影片
港鐵鰂魚涌站 A 出口, 步行約2分鐘
繼續閱讀
附加資料
正宗日式便當. 便當包括肉類, 海鮮及素食菜式.
無肉餐單詳情: 每天供應素食菜式.
營業時間
星期一至五
11:00 - 19:00
以上資料只供參考, 請與餐廳確認詳情
偶然見到朋友於社交網分享森川的便當，實在被精緻賣相吸引，趁著放假，相約好姊妹帶同小朋友一起野餐。店舖位處小巷內，對於不熟路的我確實找了好一陣子，因為想避過繁忙時間，因此約2點左右才到，已只剩幾款選擇，森川隨便當外還有不少日本直送外間較難見到的零食，真的好中OL胃口。由於選擇不多，所以好快就點了兩款便當，分別是雞唐揚便當及秋葉便當。雞唐揚便當，炸雞味道不錯，份量亦不少，雖然已放涼但仍覺得很可口，4個小飯團味道亦好好，有個炸薯餅，內裡混了粟米，不會太油，味道不錯，另外有一小份類似蛋沙律，味道是最好，不過冷麵卻一般，大概如果有冷麵汁可能會好一點；秋葉便當，主食為天婦羅，味道真得一般，特別蝦天婦羅，質感好差，明顯用上大量梳打粉令到蝦變得"爽脆", 味道更怪怪的，大概是梳打粉味吧，三文魚卻不錯，有魚油香，如果熱食應該會更好，南瓜做成一塊葉子形狀，非常精緻美觀，味道亦很好，很香甜，其他飯類的味道亦不錯，整體其實都很好，只可惜天婦羅令便當大大減分。其實森川外賣店現貨只有便當，如想要其他小吃是需要預早兩至三天預訂，的確有點不太方便，加上沒有堂座，店舖確實目標客戶是附近的OL. 雖然便當賣相比味道好，不過如果有機會路經附近而又有時間可以於公園午餐的話，都會再光顧。
繼續閱讀
同事興喜提意lunch time買便當去公司附公園食。難得係一個鐘嘅lunch 可以偷下閒當然比面比面。同事帶我地轉左條巷仔，唔講真係唔知有間賣日式便當嘅鋪頭。原來便當係要預訂嘅，同事已經一早訂好哂去到比錢就ok啦！每份便當都有汽水同沙律附送。(可樂，忌廉，雪碧同Coke Lite)我地叫左三份便當share黎食。綠之便當、雞肉煮物南瓜便當、西京幕之內。一打開完全唔捨得開動，唔想破壞個賣相。由其係綠之便當，係一個寶盒一樣。故名思 叫"綠"之便當，就姐係素食。便當用一個盒會裝住，有上下兩層。上層: 菜沙律、涼拌牛蒡、豆腐沙律、粟米薯餅。下層有日式冷麵同醃菜。雞肉煮物南瓜便當: 紅蘿蔔、蘿蔔、煮雞肉。配菜: 芝士千層茄子、甜蛋，醃菜。飯: 紅米南瓜飯。西京幕之內係海鮮便當。一盒分為九格，有兩格係飯，分別係梅味嘅飯同另一種黃黃地色嘅飯。而其餘有比目魚、帶子蝦蟹柳、魷魚條、m獅子狗、嗚門卷、玉子、芋頭、車厘茄同醃菜。森川日式便當o既味道都比較清淡，感覺上都好健康。其實三款便當做得比較好o既係西京幕之內。帶子唔會煮過火侯，比目魚都好，係味道較淡。梅飯帶小小酸配餸食都幾好味。雞肉煮物南瓜便當，比較欣賞佢o既配菜南瓜。反而主菜雞肉有小小煮過火。芝士千層茄子就有小小漏。而賣相最靚o既綠之便當味道就最普通，冷麵配醬油有青瓜、蛋、紅蘿蔔絲。沙律配芝麻醬，味道都好淡。涼拌牛蒡算係最有味o既。森川便當食賣相真係一百分，睇得岀廚司o既用心，食物精美又擺得靚，未食望到已經好開心啦，仲洗食咩。
繼續閱讀
今日，好好好開心呀～～ 老闆為左慰勞我地呢排辛勤嘅員工，lunch萬歲....佢仲早上十時就親自致電外賣速遞，我揀了一客冷麵及一客豬扒三文治，其他同事分別點了壽司併盤，定食之類。外賣準時午膳時間送到，服務員態度良好友善。第一眼見到送來嘅美食，同事們都嘩聲四起，尤其是女同事，因為森川便當的日式包裝實在太有日本風啦，非常有特色，精緻美覌，未食已感覺幸福滿瀉，『ki呢兒笛士呢』，打開包裝，非常方便淨潔，質料係紙黎的，食完都捨不得掉左個盒呢 。冷麵是蕎麥製作，配以日式冷面汁及酸薑，非常開胃，但口感一般，我估計係外賣的關係，令質素有所下降，假若再放回冰箱雪一雪應該更好食。豬扒三文冶，內有沙律醬汁及蔬菜絲，所以食落不會乾崢崢，面包皮外覌見有烘底，但外賣相隔一段時間，以致沒有了脆的感覺，相信如果堂食應該非常好，份量就不算太多了，但對於一般想keep fit 既office lady 就真係剛剛好，不油不肥不高脂，今餐大家都食得好happy. 老闆：我地會繼續辛勤工作，期待下次嘅萬歲，呵呵
繼續閱讀
