時起身走走、取醬料或食物，順便鬆一鬆。其次是配套，同時備以涮涮鍋，正合我意，可以涮大量蔬菜先吃平衡肉膩，況且有些肉，我覺得以涮放式烹調更美味。 設置了如自助餐的冷熱櫃爐，看得到的食物始終更吸引，選擇更正確，再說，備以之熟食雖然貴精不貴多，質素不俗。 例如胡椒豬肚湯，中餐廳亦末必喝到這般濃郁的胡椒香，值得稱讚。 日式咖喱牛筋腩飯，同伴自製的這一碟，加了一只半熟蛋及若干紫菜，味道唔錯。 我取了炆魚及木魚玉子，味道得。 而且時間上蕯摩和牛放題有120分鐘，別看少那多了廿分鐘！足夠時間可以輕鬆慢慢燒，需知道燒肉不同火鍋，燒得匆忙失凖，會令食味大減！ 

五款放題，豐儉由人，平日正價由每位$128起至$628，頂級的蕯摩和牛放題，全146種食物，送涮涮鍋及酒精飲品。 每位$628蕯摩和牛放題：

牛舞拼盆

預設牛舞拼盆，用個牛形木板盛載，有些心思！包括各式各樣6款肉：蕯摩和牛牛肋肉、澳洲和牛腹肉、美國牛肩小排、厚切豚腩肉、安格斯一口牛、牛舌薄切、美國雞腿肉。 蕯摩和牛牛肋肉雪花滿佈，豐腴必然；在冇特別期望之下，美國雞腿肉香嫩幼滑！我刻意點算蕯摩和牛不同部位、原味、燒肉汁及辣味作比拼，結論是分別不大。

 海鮮方面，我們非常喜歡甲羅燒，生鰻魚串及虎蝦亦不錯。揀了奶白色的招牌牛骨湯作涮涮鍋，除了方便灼大量羅馬生菜、冬菇、瓜及粟米之外，我發現和牛肉粒灼比較燒更保住脂肪，口感軟棉。

 溫泉蛋和牛醬飯非常稱職，如果午餐有此定食會很不錯。

 點了梅酒及清酒，前者清涼、後者甚辛口。 甜點中，建議在餐牌點選擇炸香蕉，口感外脆內煙韌，吃得開心。水果新鮮，冰條必吃。 點菜方便，上菜快，沒有投訴。