影片
港鐵銅鑼灣站 A 出口
繼續閱讀
電話號碼
25061232
營業時間
今日營業
12:00 - 23:00
星期一至日
12:00 - 23:00
*Last Order: 21:15
以上資料只供參考, 請與餐廳確認詳情
有關獎賞計劃
相關文章
放假去搵食都有一排冇嚟呢度食嘢見到轉左餐牌，所以入去試一試嗌咗個極上刺身壽司御膳落完order佢哋好快上咗前菜沙律俾我跟住味噌湯、海鮮蒸蛋同烏冬都好快上咗枱最後就刺身同壽司啲刺身同壽司勁新鮮，特別係海膽好鮮甜吞拿魚腩好肥美本身以為唔係好多嘢食，結果食到勁飽呢餐食得好滿足最後要讚一讚佢哋啲Waiter 同經理唔知係咪因為換咗人個個都好好禮貌，又有耐性同我解釋個Menu有咩唔同左下次會同朋友再嚟試其他嘢
繼續閱讀
點著刺身拼盤，都算新鮮，但帶子不過厚切，以粒個價位黎講，只算得中規中矩。龍蝦帶子燒中，龍蝦肉視乎有點縮水，陪嘅炒雜菜都過於油膩，不符合日式料理的風格。最有問題的是天婦羅拼盤，實物與菜單照片嚴重不符，而且海膽天婦羅有啲腥，問經理先講系部分食材買晒，所以用芝士年糕換蝦餅，見其他台不同拼盤有蝦餅之後，經理又解釋系因為改左菜單，而且已經半年之久（改左半年都唔換菜單照片？！），之後見講唔過去，就同意換翻蝦餅。總而言之，以粒個價位，服務有待提升。
繼續閱讀
位於銅鑼灣時代廣場12樓嘅🌟鮨穴🌟，主打使用每日由日本直送嘅新鮮食材製作，鮮味無窮！果然一道出色嘅料理，最緊要就喺要有最出色新鮮嘅原材料！🔸厚燒牛舌配酢麵豉🔸特上壽司盛🔸章紅魚柚子醋沙律🔸牛油果軟殼蟹卷🔸松葉蟹甲羅麵豉燒配脆米餅大推🔸厚燒牛舌配酢麵豉，極厚嘅牛舌芯肉質十分之夠淋身，再加上燒嘅工序，令牛舌淋得嚟又香口，沾上特別調製嘅酢麵豉，整道料理再昇華至更高層次，一試難忘！🔸 松葉蟹甲羅麵豉燒配脆米，甲羅燒上枱後仍帶有剛燒好嘅熱氣，配搭米餅令口感更加特別，剛好嘅調味十分嘢味，不個人覺得如果有米飯的選擇可以迎合唔同客人嘅喜好。總括然而，🌟鮨穴🌟嘅食物十分之高質，絕對唔會令你失望，份量亦比較合理，性價比高，部分菜式較適宜多人分享。環境方面喺行日本居酒屋風格，坐得舒適，亦有大張卡位供一大班親朋好友聚會。
繼續閱讀
去到銅鑼灣想舒舒服服坐低食個日式午餐，所以去左位於時代廣場12樓嘅鮨穴。呢到環境闊落，唔駛等位。 估唔到連價日都有lunch set。 特上刺身御膳 - 連沙律、前菜、海鮮蒸蛋、白飯、味噌湯、甜品 ($338) 牛肉烏冬御膳 - 連沙律、前菜、海鮮蒸蛋、甜品 ($198) 沙律 新鮮沙律菜配上胡麻醬，食落好fresh。 前菜 辣味螺肉，都係出面食到果隻味道。 海鮮蒸蛋 茶碗蒸，蛋蒸得好滑，裏面有蝦，蟹柳，菇同嗚門卷。味道幾好。 味噌湯 正常味噌湯，再有海帶係入面。 特上刺身御膳 刺身有好多款，吞拿魚、油金魚、池魚、立魚、三文魚、大赤蝦、馬類海膽、大帆立貝。全部都勁鮮甜！ 牛肉烏冬御膳連刺身 牛肉烏冬用上原片大牛肉，牛肉用火槍燒完，牛肉唔會太熟而且食落都好淋，勁正。另外，因為牛脂同菇菌湯底融合左，每食一啖烏冬都有好香牛油同菇味，呢個烏冬真係無得輸。連埋一份小刺身，真係錦上添花。 甜品 日式和果子，梅子味，唔會太甜。 總括而言，呢一餐非常出色，食物種類選擇多，份量又多，而且食材新鮮，值得下次再去。
繼續閱讀
出去食飯，除咗食物質數之外，坐得舒服，枱與枱之間有適當嘅距離都好重要，喺鮨穴就做到。兩款魚生飯的分量都好大，食唔晒。魚生新鮮又好食。前菜的蘿蔔絲好入味。另外值得一讚佢哋套餐嘅甜品，黑糖皮、奶黃餡嘅mochi 真的有驚喜✨
繼續閱讀