影片
港鐵鰂魚涌站 B 出口, 步行約2分鐘
繼續閱讀
營業時間
星期一至日
12:00 - 15:00
18:00 - 22:30
以上資料只供參考, 請與餐廳確認詳情
食家推介
當晚我一家去鰂魚涌諗緊食咩好，看到一間餐廳入面有一大枱人食飯，都不太想入去，不過⋯⋯遠處看到一位高高地的男侍應幫佢地雪酒、預備酒杯。我看到他的服務幾好，就決定入去試下！其實之前我中午都食過一次呢間餐廳，不過個兩個戴眼鏡的廚師煮的野食，真的麻麻地：（其中一個出黎介紹我試下佢地推介的黃金拉麵，話說是炒湯底⋯⋯但出到黎有鑊屎的：（還叫了一份鯖魚定食，菜單寫是鹽燒⋯⋯但出到黎不是燒的，是煎出來的樣子⋯⋯成條魚平的：（但個晚我入去那位於男侍應照舊介紹我食黃金拉麵，我就說我不敢再食那碗鑊屎拉麵！但他"開玩笑地"跟我說他會為我煮一碗"大師級的拉麵"，見他很有誠意我就試多一次!點知我以為你只係講笑，他真的入去廚房煮了一碗跟上之完全不同的黃金拉麵給我為什麼我會話完全不同？因為他拎出來的時候，他煮的不只是那個湯同拉麵熱，而是連碗也是熱騰騰的 ：）他的賣相也很好，因為他擺放配料很整齊，不似得那位戴眼鏡的廚師好似仙女散花咁擺放而且他炒的湯底味道剛剛好，所以我好欣賞這位男侍應，真的是"大師級的拉麵"：）另外一位廚師，煮的食物也是一樣，我完全感受到他們對煮野食的熱誠，他們煮的食物真的很用心地烹調：）＊我覺得這間鰂魚涌－金之藏夜晚的食物真的不錯！＊不過記得見到那兩位員工先好食！其餘個兩位廚師真的⋯⋯麻麻地：（
繼續閱讀
嗌左個炸雞二人餐, 點知炸雞賣哂, 只好揀餃子餃子份量只有4隻,味道普通,似急凍餃子拉麵要左黃金拉麵同醬油拉麵麵質好唔掂 硬得黎啲麵係痴埋一舊黃金湯底第一啖飲落都ok 但之後愈飲愈重味精...醬油湯底...只能說同我係日本,香港既拉麵店食過既完全唔同, 怪怪地又甜甜地飲落似生抽味可以改名叫生抽拉麵跟餐送2杯梳打特飲 一直無送黎 我地食完叫待應佢先即刻沖比我地味道其實都正常 普通糖漿味但啲梳打唔知點解好多氣 應該係溝得唔夠稀飲得有啲辛苦佢店面細細地 客唔多 但啲待應好中意企係廚房個個位搵個背脊對住啲客有幾次想嗌佢 都要望實佢 等佢出去送野比室外啲客或者咁啱另轉頭先嗌得...賣單2人餐$188 加埋加一 每人都要100蚊鬆啲認真 唔會再黎 lol
繼續閱讀
環境餐廳在大街和小巷交界，小巷上有室外的座位，但天氣實在太熱，所以選擇坐室內。室內座位不多，開放式廚房令串燒和煎炸的味道有機會附在衣物上，坐近廚房亦較熱。食物菜式主要有拉麵和串燒。今餐點了地獄拉麵、豚骨拉麵、燒鮑魚、燒野菜和燒牛仔骨。總括而言拉麵不算出色，料、湯底和麵質都不特別，但串燒的水準不錯。燒鮑魚鮑魚邊燒得很脆，內裡爽口不太乾，調味剛好帶出了鮑魚的鮮味，98元兩隻算是物有所值。燒野菜外面燒焦焦的很可口，由於切得夠厚身，蔬菜裡依然濕潤，熱辣辣的很好吃。
繼續閱讀
又在鰂魚涌的晚上,每次都係周圍睇下有咩值得試下,今次選擇左金之藏,因為我係大坑見過其總店,人流很多,但係鰂魚涌卻無咩人.我就唔會以人多人少做評價拉麵有六款,其他就係串燒之類.拉麵價錢為$68,麵既份量很少,如果要食飽,一定要加底.佢咁樣SET相信係左希望客人叫下串燒食$68 地獄拉麵,他們說是新款.配料都係蛋半隻,菜類和叉燒.令我印象深刻係塊叉燒,肉質鬆軟,沒多餘脂肪卻是帶點肉汁,味道帶少少甜.近期食既拉麵,好多塊叉燒都無味同乾爭爭.呢方面係值得一讚.但湯底卻平平無奇,以豬骨湯加上辛辣既油做成既地獄湯,辛辣度很高,豬骨湯味道卻比較淡,比唔到人覺得RICH既感覺.麵質就合格,煮得煙韌,掛湯度一般.我明知道份量不多,所以叫左串燒$48 野菜串燒,有冬菇,翠肉瓜同埋雞脾菇.串燒是汁燒,燒燒得剛剛好帶點乾,味道很濃,菜類帶水份,一乾一濕味道有水準.如果可以再帶點燒烤風味更佳$32 雞肉棒,連生蛋.雞肉棒混合了軟骨增加口感,肉質鬆化,燒汁甜美,沾上蛋黃食更加濕潤,淡淡肉既情況下好快食完.如果以拉麵既角度係合格,但不算出色.串燒是不錯.
繼續閱讀
之前試過西環分店，幾好食，服務亦不錯。咁岩約左朋友係鰂魚涌lunch, 又比我見到金之藏， 所以入去試下。叫左拉麵，大失所望，麵質唔得..湯又唔掂，唔怪同場客冇乜人叫...呢個價錢係附近有更好選擇囉 鋪頭細細唔係坐得好舒適，想同朋友食耐少少吹水下就唔好黎呢度......服務一般，應該不會再試了！
繼續閱讀