有次在飲食雜誌看到介紹紅磡分店的森川便當, 賣相精緻而滿有和風色彩, 深深被它吸引, 很想專誠前往一試, 但實在有點不就腳, 遲遲未能成功......但竟然有次在鰂魚涌行經一條小巷, 看見一塊廣告牌, 上面印了與雜誌一樣的和風便當。馬上到飲食資料齊全的openrice查看, 原來森川在鰂魚涌有分店, 可惜只在星期一至五12:00nn至16:00pm營業, 要待假期才有機會一試, 就趁這個復活節假期吧!環境它是一間只供外賣的食店, 門面細細, 以淺桃紅色為主調。舖頂掛了一條長木布條, 淺桃紅色的布上印了白色的店子名字, 清晰鮮明。店舖一邊牆身貼了兒童便當的相片, 趣緻可愛! 還設有一部播放着介紹店舖食物短片的電視機及桌上放了雜誌, 讓客人可在等取食物時消磨時間。另一邊是放了各款出售的便當真實樣板, 旁邊亦配有清晰的大相片, 讓客人可清楚知道各款便當的不同配料。服務大約1:15pm到達, 雖是午膳時段, 但客人只有一兩位, 故服務員詳細向我講解各款便當的用料, 還推介一些產品, 非常落力! 正正挑選好一款便當時, 發現有一張咭紙寫住 "星期一至五2:00pm後八五折", 於是向服務員了解一下詳細, 她清清楚楚表示有此推廣, 反正不太肚餓, 還差不夠半小時, 我便說2:00pm後來購買。事件一：2:00pm後到達購買其中一款便當, 同一位服務向我收取正價, 我問她：「2:00pm後不是八五折嗎?」 她猶疑了一回, 竟跟我說:「我諗緊做不做此推廣。」諗緊做不做??? 什麼諗緊做不做??? 不是白紙刻字寫明, 前半小時已口頭問過, 可以隨時任改?? 服務員還說：「一向逢星期三才做八五折推廣, 最近才試推出星期一至五實行, 咁岩今日又是星期三, 這便給你八五折!」她在說什麼!?? 竟然規則那麼混亂, 明明寫清寫楚, 可任由服務員話改就改, 有點兒戲! 令我感到有點被玩弄.......事件二：在廚櫃上看到一張"special offer", 共有三款$35的便當選擇, 上面其中一款"親子丼"貼上售罄, 多口問服務員一句：「是否真的沒有了?」, 她回答：「是!已賣晒。」, 打算選另一款"味噌煮牛小排", 服務員竟說:「因復活節期間, 故沒有這"special offer"。」吓! 剛剛才說"親子丼"售罄, 現在又話沒有這"special offer", 究竟點?? 真令人費解。若然不做此"special offer", 就不要放板子出來, 令客人誤會, 算吧! 不再談論那麼多.....食物本應想揀選全店招牌9格便當, 但好似只是賣相吸引精緻, 格格啲骰, 不太飽肚......左想右想, 經過一輪角力後, 最終選了雞肉煮物南瓜便當配麵豉湯和果汁 (原價%58, 八五折後$49)。● 雞肉煮物南瓜便當此便當分了四格, 由大至小逐一說說：- 左邊最大格放了紅米溝白米及南瓜煮豆腐。一打開便當盒蓋便傳來陣陣米飯香, 粒粒米飯分明, 質感略為乾硬, 需要細細咀嚼。南瓜煮豆腐只有一小件豆香十足的豆腐; 南瓜煮至又粉又腍, 清甜美味!- 右邊頂層中格放了雞肉煮物, 連皮雞肉肉質硬實, 略為粗糙鞋口, 當然不會期盼有鮮味, 但郤是完全沒有味道! 配料有數片薄薄的紅蘿蔔、半件厚切白蘿蔔及一件蒟蒻。紅蘿蔔爽口且帶微甜; 白蘿蔔多渣且帶點苦澀, 非常失望! 蒟蒻味道清淡, 質感爽而富有彈性, 不錯!- 下層其中一小格放了印有店名"森川"的玉子, 淺黃色薄薄一片, 味道只是稍稍微甜, 沒有特別。- 下層另一小格是芝士釀茄子, 此格為較特別和美味! 茄子雖已煮至色澤暗啞, 有點過時, 但仍存有茄子的清甜, 配上淡淡的芝士鹹香和中間夾着香濃椒味的三色椒, 整體味道不錯。● 麵豉湯本應想揀沙律, 但已換清了, 只好揀麵豉湯。我這麼愛湯之人, 為何不想選擇它, 皆因它一點誠意都沒有。服務員話因方便客人外賣取走, 故以沖粉湯包取代新鮮製作。沖粉湯包其實只是味精湯, 湯料只有一兩片海帶和數片粉狀物, 以一杯水分量沖調, 味道勁鹹, 喝了都覺得不健康, 故只喝了三四啖便放棄。● 果汁果汁是來自美國的牌子, 看見廚櫃上有菠蘿味, 打算揀選它。服務員話它是樣板, 已放了很久, 不敢給我, 但內裏的貨又換清了, 只有蘋果味。噢! 沒辦法啦! 我要求不凍的, 服務員話全部已雪凍, 但可將樣板那罐給我, 吓!會否又是放了很久!? 這罐樣板可給我, 菠蘿味那罐郤不能, 她表示這罐放了不久, 我唯有信!這罐蘋果汁是100%果汁, 沒有添加其他糖, 一罐163ml有80kcal, 但已有19g糖分, 難怪那麼甜, 但滿有蘋果香。******************************本應見到menu上有一款"車車"兒童便當, 超級可愛趣緻, 令我馬上預先下了訂單, 但回家一吃了今次的便當便決定取消, 幸好還趕得切。______________________________總括而言, 環境細細, 設計用色吸引奪目, 相片清晰吸引; 服務態度馬馬, 所列明的推廣可隨時自行更改, 前言不對後語, 真令人感到費解; 食物賣相雖然精緻吸引, 但不美味, 以此價錢來說, 不太值得。
繼續閱讀