400
20
14
開飯介紹
提供多國菜式的港式茶餐廳，招牌菜為經典蜜汁叉燒滑蛋飯及香煎喜哥蔥油豬扒煎蛋飯，分量十足相當化算。
繼續閱讀
營業時間
今日營業
07:00 - 00:00
星期一至日
07:00 - 00:00
以上資料只供參考, 請與餐廳確認詳情
食家推介
四寶食堂係我喺銅鑼灣其中一間經常去嘅飯堂，分店都幾多，銅鑼灣、北角同埋將軍澳都有分店，食物質素幾穩定，除咗人氣蔥油豬扒之外，今次試咗好抵食嘅二人套餐，人均$100都唔使就有齊餐湯、主食、甜品同特飲，性價比好高，無論糧尾定糧頭都冇問題板燒英國頂級封門牛柳返工咁攰所以upgrade咗封門牛，份量十足而且有擺盤，仲以為去咗西餐廳，比起平時茶餐廳的牛扒質素更高，配菜仲有焗蒜和啡菇，特別鍾意佢哋嘅蘑菇汁，好有港式風味意式蕃茄肉醬意粉之前食過一次已經覺得好高分，肉醬又多而且意粉都乾身，蕃茄味都幾濃稠，加上上面已經灑上少許芝士粉，肉醬意粉狂迷很滿意二人套餐仲包括咗招牌之作：雪山西多士熱烘烘的西多士已經夠邪惡，淡淡的淡香加上whipped cream，朋友說吃不下，但還是默默吃完了，身體很誠實—————————————————四寶食堂 (銅鑼灣)銅鑼灣謝斐道482號兆安廣場地下1-3號舖————————————————
繼續閱讀
個人非常之鍾意食茶餐廳，因為嘢食抵食，又大件頭，又好食，今日來到銅鑼灣，發現<四寶食堂>原來都有西餐供應，仲要係非常抵食嘅二人餐，值得推薦!!~是日餐湯係蘑菇忌廉湯: 夠曬creamy好味。頭盤係廚師沙律: 沙律菜非常新鮮。香煎西冷牛扒: 煎得非常之香，外面微微焦香，入面嘅肉質依然保持到牛嘅嫩滑，唔會過老，以茶餐廳來講，水準吾錯。經典卡邦尼意粉: 呢個意粉非常之驚喜，份量非常之大，入面嘅材料好豐富，有蘑菇、煙肉、火腿、洋蔥，仲有大量嘅忌廉芝士，仲配有特製嘅香料同埋雞蛋，煮出來嘅味道非常之好食。雪山西多士：呢個西多士有成兩吋咁厚，入面有花生醬一齊來炸成，上面仲鋪滿忌廉，甜甜地好驚喜。最後叫多咗個雞翼薯條，估唔到呢度嘅雞翼薯條小食可以咁大份，雞翼有成六隻咁多，而且仲炸到脹卜卜，每隻都好大隻，薯條係厚切嘅粗身薯條，炸得香脆好味。蘆薈白桃冷泡高山烏龍：帶有淡淡嘅烏龍茶香同埋白桃嘅鮮果味道，清新解渴。朱古力雪山：濃厚嘅朱古力加上忌廉，朱古力迷必點特飲。<四寶食堂>價錢非常抵食，而且食物質素亦都非常之高，值得再來。
繼續閱讀
收工同事提議一齊去銅鑼灣行街，見時間尚早，同事話帶我去食一間好食又抵食既茶餐廳食下午茶。一黎到四寶食堂門口已經即刻俾招牌既Tiffany blue招牌吸引住。5點半既時段，餐廳坐滿食客，等左大約10分鐘就有枱可以入座。有別於一般茶記，餐廳內部裝修亦以Tiffany Blue做主色非常有格調，另有有一大片花花牆。可惜因為花花牆前已經坐滿食客，安排唔到位置，所以我唔可以向牆前瘋狂打咭😂有少少肚餓既我地首先點左黑松露煙肉什菌忌廉意大利粉。