Via Tokyo

營業中

休息中

小店位於銅鑼灣，係香港第一間以抹茶為主打嘅甜品店，主打多款雪糕、蛋糕、飲品，有單點亦有套餐，依家仲做緊期間限定嘅黑芝麻口味，鍾意甜品嘅會推介大家去試試～ 蛋糕主要有兩款，Cheesecake同Rollcake，前者帶淡淡芝士香氣，口感細滑順口，黏黏地好過癮，食落唔膩，相對嚟講抹茶比焙茶味更突出、後者忌廉份量十足，茶味濃，邪惡又好味🤤雪糕款色眾多，要咗期間限定嘅Waffle，集齊北海道牛乳、抹茶同黑芝麻口味，香滑細膩，搭配白玉、紅豆蓉同脆脆窩夫餅，口感豐富。Warabi Mochi淨係叫set先有，煙煙韌韌幾得意～ 而飲品方面有Japanese Sayaka Sencha，適合配甜品，十分解膩！想打卡嘅建議叫Matcha Parfait，賣相一流，一層層疊，有齊忌廉、抹茶雪糕、玄米、紅豆蓉、抹茶啫喱、紅桑子、白玉、紅莓醬等等，選擇困難症人士必點。Fruits Pudding入口香滑水嫩，用上水果做裝飾，加埋豬仔餅乾，好可愛😍

via tokyo 開在銅鑼灣已有多年，今次忽然想起它，便約朋友光顧。⭐️「佐賀莓小姐」日本草莓芭菲配佐德島栗子蒙布朗$128這道甜點以新鮮的佐賀士多啤梨為主角，搭配著濃郁的佐德島栗子蒙布朗。賣相十分吸引，一條條仿似織物垂下。士多啤梨的酸甜和栗子的濃郁融合，加上脆脆的穀物、滑順的朱古力醬和香甜的士多啤梨醬作為配料，每一口都散發出迷人的香氣。而栗子蒙布朗則帶來了豐富的口感和深厚的風味。⭐️「佐賀莓小姐」日本草莓卷配北海道忌廉$68每一口都帶來了豐富的層次感和口感。卷蛋糕軟綿綿，與北海道忌廉很搭。⭐️抹茶雪糕芭菲$89這道甜點以頂級的抹茶雪糕為主角，搭配著白玉、脆米、紅莓和紅豆等配料。抹茶雪糕的濃郁味道和滑順口感讓人陶醉，而配料的添加為整個甜點增添了豐富的口感。特別值得一提的是加入的脆米和蕨餅，它們為甜點帶來了令人驚喜的咀嚼感。另外加了脆米和蕨餅，蕨餅QQ軟軟，口感更佳。

要講銅鑼灣抹茶甜點🍵，一定會諗起 Via Tokyo，開業咁耐一直以嚟都保持高人氣🔝，去親銅鑼灣成日都心思思想去食返杯雪糕🍦～·♡ 抹茶雪糕芭菲 HKD$89透明玻璃杯一層一層疊上，無論視覺同味覺都係完美享受🤩，吸睛度100分👍🏻。芭菲集齊抹茶雪糕🍦、玄米、紅豆蓉🫘、抹茶啫喱、紅桑子、白玉、紅莓醬、忌廉等，口感超級豐富🤤，大滿足！·♡ 3色雪糕窩夫 HKD$77yeah✌🏻!! 一次過食到3種口味，包括 黑芝麻⚫️、宇治抹茶🟢、北海道牛乳⚪️，黑芝麻味道十分濃郁，係3款入面個人最喜愛嗰款😋；宇治抹茶香滑微甘🍵，北海道牛乳就係最普通啦😆，有白玉、紅豆蓉搭配一齊食，白玉口感好煙韌😚～·♡ 宇治抹茶芝士蛋糕 HKD$59店家每日新鮮焗製嘅手工蛋糕🍰，蛋糕質感軟滑，口感細膩延綿😚，甜而不膩，好高質🤗！·♡ 凍茶拂抹茶黑糖拿鐵 HKD$60店員即場手磨抹茶粉🍵，抹茶味帶微苦回甘，加入黑糖中和恰到好處👍🏻。·📍Via Tokyo銅鑼灣禮頓道106-126號禮信大廈地下1A-1B號舖

