24
4
3
港鐵長沙灣站 B 出口, 步行約9分鐘
繼續閱讀
營業時間
星期一
07:00 - 23:00
以上資料只供參考, 請與餐廳確認詳情
招牌菜
其實我份人每個禮拜都要食兩次燒味先安樂，今次終於嚟到強記一試叉燒及燒鵝，叉鵝雙拼雖然堂食五十幾唔算平，但係燒鵝皮脆肉嫰，叉燒全部都係三吋釘，分量正常，一定要黎再試其他燒味。
繼續閱讀
準備夠鐘食lunch，又係同同事針針食咩既時候，都一排無食燒味，就揀你喇！強記飯店係我成日會幫襯既餐廳，黎親都會食燒鵝，真係好香，唔會柴，好多肉汁。不過次次都見到有人叫另一個飯，好多人食咁！所以今次我都揀揀佢喇！就係叉燒煎蛋飯！我會叫太陽蛋，篤穿佢撈埋飯食，一流啊！我食燒味都一定會叫碟蔥油撈混飯食，再野味d叉燒真係整得好香口，份量剛剛好！掂啊最後加多杯熱檸茶，咁就perfect laaaa強記唔止燒味飯，其他飯餐都有，同事食親都係古撈肉飯😂都好夠味！經過都可以一試架
繼續閱讀
係荔枝角放lunch，其中一間最常幫襯既飯店會係呢間強記食燒味飯呢間都係同事幫我去先知佢既燒味飯出名好食最常叫既係四寶飯，今次係配雞腿，平時又會配燒腩肉叉燒係最好吃的，都比較多人叫叉燒煎蛋飯紅腸都好好食跟餐既例湯都好飲，足料 但味精味都算濃今次試埋佢個油雞飯都好好食是油味夠濃入味最鐘意點埋佢個酸梅醬汁送飯食價錢算偏貴不過叉燒真係燒得幾靚，平均兩星期都會去食一次lunch時間都好多人去，多人一齊食就比較難搵位了
繼續閱讀
中學嗰陣時放lunch成日同啲飯友仔去街市買燒味飯食。16蚊燒味雙拼飯仲有康師傅嘅冰紅茶送😳而家搖身一變進化成為超級領展街市😢去返中學附近嘅街市已經桃花依舊😭上兩個星期好想懷緬下燒味飯嘅味道走左食呢間強記。等位等左一陣。呢個燒肉飯價值46蚊, 總共係街市燒味飯嘅3倍😰不過佢啲燒肉皮都尚算脆, 肥瘦到尚算適中~係一間唔錯嘅燒味飯。至於佢嘅例湯都還好唔會係太咸嗰種, 如無意外第日都應該係會再幫襯嘅。
繼續閱讀
我第一次見到呢個飯就諗起食神。。。。呢間係出左名既米芝連推介，價錢自然貴啦。蛋就煎得好靚啦，蛋黃一拮就流入飯入面，加埋飯底既甜豉油，撈埋一齊就不得了。叉燒又整得岩岩好，不肥不瘦，好味丫！其實食呢個飯更加係因為情意結。細細個我至憎食飯，媽咪就會拎甜豉油整隻煎蛋比我撈飯食。呢一個就十分接近媽咪整比我嗰個。話就話佢係貴，但我自己真係覺的份量比起出面嗰d得體得多。而家出去食個飯又貴又唔夠食，呢度就差唔多！
繼續閱讀