賣相可能唔算吸引，但味道卻令人出乎意料既美味。濃郁既松露味道再配上厚厚既忌廉味，味道配合得剛剛好。意粉口感彈牙，唔會好似一般茶記煮得時間過長而冇彈性，非常值得推介👍🏻。另外，我地亦點左英倫紳士啤酒炸魚薯條；金黃色既魚柳分量十足，口感鬆脆香口，但魚柳仍保留住魚肉既鮮味同肉汁，唔會太乾。配埋薯條加茄汁，又食到唔停得口。最後我地試埋四寶食堂既招牌熱狗；長長既熱狗包夾住2條雞肉腸，我地2個女仔啱啱好可以一人一條腸仔唔駛爭🤣🤣以銅鑼灣地帶，下午茶餐平均唔過$50就可以食到咁高質既食物，絕對係物美價廉😍
繼續閱讀
同朋友去銅鑼灣行下，買完野之後，朋友知道附近有間好食又唔貴嘅茶餐廳，提議一齊去食晚餐。四寶食堂裝修時尚，燈光明亮，座位舒適。晚餐奉送餐湯，蘑菇忌廉湯口感順滑，濃稠適中。百里香蒜香欖油烤春雞、炒雜菌炸薯條：春雞都好大隻，一上檯就香氣撲鼻，烤雞表面金黃色，雞肉軟腍入味，切開入面滲滿肉汁。雜菌炒得美味香濃，薯條香脆可口。香煎加拿大豬柳拼板燒紐約雞扒、炸薯條、薯仔沙律：豬柳肉色淡紅有光澤，非常嫩滑，沒有太多肥油脂。雞扒肉質鮮嫩，加埋醬汁香口又惹味，薯仔沙律味道亦不錯。鮮油多：新鮮烘焗出來的多士夾上冰冷的牛油，烘麪包會被溶化的牛油變成輕軟，而食用時能夠吃出濃厚的牛油的香味。雪山紅豆冰：啖啖的紅豆香加上順滑的忌廉和濃郁的淡奶香，配搭成美味飲品！港式炸雞脾配奇律薯條、沙律，雞脾即叫即炸，皮脆肉嫩有肉汁，薯條外脆內軟的口感令人食不停口。
繼續閱讀
呢間餐廳算係打工仔成日幫襯嘅😂提供多國菜式嘅港式茶餐廳✨招牌菜為經典蜜汁叉燒滑蛋飯/香煎蔥油豬扒煎蛋飯🍳食物幾大碟 質素還可以 座位之間都算寬闊佢晚市都有數個2人餐幾抵食💰如果揀唔啱 都可以單點嘅 但選擇唔算好多🤭板燒美國頂級風門牛柳套餐🐮 $188配原個燒蒜薯仔沙律🥗配是日餐湯(白汁忌廉蘑菇湯)配雪山紅豆冰🫘 $30雖然話用上了頂級風門牛柳唔知關唔關揀咗7成事 口感一般🤧🥴肉質稍嫌略硬 咀嚼起來有些許韌性 需要一定咀嚼力主要依靠個汁 本身牛肉個味唔係好食到🥲牛柳切片整齊 分量恰當一人份量燒蒜薯仔沙律當作係小食咁擺埋一旁燒蒜口感特別 既鬆脆又軟嫩👌🏻👌🏻咀嚼時蒜頭會立即釋放出蒜香 刺激舌尖 餘韻持久👍🏻薯仔沙律既易入口又好食 諗起童年「大食會」必備😂😂質地細緻綿密 柔軟可口 配埋牛柳啲汁更好味白汁忌廉蘑菇湯🥣由濃郁忌廉與白汁融合而成調味方面恰到好處 唔會過鹹👌🏻吉列豬扒北海道咖哩飯🐖 $78配蘆薈西柚梳打🍹 $30擺盤設計簡潔大方 大大塊炸豬扒😃質地偏薄身 表面呈現出焦香咬落都算軟嫩多汁 口感層次豐富米飯粒粒分明蓬鬆柔軟 與咖哩嘅濃郁相得益彰👌🏻👌🏻💕梳打色彩搭配以粉嫩清新為主基調入口時感受到西柚汁微微酸甜滋味蘆薈粒粒增加咬口 加埋梳打幾fresh‼️😋雞翼薯條🍟 $68炸雞翼外層金黃酥脆 但少少過火 咬落肉質有啲鞋炸薯條酥脆可口 內裡綿軟 讓人欲罷不能😉
繼續閱讀