表參道套餐 Set 3賣相：🐧🐧🐧🐧🐧味道：🐧🐧🐧🐧🐧套餐包含宇治抹茶卷、軟雪糕和日本煎茶，擺盤外觀精緻悅目，打卡感滿滿👍宇治抹茶卷食落口感軟綿又鬆化，每一口都充滿抺茶的清香，抺茶忌廉輕盈不膩，滋味滿分。軟雪糕選了北海道牛乳拼宇治抹茶口味，入口冰涼滑溜，味道既有濃郁的奶香，又混雜著抹茶的醇香，十分豐盈美味。煎茶特選了日本的”Sayaka” 煎茶，入口醇香沈穩，微苦而不澀，解膩一流。🐧❣️煎茶飲法亦十分講究，建議第一泡將茶葉泡熱水一分鐘後飲用，再加水享用第二泡，第三泡可倒入附上的玄米茶葉，三種泡法讓客人能品嘗三種不同的茶味變化。水果布丁賣相：🐧🐧🐧🐧🐧味道：🐧🐧🐧🐧🐧布丁採用大量色彩繽紛的水果作裝飾，再加上豬仔曲奇作點綴，感覺可愛又別緻。布丁入口香滑水嫩，蛋味濃厚，沾上甜美的焦糖一起食，更顯甘香可口。環境：🐧🐧🐧🐧餐廳採用豔紅和木色作主調，設計簡約帶有淡淡的和風感，加上柔和的燈光照明，感覺舒適又寫意，下午茶必到推薦。🐧❤️結語：表參道套餐誠意必食推薦👍

-🦄 ᴠɪᴀ ᴛᴏᴋʏᴏ @viatokyocafe ・🍃 夏日的蔥綠雪花飄飄…・⚡️ 真白簌簌飄落 霧松綠影相映照❄️ 晶凝蹁躚飛旋 玲瓏剔透律彌漫・✿－✿－✿－✿－✿－✿－✿－✿－✿－✿－✿・🎄【 𝓜𝔂 𝓧𝓶𝓪𝓼 𝓟𝓾𝓭𝓭𝓲𝓷. 】・首訪這人気抹茶甜品店 吸引我的並非抹雪糕卻是那動彈透嫩的布甸 抹控可能改頭換面嚕・💚 ᴜᴊɪ ᴍᴀᴛᴄʜᴀ ᴘᴜᴅᴅɪɴɢ ʜᴋᴅ68⚡️ ʀᴀᴛɪɴɢ🌕🌕🌕🌗🌑・既是抹茶控又是布甸控 神奇力量把它倆結合我會說它是個好吃的甸 感覺整體重於平衡性布甸質感偏向厚重紮實 有一定重量並非輕盈不是滑捋捋的日系布甸 也不會入口即溶化開卻做到順滑順喉之口感 且是極致綿密又細膩味道上大約分為三層次 各自都在互相配合著抹茶布甸重於甘香微甜 抹茶茶韻大於牛奶韻蛋香甜中規中矩不突出 整體味道偏甘幽清爽焦糖苦甜卻給我少驚喜 有一下被苦澀到很爽可惜焦糖醬份量不太多 只有薄薄的一層調和雪糕香甜而甜度比較高 像是蜂蜜雲呢拿雪糕雪糕上淋滿鬱綠抹茶醬 其甜度比雪糕是稍低抹茶醬由甘甜甘香主導 茶甘卻被雪糕遮蓋著個人欲抹茶甘澀能增強 才會平衡整體的甜味不過茶甘澀展現得較慢 屬尾韻於喉嚨中展現單純

呢間甜品店相信有留意開銅鑼灣美食嘅人都有聽過！Via Tokyo 一向以日式雪糕窩夫馳名。早前我嘗試咗佢哋嘅三色雪糕窩夫。我記得係70幾蚊左右，其實非常值得，因為係中環銅鑼灣嗰一帶甜品其實相當貴。呢一份甜品份量相宜，我同朋友一人食一半都覺得好滿足。三種雪糕分別係抹茶焙茶同牛奶味，香氣非常濃郁，感覺用料新鮮，可能是來自日本的食材吧。而且有綠茶味丸子、紅豆醬等等，味道不會太甜，更能襯托出他們煙煙韌韌的口感，窩夫鬆鬆脆脆的。這份甜品竟然有三種自然不同的口感，我和朋友都十分滿意。

🍱Set 3宇治抹茶卷忌廉入口綿滑，帶岀茶味的芳香，蛋糕鬆軟濕潤，整體層次豐富，甜度適中，茶控唔好錯軟雪糕抹茶味特級香濃，甘醇且帶微微苦澀，入口綿滑富奶香🍵日本“Sayaka"煎茶Japanese Sayaka Sencha 抹茶控不能錯過！茶色較亮麗，伴隨著微微茶澀，加入玄米蒸焗，別有一番米香，抹茶味特濃，大愛！☕️宇治焙茶鮮奶 Uji Houjicha Tea Latte唯美拉花，可愛龍貓❤️完全唔捨得飲，焙茶入口甘醇，散岀陣陣炭燒過的焙茶香宇治抹茶蒙布朗特濃宇治抹茶，混合栗子蓉，入口軟綿，慢慢溶化，充斥着金栗和抹茶的芳香，中層軟雪糕可自選口味，下層用料豐富，有充滿口感的麻糬和白玉，大滿足Via Tokyo📍銅鑼灣禮頓道106-126號禮信大廈地下1A-1B號舖

銅鑼灣人氣抹茶甜品店💚必試宇治抹茶蒙布朗系列‼️以頂級宇治抹茶，混合香濃德島栗子，每口也充滿著咁抹茶的甘醇和栗子的幽香，蒙布朗下層是抹茶軟雪糕，底層埋藏着海綿蛋糕、麻糬、白玉同紅莓醬等多種配料，豐富滿足💚 Set 4 宇治抹茶卷軟雪糕蕨餅宇治抹茶-宇治抹茶卷蛋質感軟綿，忌廉幼滑，每口也伴隨著抹茶香-軟雪糕可選北海道牛乳，宇治抹茶，宇治焙茶3款口味，質感軟滑，奶味香濃。-宇治抹茶鮮乳，入口順滑，抹茶味濃厚@viatokyocafeVia Tokyo📍銅鑼灣禮頓道106-126號禮信大廈地下1A-1B號舖#MontBlanc #matchalatte #matcha #hkdessert #hkdessertblogger #dessertporn #dessertholic

三重宇治抹茶雪糕布丁&抹茶焙茶雪糕配蕨餅上年得幾日限定食唔到都好sad今次仲要連雪糕都轉埋抹茶加埋一路食聽住啲日本歌有幾下幻想自己好似係日本cafe食緊佢地啲勁靚既焦糖布丁咁🥹🥹💚超好食！！！抹茶好夠濃 估佢唔到個布丁咁好食！蛋香味好香好jeng🤤🤤個雪糕抹茶味已經好勁 淋埋個幾乎無甜味既抹茶醬濃到💥好滿足既下午茶💯😍😍

一入到餐廳，滿日本感覺，擺設充滿了日本特色，美味之甜品，旅行之感覺。歷史很傳統感覺，有不同的日本甜品口感綿密細膩，誘人抹茶香～店子職員很有誠意，向每一位顧客送上餐牌，優質日本服務，抹茶甜品分有很多款式雪糕、芭菲、旦糕及飲品。用料上亦是精心細選日本產，選用京都抹茶製成雪糕，味道滿滿味道表参道套餐抹茶卷軟雪糕配宇治奶鐵宇治抹茶味道卷，滿滿旦香，非常軟綿呢。雪糕有日本香濃茶香和奶的鮮香甜度適合，連同行的友人也大說美味蕨餅滿是日本的感覺，培黑糖味配日式碟子蒙布朗杯蒙布朗杯很精緻喔，雪糕蒙布朗雪糕杯。蒙布朗是打卡甜點！滿滿豪華甜蜜，蒙布朗以宇治抹茶製作蒙布朗面條，茶香味濃郁。底層為脆片，加上手工雪糕及滿滿香氣，層次豐富口味香甜，有驚喜！ 一條條好棒的面條，很棒喔抹茶雪糕蒙布朗爆紅的店，人流非常多，期待焙茶味卷旦

近年有唔少日系甜品過江龍進駐～但呢間總可以喺香港抹茶甜品界佔一席位開業多年 水準依舊 難怪保持人氣啊 ´･ω･`甜品採用日本頂級茶品製作 最熟悉當然係宇治抹茶系列！✿ 三重宇治抹茶雪糕布丁 $⑦⑧布丁同雪糕本身已經好濃茶味 倒上抹茶醬更錦上添花 回甘十足！布丁亦好滑溜好重蛋香 私心最愛(*´∀`*)✿ 抹茶雪糕芭菲 $⑧⑨無疑係打卡之選 有忌廉、脆米、抹茶果凍、雪糕 再配上紅莓嘅酸甜點綴 層次好豐富.✿ 表參道套餐 $①⓪⑤♡ 宇治抹茶卷蛋 // 軟雪糕 // 抹茶黑糖豆乳拿鐵 +$①⑧卷蛋正常發揮 唔算好濕潤 勝在忌廉夠茶香黑芝麻軟雪糕絕對驚喜 芝麻味香濃 厚滑又唔易溶！拿鐵入口順滑 豆乳味較為明顯

落雨天so sad 😢 要食返啲甜點開心吓😆見好多人都有叫呢個set同朋友都叫埋一份Set 有四款，揀咗ღSet 3 $105有宇治抹茶卷同軟雪糕仲有日本Sayaka 煎茶/宇治焙茶 選擇🍵ღ三重宇治抹茶雪糕布丁 $78呢個係期間限定身為抹茶控又點會唔揀佢😎將濃郁嘅抹茶漿倒落去一大球嘅宇治抹茶雪糕同布丁上面濃郁茶香，入口即化嘅抹茶滑滑布丁🤤抹茶味濃厚香醇ღWa -nana 船 $89諗唔到食咩好揀呢款就啱晒勒朋友有選擇困難症揀咗呢款好似香蕉船入面有三款唔同味道嘅雪糕再加上切開咗嘅香蕉🍌同紅豆🫘煙煙韌韌嘅白玉口感豐富😌滿滿滋味

自問食過坊間唔少既日式布丁，第一口感都應該係幼滑，伴有焦糖及蛋味，呢間店主打抹茶，就試下期間限定抹茶布丁啦，上到黎好靚，同圖片一樣吸引。好啦第一啖食落去，ok乸野食落口感粗糙，抹茶味不濃，最後仲有少少蛋腥味回甘。我以為味覺出現問題，再食第二啖，口感依然。同行友人叫左抹茶雪糕，與麥記無差，可能真係我地唔識欣賞啦，比大家欣賞下呢個粗糙既布丁，唔想浪費食物，但真係食唔落，最後埋單$140蚊，又真係幾搵笨

專登過嚟呢度食佢嘅雪糕，叫咗個三色嘅雪糕窩夫，份量大概夠兩個人食， around $100內。雪糕嘅話最出色都係抹茶味，其他味就都係普通大路，不過口感係幾唔錯，舖頭門影比較窄，所以如果繁忙時間嚟應該都要排隊或者比較多人，可能會坐得有啲迫

今日同朋友喺銅鑼灣食完晚飯，口痕想食飯後甜品，身為抹茶嘅我哋就去咗禮頓道嘅「Via Tokyo 」食抹茶甜品。我哋嗌咗一個表參道set 4，有宇治抹茶雪糕、蕨餅、加錢轉嘅宇治抹茶芝士蛋糕同宇治抹茶草莓拿鐵，額外加咗一杯熱宇治抹茶拿鐵同一個焙茶芝士蛋糕。宇治抹茶雪糕嘅茶味濃郁，口感順滑，配有口感煙靭嘅紅豆同白玉；蕨餅配有黑糖漿同黃豆粉，甜味啱啱好，口感煙韌唔容易拉開，比較難兩個人分享食；芝士蛋糕係餐廳每日新鮮焗製，食落去有濃郁嘅芝士味，口感細滑順口，抹茶同焙茶嘅味道都好突出；熱嘅宇治抹茶拿鐵有一個好靚嘅龍貓圖案拉花，望落就好似一件藝術品，飲落去抹茶味濃厚；抹茶草莓拿鐵嘅草莓味比較出，略嫌蓋過咗抹茶嘅味道，不過夏天嚟講做凍飲非常正！📍銅鑼灣禮頓道106-126號禮信大廈地下1A-1B號舖位置就腳：🍊🍊🍊🍊🍊餐廳環境：🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